آئی ایم ایف سے سٹاف لیول معاہدے کے باوجود پاکستان سٹاک ایکس چینج میں رواں ہفتے کا اختتام منفی زون میں ہوا

کراچی (بزنس رپورٹر)آئی ایم ایف سے
سٹاف لیول معاہدے کے باوجود پاکستان سٹاک ایکسچینج میں رواں کاروباری ہفتے کا اختتام منفی زون میں ہوا اور جمعرات کی طرح جمعہ کو بھی کاروبار حصص میں اتار چڑھاؤ کے بعد مندی رہی۔ پاکستان اور بین الاقوامی مالیاتی فنڈ (آئی ایم ایف) کے درمیان سٹاف لیول معاہدہ طے پانے کے باوجود خطے میں دوبارہ بڑھتی ہوئی کشیدگی نے حصص کی فروخت کے دباؤ میں اضافہ کیا اور بازار حصص پر مندی کے بادل رہے کاروباری حجم جمعرات کی نسبت15.34فیصد کم رہا۔ جبکہ مارکیٹ سرمائے میں 28ارب46کروڑ روپے سے زائد کی کمی ہوگئی۔ سرمایہ کاروں کی جانب سے شیئرز کی خریداری میں محتاط رویہ برقرار ہے اور منافع کے حصول کیلئے شیئرز کی فروخت کا دباؤ بھی دیکھا گیا۔کئیمواقع پر مارکیٹ میں تیزی بھی آئی اور ایک موقع پر100انڈیکس 693پوائنتس بڑھ کر168134پوائنٹس پر بھی پہنچا لیکن مارکیٹ کی تنزلی کا سلسلہ جاری رہا۔