لیفٹیننٹ جنرل منوج پانڈےکو بھارت کا نیا آرمی چیف مقرر کردیا گیا۔

بھارتی میڈیا کے مطابق جنرل منوج پانڈے بھارت کے نئے آرمی چیف ہوں گے، جنرل منوج پانڈے اپریل کے آخرمیں عہدہ سنبھالیں گے، وہ بھارت کے 29 ویں آرمی چیف ہوں گے۔

بھارتی میڈیا رپورٹس کے مطابق بھارتی آرمی چیف جنرل منوج مکند نراونے 30 اپریل کوریٹائرہوجائیں گے۔

جنرل منوج پانڈےکا تعلق بھارتی آرمی کی انجینیئرنگ کور سے ہے اور وہ انجینیئرنگ کور سے آرمی چیف مقرر ہونے والے پہلے افسر ہیں۔

امریکی وزارت خارجہ کی رپورٹ میں بھارت میں انسانی حقوق کی سنگین خلاف ورزیوں اور بالخصوص مسلمانوں پر تشدد پر تشویش کا اظہار کیا گیا ہے۔
عالمی خبر رساں ادارے کے مطابق امریکی وزارت خارجہ کی جانب سے جاری رپورٹ میں انکشاف کیا گیا ہے کہ بھارت اقلیتوں اور دیگر مذاہب کے معاملے میں انسانی حقوق کی سنگین خلاف ورزیوں کا مرتکب ہوا ہے۔
رپورٹ میں مزید کہا گیا ہے کہ مسلمانوں کے خلاف تشدد میں اضافہ ہوا ہے،مقبوضہ کشمیر میں انسانی حقوق کی سنگین خلاف ورزیاں ہوئیں اور نوجوانوں کا سرکاری اور غیر سرکاری فورسز کے ہاتھوں ماورائے عدالت قتل کیا گیا۔
رپورٹ کے مطابق امریکا کی انسانی حقوق کے گروپوں نے یہ بھی نوٹ کیا ہے کہ حال ہی میں مودی حکومت نے ریاست کرناٹک میں طالبات کے حجاب پہننے پر پابندی عائد کی گئی۔
امریکی رپورٹ میں یہ بھی کہا گیا ہے کہ اگرچہ بھارت ایک جمہوری ملک ہے لیکن آزادیٔ اظہار رائے اور میڈیا پر پابندیاں عائد ہیں۔ صحافیوں پر تشدد کیا گیا، دھمکیاں دی گئیں اور بلاجواز گرفتاریاں کی گئیں۔
امریکی رپورٹ کے مطابق بھارت میں غیر سرکاری تنظیموں اور سول سوسائٹی کی فنڈنگ، یا آپریشنز اور پناہ گزینوں کی بحالی پر حد سے زیادہ پابندی والے قوانین بھی نافذ کیے ہیں۔

راولپنڈی: آرمی چیف جنرل قمر جاوید باجوہ کا کہنا ہے کہ پاکستان یورپی یونین ممالک سے تعلقات کوقدر کی نگاہ سےدیکھتاہے اور ہم کثیرالنوعیت تعلقات کےفروغ کےخواہاں ہیں۔

پاک فوج کے شعبہ تعلقات عامہ آئی ایس پی آر کی جانب سے جاری بیان میں بتایا گیا کہ آرمی چیف سے پاکستان میں رومانیہ کے سفیر نے جی ایچ کیو راولپنڈی میں ملاقات کی۔

ملاقات میں باہمی دلچسپی کےامور اور افغان صورتحال پر تبادلہ خیال کیا گیا جبکہ دونوں ممالک میں مختلف شعبوں میں تعاون بڑھانے پربھی گفتگو ہوئی۔

آئی ایس پی آر کے مطابق ملاقات میں آرمی چیف نے کہا کہ پاکستان یورپی یونین ممالک سے تعلقات کو قدر کی نگاہ سےدیکھتاہے، پاکستان یورپی یونین ممالک سےکثیرالنوعیت تعلقات کا خواہاں ہے۔

آئی ایس پی آر کے مطابق ملاقات میں دونوں جانب سے ہر شعبےمیں تعاون کو فروغ دینے کےعزم کا اعادہ کیا، رومانیہ کے سفیر کاہر سطح پر سفارتی تعاون مزید بہتربنانے میں کردار ادا کرنے کے عزم کا اظہار کیا گیا اور انہوں نے علاقائی استحکام کیلئے پاکستان کےکردار کو سراہا۔

