BISPمیں رجسٹرڈ خواتین نا جائز کٹوتیوں سمیت بے شمار مسائل سے دو چار

ملتان (وقائع نگار) بے نظیر انکم سپورٹ پروگرام کے تحت مالی امداد حاصل کرنے والی مستحق خواتین کو مختلف مسائل کا سامنا ہونے کی شکایات سامنے آ رہی ہیں۔ امدادی رقم سے مبینہ غیرقانونی کٹوتیوں، بائیومیٹرک تصدیق میں ناکامی، سروے اور دوبارہ تصدیق کے مسائل، نااہلی کے فیصلوں، ادائیگیوں میں تاخیر اور ایجنٹوں کی مبینہ ناجائز وصولیوں کے باعث مستحق خاندانوں کو مشکلات پیش  آ سکتی ہیں۔ دوسری جانب ادائیگی مراکز پر رش، انتظار اور بنیادی سہولتوں کی عدم دستیابی سے متعلق شکایات کی بھی تحقیقات کی ضرورت ہے۔شہریوں اور مستحق خواتین کی شکایات کی روشنی میں متعلقہ حکام کو ادائیگیوں کے نظام، شکایات کے ازالے اور ریٹیلرز کی نگرانی کا مؤثر جائزہ لینے کی ضرورت ہے تاکہ مالی مشکلات کا شکار خاندانوں کو ان کی پوری امدادی رقم شفاف طریقے سے مل سکے۔جنوبی پنجاب میں امدادی رقوم سے مبینہ غیرقانونی کٹوتیوں کے خلاف کارروائیوں کی اطلاعات بھی سامنے آ چکی ہیں۔ گزشتہ سال میں نظیر انکم سپورٹ پروگرام کے جنوبی زون پنجاب میں غیرقانونی کٹوتیوں اور مالی بے ضابطگیوں کے خلاف کارروائی کرتے ہوئے 508 ریٹیلر ڈیوائسز مستقل طور پر بلاک میں اور 22 مقدمات درج کیے گئے تھے۔ ایف آئی اے ملتان زون نے جنوبی پنجاب کے مختلف علاقوں میں امدادی رقوم سے مبینہ غیرقانونی کٹوتیوں کے الزام میں 8 افراد کو گرفتار کرنے کیا۔ مستحق خواتین نے بتایا ہے کہ ریٹیلرز فی قسط کے اوپر 2 ہزار سے 1 ہزار روپے وصول کررہے ہیں۔ جبکہ بی آئی ایس پی کے دفاتر میں سروے میں آنے والی ممستحق خواتین سے باہر موجود ٹاوٹس 3 ہزار سے 5 ہزار تک وصول کر لیتے ہیں۔ دوسری جانب ریٹیلرز مافیا قسط نکلوانے کے لیے انے والی خاتون جو پیسے نہ دے اس کے فنگر پرنٹس مس میچ کا بہانہ بنا کر واپس بھجوا دیتے ہیں۔ اس حوالے شہریوں نے بے نظیر انکم سپورٹ پروگرام (BISP) چیئرپرسن سینیٹر روبینہ خالد سے مطالبہ کیا ہے اس نظام کو شفاف بنانے کے لئے بہتر اقدامات کئے جائیں۔ترجمان بی آئی ایس پی ملتان نے اس حوالے سے موقف اختیار کیا کہ پہلے ون لنک تھا جس کی وجہ ریٹیلرز محدود تھے اب 4 سے 5 مزید مختلف بینکوں کو بھی اجازت مل گئی جس سے کٹوتیوں کا خاتمہ ہوگا۔ مراکز میں سروے کے لئے آنے والی مستحق خواتین کا رش زیادہ ہے۔ جس کی وجہ سے مشکلات کا سامنا ہے۔ کرپشن پر زیرو ٹالرنس ہے۔
بی آئی ایس پی