لندن (بیورورپورٹ) باکسر محمد عامر خان نے اہلیہ فریال سے علیحدگی اختیار کر لی ہے۔ مائیکر وبلاگنگ ویب سائٹ ٹویٹر پر جاری پیغام میں عامر خان کا کہناتھا کہ ان کی اہلیہ کافی عرصہ سے کسی اور شخص کے ساتھ رہنا چاہتی تھیں اس لیے ہم نے باہمی رضامندی سے علیحدگی اختیار کرنے کا فیصلہ کر لیاہے ۔عامر خان نے اپنے ٹویٹ یہ بھی کہا کہ ایک وقت میں نے اپنی بیوی کیلئے اپنی فیملی اور دوستوں کو بھی چھوڑ دیا تھا ۔عامر خان نے اپنے سوشل میڈیا پیغام میں فریال کو لالچی قرار دیاہے ۔عامر خان کا اپنے پیغام میں کہناتھا کہ وہ اس وقت دبئی میں ہیں تاہم وہ فریال خان کیلئے نیک خواہشات رکھتے ہیں۔واضح رہے کہ گزشتہ کچھ عرصہ قبل عامر خان نے اپنی اہلیہ اور فیملی کے درمیان تنازعات کے باعث اپنی اہلیہ کے ساتھ رہنے کافیصلہ کیا تھا اور اپنی فیملی سے دوری اختیار کر لی تھی ۔فریال اور عامر خان کی فیملی کے درمیان تنازع رویے اور کپڑوں کے باعث شروع ہوا تھا۔ باکسر عامر خان نے اہلیہ فریال کو طلاق دینے کا اعلان کر دیا ہے اور کہاہے کہ فریال کسی اور شخص کے ساتھ رہنا چاہتی تھیں ۔عامر خان نے اپنے ایک ٹویٹ میں کہا کہ اینتھونیجوشوا جیسا شخص میرے مقابلے میں بالکل کچرہ ہے۔تفصیلات کے مطابق اینتھونی جوشوا برطانوی باکسر ہے اور وہ یونیفائڈ ورلڈ ہیوی ویٹ چیمپئن بھی ہیں ،اینتھونی جوشوا ممکنہ طورپر وہی شخص ہے جس کے ساتھ فریال اپنی زندگی آگے بڑھانا چاہتی ہیں اور عامر خان نے اپنے ٹویٹ میں ان کا نام لے کر مخاطب بھی کیاہے ۔عامر خان کا کہناتھا کہ رقابت کے جذبات نہیں رکھتا ،اس شخص کی تصاویر مجھے بھیجنے کی ضرورت نہیں ہے ۔ان کا کہناتھا کہ جوشوا جیسا شخص میرے چھوڑے ہوئے پر ہی گزارا کر سکتاہے ۔ پاکستانی نژاد برطانوی باکسر کی اپنی اہلیہ کے ساتھ علیحدگی کی تصدیق کے بعد فریال مخدوم بھی میدان میںا ٓگئیں ان کا کہنا تھا کہ عامر خان نے اپنے والدین اور گھر میری وجہ سے نہیں چھوڑا بلکہ گھر والے انہیں دونوں ہاتھوں سے لوٹ رہے تھے اس وجہ سے عامر خان نے اپنے خاندان سے علیحدگی اختیار کیا۔تفصیلات کے بعد پاکستانی نژاد برطانوی باکسر عامر خان نے اپنی اہلیہ فریال مخدوم سے علیحدگی کی تصدیق کی ہے اور ان پر الزامات بھی عائد کئے ہیں جس کے بعد فریال میدان میں آگئیں اور عامر خان کے الزامات پر انہیں تنقید کا نشانہ بنایا۔ فریال نے عامر خان کو مخاطب کرتے ہوئے کہا ہے کہ عامر مرد بنو اور تسلیم کرو کہ تمھار ا کیرئر ختم ہو چکا ہے اور تم نے باکسر انتھونی پر الزامات بھی اسی وجہ سے لگائے ہیں۔ عامر نے مجھے اورمیری بیٹی کو بھی خرچہ نہیں دیا , بیٹی اور گھر کے تمام خرچے میں خود چلاتی ہوں۔عامر خان جائیں اور اپنے گنوار خاندان والوں کے ساتھ رہیں۔ عامر خان کا کہناتھا کہ فریال واضح کرتے رہتی ہیں کہ وہ کتنی شدت سے کسی اور شخص کے ساتھ رہنا چاہتی ہیں ،وہ بہت جلدی آگے بڑھ گئیں ۔انہوں نے کہا کہ مجھے فریال سے علیحدہ ہونے کا دکھ نہیں ،میں نے فریال کیلئے اپنی فیملی اور دوستوں کو بھی چھوڑ دیا ۔عامر خان نے ٹویٹر پر ایک سکرین شاٹ بھی شیئر کیا جس میں مبینہ طور پر اینتھونی اور فریال کے درمیان ہونے والے گفتگو درج ہے۔ پیغامات میں فریال اور اینتھونی مبینہ طور پر ایک دوسرے کا حال احوال جان رہے ہیں اور ساتھ ہی ایک دوسرے کی مصروفیت کے بارے میں پوچھ رہے ہیں۔
