امریکی حکام کو جعلی ڈاک ٹکٹ فروخت کرنیوالے ملزم فہیم اکرم کی تلاش، گرفتاری میں مدد دینے پر ایک لاکھ ڈالر کا انعام

واشنگٹن (آئی این پی) امریکی حکام نے عوام سے جعلی ڈاک ٹکٹ فروخت کرنے والے ملزم فہیم اکرم کی تلاش میں مدد کی اپیل کی ہے۔ فلوریڈا اٹارنی آفس کے مطابق فہیم اکرم نامی ملزم نے50 لاکھ سے زائد جعلی شپنگ لیبلز فروخت کیے، امریکی پوسٹل سروس کو 12 کروڑ60 لاکھ ڈالر سے زائد کا نقصان پہنچا، اسے تلاش کرنے میں ہماری مدد کریں۔ حکام کے مطابق ملزم کو خود سے پکڑنے کی کوشش ہرگز نہ کریں۔ اگر آپ کے پاس ایسی معلومات موجود ہیں کہ وہ کہاں ہے تو امریکی حکام سے رابطہ کریں۔ امریکی پوسٹل انسپیکشن سروس نے اس کی گرفتاری اور سزا تک پہنچانے والی معلومات فراہم کرنے پر ایک لاکھ ڈالر تک انعام کا اعلان کیا ہے۔