چوہدری شافع حسین سے چین کی بڑی سرمایہ کار کمپنی کے وفد کی ملاقات

لاہور (این این آئی)صوبائی وزیر صنعت و تجارت چوہدری شافع حسین سے ای وی سیکٹر سے وابستہ چین کی بڑی سرمایہ کار کمپنی کے وفد نےملاقات کی۔وفد کی قیادت چین کے سیج (SAIGE) گروپ کے چیئرمین مسٹر یانگ جو فینگ کررہے تھے۔پیسک ہاؤس میں ہونے والی ملاقات میں وفاقی پارلیمانی سیکرٹری برائے کامرس ڈاکٹر ذوالفقار بھٹی، کری ایٹو گروپ کے سی ای او انجینئر میاں سلطان محمود اور دیگر صنعتکار بھی موجود تھے۔ چیئرمین مسٹر یانگ جو فینگ نے کہاکہ ہمارے گروپ کا ای وی سیکٹر میں کری ایٹو گروپ پاکستان کے ساتھ جوائنٹ وینچر موجود ہے۔مشترکہ پروجیکٹ کے تحت 100فیصد مقامی سطح روزانہ 200 الیکٹرک موٹر بائیک تیار ہورہے ہیں۔الیکٹرک موٹر بائیکس کی مینوفیکچرنگ روزانہ کی بنیاد پر 1000تک بڑھائی جائے گی،اس مقصد کیلئے بھلوال انڈسٹریل اسٹیٹ میں نیا یونٹ لگایا جائے گا۔