کوئٹہ(مانیٹرنگ ڈیسک)اینٹی نارکوٹکس فورس نے بلوچستان کے ضلع کیچ میں خفیہ ٹھکانے پرچھاپہ
مارکارروائی کے دوران بیرون ملک اسمگل کیلیے جمع کی جانے والی 96من سے زائد منشیات تحویل میں لیلی،بین الاقوامی منڈی میں پکڑی جانے والی چرس،میتھ ایمفیٹامائن(آئس)اورہیروئن کی مالیت لگ بھگ 56کروڑروپے ہے۔ترجمان اے این ایف کیمطابق منشیات کی اسمگلنگ کیخلاف کریک ڈاون کیدوران بلوچستان کیضلع کیچ کیعلاقے جوسک میں ایک بڑی اور کامیاب کارروائی کرتے ہوئے 3825 کلوگرام منشیات کی بھاری مقدار برآمد کر لی گئی۔ابتدائی معلومات کے مطابق مذکورہ مقام پر موجود کمپانڈ کو مبینہ طور پر منشیات کی سپلائی کی غرض سیعارضی طورپرمنشیات ذخیرہ کرنے کیلیے استعمال کیا جارہاتھا۔کارروائی کے دوران برآمد ہونے والی منشیات میں 2454 کلوگرام چرس، 1363 کلوگرام میتھ ایمفیٹامائن (آئس) اور 8 کلوگرام ہیروئن شامل ہے،جس کی مجموعی مالیت 56کروڑ روپے سے زائد بنتی ہے۔ابتدائی تحقیقات کے مطابق منشیات افغانستان سے پاکستان اسمگل کی گئی تھی جو محفوظ اشارہ ملنے پر سمندری راستے سے بیرون ملک اسمگل کی جانی تھیں۔منشیات قبضے میں لے کراس سے منسلک اسمگلنگ نیٹ ورک اورسہولت کاروں کے خلاف گھیرا تنگ کر دیا گیا ہے اور گرفتاریوں کیلئے کارروائیاں جاری ہیں۔ پاکستانکی تاریخترجمان اے این ایف کیمطابق حالیہ کارروائی ایک بار پھر اس حقیقت کو اجاگر کرتی ہے کہ افغانستان میں سرگرم بین الاقوامی منشیات اسمگلنگ نیٹ ورکس مخصوص جغرافیائی محل وقوع کی وجہ سے پاکستان کی سرزمین اور سمندری راستوں کو دیگر ممالک تک منشیات پہنچانے کے لیے بطور راہداری استعمال کرنے کی مسلسل کوشش کر رہے ہیں۔تقریبا ایک ماہ قبل اے این ایف کی مثر انٹیلی جنس اور بروقت معلومات کے تبادلے کے نتیجے میں دوست ممالک کے قانون نافذ کرنے والے اداروں نے کولمبوپورٹ(سری لنکا) پر کنٹینر سے 463کلوگرام میتھ ایمفیٹامائن (آئس) برآمد کی تھی۔اس نیٹ ورک کے افغان سرغنہ کو اے این ایف نے گرفتار کیا جس کے نتیجے میں افغانستان سیفعال منظم منشیات نیٹ ورکس کیعلاقائیا وربین الاقوامی روابط مذید نمایاں ہوئے۔ موجودہ کارروائی بھی اسی وسیع تر چیلنج کی عکاس ہے کہ اے این ایف ایسے نیٹ ورکس اور ان کے سہولت کاروں کے خلاف کارروائیاں مسلسل جاری رکھے ہوئے ہے۔ترجمان کے مطابق اے این ایف کی ملک بھر میں انسدادِ منشیات کارروائیاں پوری قوت اورعزم کے ساتھ جاری ہیں تاکہ منشیات کیخلاف جنگ میںمنشیات سے پاک پاکستان کی منزل کیحصول کویقینی بنایاجاسکے۔
