قومی ٹی20 ٹیم کے کپتان صاحبزادہ فرحان نے کہا ہے کہ بابر اعظم اور محمد رضوان دنیا کے بہترین کھلاڑیوں میں شامل ہیں اور دونوں کسی بھی وقت پاکستان کی ٹی20 ٹیم میں واپسی کرسکتے ہیں۔
سری لنکا کے خلاف ٹی20 سیریز سے قبل پریس کانفرنس میں صاحبزادہ فرحان نے کہا کہ انہیں پہلی مرتبہ قومی ٹیم کی کپتانی کا موقع ملنا اعزاز ہے اور وہ اپنی اور ٹیم کی کارکردگی کے حوالے سے پُرامید ہیں۔
بابر اعظم اور محمد رضوان کے مستقبل سے متعلق سوال پر قومی کپتان نے واضح کیا کہ دونوں کی صلاحیتوں پر کوئی شک نہیں اور وہ کسی بھی وقت ٹی20 کرکٹ میں کم بیک کرسکتے ہیں۔ انہوں نے موجودہ اسکواڈ پر بھی مکمل اعتماد کا اظہار کیا۔
صاحبزادہ فرحان نے کہا کہ پاکستان کو ٹی20 کرکٹ میں بے خوف اور جارحانہ انداز اپنانا ہوگا جبکہ ٹاپ آرڈر کو جدید ٹی20 کرکٹ کے تقاضوں اور مائنڈ سیٹ کے مطابق بیٹنگ کرنا ہوگی
