واسا کی اربوں مالیتی کمرشل اراضی کوڑیوں کے بھاو لیز پر الاٹ

ملتان (سٹی رپورٹر) واسا پنجاب اتھارٹی کی صوبے بھر میں اربوں روپے مالیت کی سینکڑوں
کنال قیمتی اراضی انتہائی کم ریٹ پر سالہا سال سے لیز پر دیئے جانے کا انکشاف ہوا ہے ۔ واسا کو ہر سال 10 ارب سے زائد کا نقصان ہورہا ہے ۔ ڈی جی واسا نے ملتان سمیت دیگر اضلاع سے لینڈ کا ریکارڈ طلب کرلیا ہے ۔ذرائع کے مطابق پنجاب کے مختلف اضلاع میں واٹر اینڈ سینی ٹیشن اتھارٹی (واسا) پنجاب کی ملکیت اربوں مالیت کی کمرشل 374 کنال اراضی کم ریٹ پر سالہا سال سے لیز پر دیئے جانے کا معاملہ سامنے آیا ہے۔ اس ضمن میں رپورٹ میں بتایا گیا ہے کہ لاہور، راولپنڈی، فیصل آباد، ملتان، سرگودھا، شیخو پورہ، سیالکوٹ، بہاولپور، رحیم یار خان، ڈیرہ غازی خان سمیت دیگر اضلاع میں 374 کنال کمرشل اراضی مارکیٹ ریٹ سے انتہائی کم ریٹ پر لیز پر دینے سے واسا پنجاب کو ہر سال 10 ارب روپے کا نقصان پہنچنے کا تخمینہ لگایا گیا ہے جس ڈائریکٹر جنرل واسا اتھارٹی لاہور نے ملتان سمیت دیگر واسا ایجنسیوں سے لینڈ کا ریکارڈ طلب کیا گیا ہے ۔واضح رہے واسا ملتان کی 46 کنال کمرشل اراضی سمیت 88 کنال اراضی لیز پر دی ہوئی ہے۔ لاہور 45 کنال فیصل آباد 22 کنال اراضی کم ریٹ پر لیز پر دیئے جانے کا معاملہ سامنے آیا ہے جس پر واسا پنجاب کے اعلیٰ حکام نے تحقیقات شروع کر دی ہیں۔
واسا اراضی