راولپنڈی: آرمی چیف جنرل قمر جاوید باجوہ کا کہنا ہے کہ پاکستان یورپی یونین ممالک سے تعلقات کوقدر کی نگاہ سےدیکھتاہے اور ہم کثیرالنوعیت تعلقات کےفروغ کےخواہاں ہیں۔

پاک فوج کے شعبہ تعلقات عامہ آئی ایس پی آر کی جانب سے جاری بیان میں بتایا گیا کہ آرمی چیف سے پاکستان میں رومانیہ کے سفیر نے جی ایچ کیو راولپنڈی میں ملاقات کی۔

ملاقات میں باہمی دلچسپی کےامور اور افغان صورتحال پر تبادلہ خیال کیا گیا جبکہ دونوں ممالک میں مختلف شعبوں میں تعاون بڑھانے پربھی گفتگو ہوئی۔

آئی ایس پی آر کے مطابق ملاقات میں آرمی چیف نے کہا کہ پاکستان یورپی یونین ممالک سے تعلقات کو قدر کی نگاہ سےدیکھتاہے، پاکستان یورپی یونین ممالک سےکثیرالنوعیت تعلقات کا خواہاں ہے۔

آئی ایس پی آر کے مطابق ملاقات میں دونوں جانب سے ہر شعبےمیں تعاون کو فروغ دینے کےعزم کا اعادہ کیا، رومانیہ کے سفیر کاہر سطح پر سفارتی تعاون مزید بہتربنانے میں کردار ادا کرنے کے عزم کا اظہار کیا گیا اور انہوں نے علاقائی استحکام کیلئے پاکستان کےکردار کو سراہا۔

مسلم لیگ ن کی ترجمان مریم اورنگزیب نے ٹوئٹر پر گزشتہ کئی روز سے بننے والے ٹاپ ٹرینڈ کو روبٹک قرار دے دیا۔

میڈیا سے گفتگو کرتے ہوئے مریم اورنگزیب نے کہا کہ ٹوئٹر پر ٹرینڈ بنانے والے 97 فیصد اکاؤنٹس روبوٹک ہیں ایک روبوٹک اکاؤنٹ ایک گھنٹے میں10ٹوئٹس کرتاہے۔

انہوں نے کہا کہ ٹوئٹر پر بیانیہ روبوٹک ٹوئٹ کے ذریعے بنایا گیا اب عوام کو فیصلہ کرنا ہے روبوٹک ٹوئٹ کے پیچھے کھڑا ہونا ہے یا ترقی کیلئے۔

ترجمان نے کہا کہ پاکستان کے مفاد میں اور عوام کیلئے فیصلے ہورہےہیں انشااللہ پاکستان کےعوام کو ان فیصلوں سے ریلیف ملےگا آزادی اظہار رائے کیلئے جدوجہد کی اور پابندی پر یقین نہیں رکھتے۔

ان کا کہنا تھا کہ الیکشن کمیشن کی جانب سے فنڈنگ کیس کا فیصلہ 30دن میں آناہے اگلے30دن میں آپ کو سزا ملے گی پابندی بھی لگے گی سازش کے نام پر اداروں کو نفرت کا نشانہ بنایا جا رہا ہے عمران خان نے کہا ہم چیف الیکشن کمشنر کیخلاف ریفرنس لارہے ہیں عمران خان ملک میں انتشارپھیلانےکےدرپے ہیں۔

 پاکستان مسلم لیگ (ن) کی مرکزی نائب صدر مریم نواز نے سابق وزیراعظم عمران خان کے توشہ خانہ کے تحائف سے متعلق ردعمل کا اظہار کیا ہے۔

اپنی ٹوئٹ میں مریم نواز کا کہنا تھاکہ تمہارا تحفہ تمہاری مرضی نہیں بلکہ تحفے بھی ریاست کے اور مرضی بھی ریاست کی۔
انہوں نے کہا کہ اب تمہاری دھونس نہیں چلے گی، آنکھیں کھول لو، تمہاری جعلی حکومت اور تمہارا مستقبل، دونوں ختم اور حساب تو دینا پڑے گا۔
خیال رہے کہ سابق وزیراعظم و تحریک انصاف کے چیئرمین عمران خان نے صحافیوں سے غیر رسمی گفتگو میں کہا ہے کہ میرا تحفہ میری مرضی، توشہ خانہ سے جو کچھ لیا وہ ریکارڈ پر ہے، ایک صدرنےگھرپرتحفہ بھجوایا تو وہ تحفہ توشہ خانہ بھیج کرآدھی قیمت ادا کرکے اپنے پاس رکھا۔

