اسلام آباد (خصوصی رپورٹ) جے آئی ٹی میں پیشی کے بعد وزیراعظم نوازشریف کی زیر صدارت مشاورتی اجلاس میں حکومت نے سیاسی محاذ پر جارحانہ انداز اپنانے اور مخالفین کو بھرپور جواب دینے کا فیصلہ کر لیا۔ نجی ٹی وی کے مطابق وزیراعظم کی زیرصدارت مشاورتی اجلاس میں وزیراعلیٰ پنجاب شہبازشریف، وزیر خزانہ اسحاق ڈار، وزیر دفاع خواجہ آصف، وزیر مملکت برائے اطلاعات و نشریات مریم اورنگزیب، خرم دستگیر، عابد شیر علی اور آصف کرمانی سمیت دیگر اہم رہنما شریک تھے۔ اجلاس کے دوران مسلم لیگ (ن) کی قیادت نے آئندہ کی حکمت عملی پر غور اور ارکان سے مشاورت کی۔
