پنجاب میں لینڈ معافیا کا راج سہانے سپنے دکھا کر شہری کنگال متاثرین داد رسی کے لیے خوار

ملتان (سٹی رپورٹر) پنجاب بھر میں لینڈ مافیا نے پنجے گاڑے ہوئے ہیں۔ مری، اسلام آباد، لاہور سمیت مختلف شہروں میں پوش پرائیویٹ کالونیوں میں پلاٹس اور رہائشی پلازوں میں آسان اقساط پر اپارٹمنٹس پلاٹس کا جھانسہ دیکر رجسٹریشن کے نام پر سادہ لوح افراد سے بھاری رقوم بٹورنے میں مصروف ہیں۔ بس سٹینڈ ،شاپنگ پلازوں میں کاؤنٹر بنا کر لوٹ مار کرنے کے بعد غائب ہوجاتے ہیں۔ متاثرین مختلف سرکاری محکموں میں داد رسی کے لئے خوار ہورہے ہیں ۔ذرائع کے مطابق پنجاب کے مختلف شہروں میں لینڈ مافیا کا بین الاصوبائی گروہ متحرک ہے ۔ملتان سمیت دیگر شہروں مظفر گڑھ ،ڈیرہ غازی خان، بہاولپور ،رحیم یار خان، جھنگ ،لیہ، فیصل آباد سمیت چھوٹے بڑے شہروں میں پراپرٹی مارکیٹنگ سے وابستہ جعلسازوں کا گروہ سرگرم ہے ۔ملتان سمیت مختلف شہروں کے بس سٹینڈز، شاپنگ کمرشل پلازوں میں مری اسلام آباد لاہور کی پوش پرائیویٹ رہائشی کالونیوں میں پلاٹس جبکہ مری اسلام آباد میں پلازوں میں اپارٹمنٹس نقد آور آسان اقساط پر بک کرکے ر رجسٹریشن کے نام پر 2 سے پانچ لاکھ فی کس کرکے اربوں روپے کے فراڈ کا سامنا ہے ۔اس ضمن میں ماڈل ٹاؤن بی بلاک میں راؤ ساجد نامی پراپرٹی ڈیلر نے ملتان سمیت مختلف علاقوں میں نیٹ ورک قائم کرکے مری ،اسلام آباد میں پلاٹ اور اپارٹمنٹس جعلسازی سے بک کرکے کروڑوں روپے سمیٹنے کے بعدبیرون ملک فرار ہوجکاہے جس پر ایف آئی اے، نیب نے تحقیقات شروع کردی ہیں ۔ایف آئی اے لاہور کی ٹیم نے ماڈل ٹائون ملتان سمیت دیگر علاقوں میں پراپرٹی ڈیلرز سے تحقیقات کی ہیں، مذکورہ بین الصوبائی گروہ سے متاثرہ افراد ایم ڈی اے ملتان سمیت دیگر سرکاری اداروں میں داد رسی کے لئے خوار ہو رہے ہیں۔
لینڈ مافیا