چکوال(بیورو رپورٹ)وزیر اعلی پنجاب مریم نواز کے ویژن کے مطابق آئی جی پنجاب پولیس کے احکامات پر ڈسٹرکٹ پولیس آفیسر چکوال کی زیر نگرانی ،ایس ایچ او تھانہ صدر چکوال سب انسپکٹر محمد آصف، سب انسپکٹر ثناء بی بی کی ٹیم کے ہمراہ کاروائی،تھانہ صدر چکوال کے مقدمہ نمبر 964/25 میں مطلوب اشتہاری مجرم آفتاب ولد الطاف سکنہ ایبٹ آباد کو جدید تکنیکی وسائل بروئے کار لاتے ہوئے گرفتار کر لیا گیا۔ دوسری کاروائی میں اسسٹنٹ سب انسپکٹر حامد رشید نے ٹیم کے ہمراہ کاروائی کرتے ہوئے تھانہ صدر چکوال کے مقدمہ نمبر 499/26 میں مطلوب اشتہاری مجرم محمد اسلم ولد نزر حسین سکنہ جھنگ کو گرفتار کر لیا گیا۔ ڈسٹرکٹ پولیس آفیسر چکوال کی جانب سے کاروائی کرنے والے افسران کو شاباش دی گئی ۔
