سری لنکا انگلینڈ سے میچز کیلئے قومی سکواڈ کا اعلان، صاحبزادہ فرحان ٹی ٹوئنٹی کے کپتان مقرر

ملتان (خبریں ڈیجیٹل) سری لنکا اور انگلینڈ سے میچز کیلئے قومی سکواڈ کا اعلان، صاحبزادہ فرحان ٹی ٹوئنٹی کے کپتان مقررکردیا۔ پاکستان کرکٹ بورڈ نے ٹی 20 اور ون ڈے کیلئے سکواڈ کا اعلان کردیا، جس  کے مطابق صاحبزادہ فرحان مختصر فارمیٹ کی قیادت کریں گے جبکہ شاہین آفریدی کو برقرار دیا گیا ہے۔ پاکستان کرکٹ بورڈ نے اہم اجلاس میں سری لنکا کے ساتھ ٹی 20 سیریز کیلئے سکواڈ اور کپتان کی تبدیلی کا اعلان کردیا۔سری لنکا کیساتھ تین ٹی ٹوئنٹی میچز کے لیے 15رکنی قومی سکواڈ کا اعلان کیا گیا جس کے مطابق صاحبزادہ فرحان ٹی ٹوئنٹی سیریز میں ٹیم کی قیادت کریں گے۔انگلینڈ اور سری لنکا کے خلاف ون ڈے ٹرائی سیریز کیلئے شاہین شاہ آفریدی کو برقرار رکھا گیا ہے۔شیڈول کے مطابق پاکستان اور سری لنکا کے ٹی ٹوئنٹی میچز راولپنڈی کرکٹ سٹیڈیم میں کھیلے جائیں گے، پہلا میچ 9 اکتوبر، دوسرا 11 اور تیسرا 13 اکتوبر کو ہوگا۔سری لنکا کے خلاف ٹی ٹوئنٹی سکواڈ میں صاحبزادہ فرحان، عبدالصمد، ابرار احمد، عرفات منہاس، فخر زمان، حسن نواز، محمد عمران رندھاوا، خواجہ نافع بطور وکٹ کیپر سری لنکا کے خلاف ٹی ٹوئنٹی سکواڈ کا حصہ ہوں گے۔اس کے علاوہ معاذ صداقت، نسیم شاہ، رضا اللہ اور صائم ایوب، محمد سلمان مرزا، شاداب خان اور سفیان مقیم بھی 15 رکنی ٹی ٹوئنٹی سکواڈ میں شامل ہیں۔پی سی بی کے مطابق پاکستان، انگلینڈ اور سری لنکا کے درمیان 7 میچز پر مشتمل ون ڈے ٹرائی سیریز ہوگی۔ ون ڈے ٹرائی سیریز کے ابتدائی تین میچز راولپنڈی میں ہوں گے جبکہ ٹرائی سیریز کے باقی لیگ میچز اور فائنل لاہور میں ہوں گے۔ون ڈے کیلیے 16 رکنی اسکواڈ کا اعلان کیا گیا ہے جس کے مطابق ٹیم کی قیادت بدستور شاہین شاہ آفریدی کو دی گئی ہے۔اس کے علاوہ ون ڈے سکواڈ میں ابرار احمد، سلمان علی آغا، عرفات منہاس، بابر اعظم، فہیم اشرف، فخر زمان، محمد غازی غوری اور حارث رف، حسن نواز، نسیم شاہ، رضا اللہ اور سعد بیگ، صائم ایوب، شاداب خان اور سفیان مقیم شامل ہیں۔پی سی بی کی جانب سے جاری اعلامیے کے مطابق ٹیم کی مینجمنٹ میں مائیک ہیسن ہیڈ کوچ اور شان ٹیٹ بولنگ کوچ ہوں گے جبکہ مائیکل اسمتھ بیٹنگ کوچ اور منصور امجد فیلڈنگ کوچ کے فرائض انجام دیں گے۔اس کے علاوہ نوید اکرم چیمہ پاکستان ٹیم کے منیجر جبکہ راولپنڈی کے لیے شفقت شبیر اور لاہور کے لیے سید نذیر احمد میڈیا منیجر ہوں گے۔اعلامیے کے مطابق کرنل عثمان انواری سیکیورٹی منیجر، ڈاکٹر واجد علی رفاعی کو بطور ڈاکٹر مقرر کیا گیا ہے۔