سال 2024 ء میں الاٹ کام فنڈز عدم دستیابی پر منسوخ ہوگیا تھا:محکمہ آبپاشی

لاہور (خبر نگار) محکمہ آبپاشی پنجاب کے ایک منصوبے کو مبینہ مالی بے ضابطگی سے جوڑنے کی کوشش کا معاملہ سامنے آنے پر محکمہ نے واضح کیا ہےکہ سال 2024 ء میں الاٹ کیا گیا کام فنڈز کی عدم دستیابی کے باعث منسوخ کر دیا گیا تھا اور اس پر کوئی عملدرآمد نہیں ہوا۔ سال 2026 میں بیسمنٹ کی ہموار اور محفوظ ورکنگ کے لیے لیا گیا پیٹی ریپئر اینڈ مینٹیننس کام مکمل طور پر الگ تھا جس کا 2024 کے منسوخ شدہ کام سے کوئی تعلق نہیں۔ محکمہ کے مطابق منسوخ شدہ کام کی مرمت کا تاثر دینا حقائق کے منافی اور گمراہ کن پروپیگنڈا ہے۔ جب2024 کا کام ہی نہیں ہوا تو اس کی مرمت کے نام پر مبینہ کرپشن کا سوال ہی پیدا نہیں ہوتا۔ مختلف نوعیت کے دونوں کاموں کو ایک قرار دے کر لاکھوں روپے کی بے ضابطگی کا تاثر دینے کے دعوے ریکارڈ کے بجائے غلط تشریح پر مبنی دکھائی دیتے ہیں۔ محکمہ نے واضح کیا ہے کہ 2024 کے منسوخ شدہ کام اور 2026 کے مرمتی کام کو خلط ملط کرکے پیش کرنا درست نہیں۔