ہائوسنگ کے موجودہ مسائل کا حل مشترکہ ایکشن پلان سے ہی ممکن ہے: ریاض حسین پیرزادہ

اسلام آباد (این این آئی)وفاقی وزیر ہائوسنگ اینڈ ورکس میاں ریاض حسین پیرزادہ نے کہا ہے کہ نیشنل ہاسنگ پالیسی 2025 وزیراعظم کے وژن کی عکاس ہے، پالیسی پر موثر عملدرآمد کے لئے تمام متعلقہ اداروں اور سٹیک ہولڈرز کو مشترکہ کوششیں کرنا ہوں گی۔وہ پیر کو نیشنل ہائوسنگ پالیسی 2025 کے اجرا کی تقریب سے خطاب کر رہے تھے جو نیشنل یونیورسٹی آف سائنسز اینڈ ٹیکنالوجی (نسٹ)اسلام آباد میں عالمی یومِ آبادکاری کے موقع پر اقوام متحدہ کے ادارہ برائے انسانی آبادکاری (یو این ہیبی ٹیٹ)کے تعاون سے منعقد ہوئی۔وفاقی وزیر نے نیشنل ہاسنگ پالیسی 2025 کی تیاری میں کردار ادا کرنے والے تمام افراد کی کاوشوں کو سراہتے ہوئے کہا کہ 24سال بعد تمام متعلقہ سٹیک ہولڈرز کی مشاورت سے پالیسی مرتب کی گئی ہے۔میاں ریاض حسین پیرزادہ نے کہا کہ رہائش کے شعبے کو درپیش چیلنجز سے نمٹنے کے لئے نیشنل ہاسنگ پالیسی کا اجرا اہم پیشرفت ہے، اس پر مثر عملدرآمد کے لئے تمام متعلقہ اداروں اور سٹیک ہولڈرز کو مل کر کام کرنا ہوگا۔تقریب میں وفاقی وزیر موسمیاتی تبدیلی و ماحولیاتی رابطہ ڈاکٹر مصدق مسعود ملک، ماہرینِ تعلیم، محققین، ہائوسنگ سیکٹر سے وابستہ شخصیات اور مختلف سٹیک ہولڈرز نے شرکت کی۔ڈاکٹر مصدق مسعود ملک نے موسمیاتی تبدیلیوں کے تناظر میں ماحول دوست اور پائیدار ہاسنگ منصوبوں کی اہمیت پر زور دیتے ہوئے کہا کہ نیشنل ہائوسنگ پالیسی بے گھر افراد کے لئے چھت کی فراہمی کی تمام تر منصوبہ بندی فراہم کرتی ہے۔انہوں نے کہا کہ حکومت، نجی شعبے اور تمام متعلقہ اداروں کو نیشنل ہاسنگ پالیسی پر موثر عملدرآمد کے لئے دستیاب وسائل بروئے کار لانے چاہئیں۔ پالیسی کا موثر نفاذ ملک میں رہائش کے مسائل سے نمٹنے اور پائیدار شہری ترقی کے فروغ میں اہم کردار ادا کرے گا۔