گرمی کی شدید ترین لہر میں جہاں زندگی مفلوج ہو گئی ہے وہاں چرند پرند بھی پانی اور سائے کیلئے کسی ٹھنڈی جگہ میں پناہ لئے ہوتے ہیں

شدید گرمی کی لہر، انسانوں کے ساتھ چرند و پرند بھی متاثر

ملک بھر میں جاری شدید گرمی کی لہر نے معمولاتِ زندگی کو بری طرح متاثر کر دیا ہے۔ سورج کی تیز شعاعیں اور بڑھتا ہوا درجہ حرارت انسانوں کے ساتھ ساتھ جانوروں اور پرندوں کیلئے بھی مشکلات کا باعث بن گیا ہے۔

شدید گرمی کے باعث چرند و پرند پانی اور ٹھنڈی جگہوں کی تلاش میں درختوں کے سائے، باغات اور دیگر محفوظ مقامات کا رخ کر رہے ہیں۔ ماہرین نے شہریوں سے اپیل کی ہے کہ وہ گرمی کے موسم میں اپنے گھروں، چھتوں اور کھلی جگہوں پر پرندوں کیلئے پانی کے برتن رکھیں اور بے زبان مخلوق کا خیال رکھیں۔

ماہرین کے مطابق گرمی کی شدت میں اضافہ موسمی تبدیلیوں کا بھی نتیجہ ہے، اس لئے ماحول کے تحفظ اور جانوروں و پرندوں کی دیکھ بھال کیلئے اجتماعی کوششیں ناگزیر ہیں۔