یوروبانڈز اور کمرشل بینکوں سے قرض معاف نہیں کرایا جا رہا: مفتاح اسماعیل

اسلام آباد: (ویب ڈیسک) وفاقی وزیر خزانہ مفتاح اسماعیل کا کہنا ہے کہ یوروبانڈز کے قرض دہندگان اور کمرشل بینکوں سے قرض معاف نہیں کرایا جا رہا۔
سماجی رابطے کی ویب سائٹ ٹوئٹر پر جاری کردہ پیغام میں مفتاح اسماعیل نے لکھا کہ پاکستان کو درپیش موسمیاتی آفات کے باعث مشکلات کا سامنا ہے پیرس کلب کےقرض دہندگان سے باہمی بنیادوں پر قرض معاف کرایا جائے گا۔
وزیر خزانہ کا لکھنا تھا کہ یورو بانڈز کے قرض دہندگان اور کمرشل بینکوں سےقرض معاف نہیں کرایا جا رہا کمرشل بینکوں سےقرض معاف کرانےکی ضرورت نہیں۔
انہوں نے مزید لکھا کہ دسمبر تک ایک ارب ڈالرز کے بانڈز واجب الادا ہیں جس کی واپسی مقررہ وقت پرکی جائےگی ہم اب تک اپنے تمام کمرشل قرضوں کی ادائیگی کرتےرہےہیں اور قرضوں کی ادائیگی آئندہ بھی جاری رہےگی۔
اپنے ٹوئٹ میں مفتاح اسماعیل نے لکھا کہ 2051 تک پاکستان یورو بانڈز کا قرض 8 ارب ڈالرز ہے قرض کاایک بڑا حصہ دوست ممالک کا ہے دوست ممالک نےقرض ادائیگیوں کوری رول کرنےکی یقین دہائی کرائی۔