برسلز(آئی این پی )فرانس کے بعد مشرقی بیلجیئم کے شہر لیج میں بھی تعلیمی حالات میں بہتری کا مطالبہ کرنے والے طلبا کے مظاہرے پھوٹ پڑےجس کے بعد مقامی سیکیورٹی حکام کو الرٹ کردیا گیا ہے۔مقامی میڈیا رپورٹس کے مطابق حالیہ دنوں میں مجموعی طور پر 107افراد کو احتجاجی مقامات پر املاک کو نقصان پہنچانے اور آتش زنی کے الزامات کے تحت گرفتار کیا گیا۔بیلجیئم حکومت کے سرکاری الرٹ سسٹم نے تاجروں کو مشورہ دیا کہ وہ اپنے کاروبار جلد بند کر دیں جبکہ سینٹرل اسٹیشن کو عارضی طور پر بند کر دیا گیا ہے جس کی وجہ سے شہر کی ٹریفک اور عوامی نقل و حرکت میں خلل پڑا ہے۔پولیس نے رہائشیوں سے شہر کے مرکز میں داخل ہونے سے گریز کرنے کی تاکید کی اور جائے وقوعہ پر شرکا کی روک تھام اور جانچ کی۔یہ مظاہرے فرانسیسی بولنے والے تعلیمی حکام کی طرف سے متعارف کرائے گئے اصلاحاتی منصوبوں کے خلاف ردعمل کے باعث شروع ہوئے، خاص طور پر ٹیوشن فیسوں میں اضافے کے منصوبے۔واضح رہے کہ بیلجیم فرانسیسی اور ڈچ کو اپنی سرکاری زبانوں کے طور پر تسلیم کرتا ہے۔
