لاہور(کرائم رپورٹر)ڈی آئی جی آپریشنز فیصل کامران نے اپنے دفتر میں کھلی کچہری کا انعقاد کیا۔ کھلی کچہری میں شہری نے ڈی آئی جی آپریشنز سے اپنی جان بچانے کے لیے مدد کی اپیل کردی۔ جس پر فیصل کامران نے شہری کو ہر ممکن مدد اور تحفظکی یقین دہانی کرائی۔فیصل کامران نے شہری کی مدد کیلئے آئی جی آفس اور متعلقہ افسران سے فوری رابطہ کروا دیا۔اسی طرح شہری کی دو سال سے پھنسی 30 لاکھ روپے کی رقم میں سے 15 لاکھ واپس ملنے پر شہری نے ڈی آئی جی آپریشنز کا شکریہ ادا کرتے ہوئے کہا کہ آپ کی مدد سے میرے پیسے مل گئے، بقایا رقم کیلئے بھی پرامید ہوں شہری کی مدد پر ڈی آئی جی آپریشنز نے ایس ایچ او شالیمار کو شاباش دی۔ کھلی کچہری میں بوڑھی ماں نے بیٹے کے ناروا رویے کی بھی شکایت کردی جس پر ڈی آئی جی آپریشنز نے ایس ایچ او گرین ٹان کو بوڑھی ماں کی مدد کا حکم دے دیا۔پولیس ملازمین کے خلاف شکایت پرفیصل کامران نے ایس پی سٹی کو انکوائری مارک کرکے قصوروار ثابت ہونے پر قانونی و محکمانہ کارروائی کا حکم دیا۔ کھلی کچہری کی دیگر شکایات بھی متعلقہ ایس ایچ اوز کو مارک کی گئیں۔ اسی طرح ایس ایچ اوز شاہدرہ، نشتر کالونی، مناواں، کاہنہ، ریس کورس، نوانکوٹ کو درخواستیں مارک ہوئیں۔
