لاہور (جنرل رپورٹر)امریکن پاکستانی فزیشنز فار جسٹس اینڈ ڈیموکریسی (اے پی پی جے ڈی) کے مرکزی صدر ڈاکٹر محمداشرف طور نے کہا ہے کہ
بیجا مزاحمت نہیں بلکہ مفاہمت ریاست اور سیاست کاحسن ہے۔سیاستدان ایک دوسرے کیلئے اپنا دروازہ بندنہیں کیا کرتے۔ سنجیدہ مکالمے سے پیچیدہ ترین معاملے کاپائیدارحل تلاش کیاجاسکتا ہے۔حکومت کی طرف دوبارہ مذاکرات کی آفر پراپوزیشن کی طرف سے آمادگی ناگزیر ہے۔منتخب ایوانوں کے ہوتے ہوئے میدانوں میں فیصلے کرناکہاں کی جمہوریت ہے۔وہ اپنے اعزازمیں ایک استقبالیہ تقریب سے خطاب کررہے تھے۔ڈاکٹر محمداشرف طورنے مزید کہا کہ محض دھرنوں اورمزاحمت سے مقدمات ختم نہیں ہوں گے،اس کیلئے عدالت سے رجوع کرنا پڑتا ہے۔احتجاجی سیاست سے ریاست کے قومی مفادات پرمنفی اثر پڑتا ہے،شاہراہوں کی بندش سے ہزاروں مزدوراورہنرمنداپنی دیہاڑی مزدوری سے محروم ہوجاتے ہیں اوران بیچاروں کے گھروں میں چولہا نہیں جلتا۔انہوں نے کہا کہ ہماری ریاست اورسیاست جمہوری قوتوں کے درمیان ہرقسم کے تنا اور تصادم کی متحمل نہیں ہوسکتی۔حکومت اوراپوزیشن دونوں دھڑوں کوپاکستان میں سیاسی ومعاشی استحکام کیلئے اپنااپنا کلیدی کرداراداکرنا ہوگا۔انہوں نے کہا کہ عوام کی محرومیاں جبکہ حکومت اورعوام کے درمیان بہت زیاد ہ دوریاں ختم کرنے کیلئے سیاسی قیادت کے درمیان میثاق معیشت ناگزیر ہے۔قیدی عمران خان کی رہائی کیلئے سیاسی اورآئینی جدوجہدکرناپی ٹی آئی کاجمہوری استحقا ق ہے لیکن اس کیلئے انہیں عوام کو بنیادی شہری آزادی سے محروم کرنے کی اجازت نہیں دی جاسکتی۔انہوں نے کہاکہ حکومت اوراپوزیشن دونوں دھڑوں کواپنا اپنا انتہاپسندانہ موقف چھوڑنا ہوگا۔
