پشاور اور کوئٹہ کے بعد لاہور اور راولپنڈی میں بھی آٹا مہنگا ہوگیا

لاہور: (ویب ڈیسک) پشاور اور کوئٹہ کے بعد لاہور اور راولپنڈی میں بھی آٹا مہنگا ہوگیا۔
لاہور میں چکی مالکان نے فی کلو آٹے کی قیمت 8 روپے بڑھا کر 116 روپے کلو مقرر کر دی۔
راولپنڈی میں سرکاری گندم کی قلت کے بعد اوپن مارکیٹ میں فی من قیمت 3600 سے 3700 روپے کیے جانے سے آٹا بھی مہنگا ہوگیا۔
فیصل آباد میں فلار ملز نے آٹا 100 روپے جبکہ چکی کا آٹا 120 روپے تک کردیا۔ ادھر پشاور میں بھی آٹا مہنگا ہونے پر نانبائیوں نے روٹی کی قیمت بڑھادی۔ کسی نے قیمت 15 سے بڑھا کر 20 کردی تو کوئی پیڑے کا وزن کم کرکے کام چلانے لگا۔
سیلاب سے متاثرہ بلوچستان کے شمالی اضلاع میں قلت کے باعث آٹے کی قیمتوں میں ہوش ربا اضافہ ہوگیا ہے اور دوہفتوں میں 100 کلو بوری کی قیمت 11 ہزار سے بڑھ کر 13 ہزار روپے تک جاپہنچی ہے۔