لاہور(کرائم رپورٹر)شہر میں چوری اور ڈکیتی
کی وارداتوں کے دوران شہریوں سے لاکھوں روپے’ طلائی زیورات’ موبائل فون’ موٹر سائیکلوں اور گاڑیوں سمیت دیگر سامان لوٹ لیا گیا۔ تفصیلات کے مطابق ڈیفنس میں عدنان سے 4لاکھ65 ہزار روپے اور موبائل فون’لوئر مال میں باسط سے 4لاکھ 50ہزار روپے اور موبائل فون، ہربنس پورہ میں وسیم سے 4لاکھ35ہزار روپے اور موبائل فون، فیصل ٹائون میں انجم سے 4لاکھ 25 ہزار روپے’ موبائل فون اور دیگر سامان چھین لیا گیا۔ جنوبی چھائونی اور سبزہ زار سے گاڑیاں جبکہ لٹن روڈ’ نواب ٹائون اور کوٹ لکھپت سے موٹرسائیکلیں چوری ہو گئیں۔
