لٹن روڈ پولیس کی کارروائی’ 2 رکنی ڈکیت گینگ گرفتار

لاہور(کرائم رپورٹر)لٹن روڈ پولیس نے کارروائی کرتے ہوئے ریکارڈ یافتہ دو رکنی ڈکیت گینگ کو گرفتار کر لیا۔ پولیس کے مطابق ملزمان احمد اور شاہ نواز کو خفیہ اطلاع پر میانی صاحب قبرستان کے قریب سے گرفتار کیا گیا۔ایس پی سول لائنز منزہ کرامت کے مطابق گرفتار ملزمان ریکی کے بعد گن پوائنٹ پر شہریوں سے لوٹ مار کرتے تھے۔ ملزمان کے قبضے سے غیر قانونی پستول، چوری شدہ موٹرسائیکل اور نقدی برآمد کر لی گئی۔پولیس نے ملزمان کے خلاف مقدمہ درج کرکے مزید تفتیش شروع کر دی ہے۔ ایس پی سول لائنز منزہ کرامت کا کہنا ہے کہ سٹریٹ کریمنلز کے خلاف بلاامتیاز کارروائیاں جاری ہیں اور شہریوں کے جان و مال کے تحفظ کو یقینی بنایا جا رہا ہے۔