ان کا کہنا تھاکہ ہم نے توشہ خانہ کی چیزوں کی قیمت 15سے بڑھاکر 50 فیصد کی، اگر پیسہ بناناہوتا توگھرکوکیمپ آفس ڈکلیئرکرکےکروڑوں روپیہ بناتا۔ عمران خان کا کہنا تھاکہ ‏فوجیوں کو بھی ڈی ایچ اے میں پلاٹ ملتے ہیں تو ان کی مرضی وہ جو چاہیں کریں۔

صحافیوں سے غیر رسمی گفتگو کرتے ہوئے عمران خان نے کہا کہ پچھلے انتخابات میں ٹکٹوں پر توجہ نہیں دی تھی، اس بار ٹکٹس خود دیکھ کردوں گا جب کہ اتحادیوں کوٹکٹ دے کرسبق سیکھا ہےکہ اتحادی نہیں ہونے چاہئیں، کسی الیکٹ ایبل کو ٹکٹ نہیں دوں گا۔
انہوں نے کہا کہ میرے خلاف اس وقت سازش ہوئی جب چیزیں ٹھیک ہورہی تھیں،میری اس مافیا سے لڑائی تھی جو قیمتیں اوپرلےجارہی تھی۔

فرح خان سے متعلق انہوں نے کہا کہ فرح خان کے پاس عہدہ تھا نہ وزارت ، وہ کیسے پیسے لے سکتی ہے، اس سلسلے میں کسی کے پاس کوئی ثبوت ہے تو سامنے لائے۔

عمران خان کا کہنا تھا کہ توشہ خانہ سے جو کچھ لیا وہ ریکارڈ پر ہے، ایک غیر ملکی صدر نے گھر آکر تحفہ دیا وہ بھی جمع کرا دیا،ساڑھے تین سال بعد ان کو توشہ خانہ ملا ہے تو یہ اللہ کا احسان ہے، توشہ خانہ سے چیزیں 50 فیصد قیمت ادا کرکے خریدیں، ہم نےتوشہ خانہ کی چیزوں کی قیمت 15سے بڑھا کر 50 فیصد کی۔ انہوں نے کہا کہ ہمارے خلاف کرپشن یاکوئی اسکینڈل نہیں آیا،کوئی ڈیل کی ہے تو بتائیں، پی ٹی آئی کے سوا کسی جماعت کے پاس فارن فنڈنگ کا ریکارڈ نہیں، ہم نے کوئی فارن فنڈنگ نہیں لی، پارٹی سے نکالے گئے شخص نے غلط کیس کیا، فارن فنڈنگ کیس تمام جماعتوں کے اکٹھا چلائیں۔

سابق وزیراعظم نے کہا کہ ایف آئی اے میں تبدیلیاں ہورہی ہیں اور 24 ارب کی تفتیش کرنے والوں کو تبدیل کیا جارہا ہے، جب کہ شہبازشریف ابھی سے انجینرنگ کررہا ہے، یہ اپنے افسران لگا کرمیچ فکس کریں گے،یہ کوشش میں ہیں نواز شریف کے کیس ختم ہوں، یہ نیب ایف آئی سے کیسز ختم کرائیں گے۔

عمران خان کا کہنا تھاکہ کوئی ایسی بات نہیں کروں گا جس سے ملک کو نقصان ہو، ہمارے لیے مضبوط فوج بہت ضروری ہے، میں اس لیے نہیں بول رہاکہ مضبوط ،متحد فوج پاکستان کی ضرورت ہے، ہم مسلمان ملک ہیں، مضبوط فوج ہماری سلامتی کی ضامن ہے۔

چیئرمین پی ٹی آئی نے کہا کہ روس کے دورےکے کے معاملےپر فوج آن بورڈ تھی، روس جانےسے پہلےجنرل باجوہ کو فون کیا جس پر جنرل باجوہ نے کہا کہ ہمیں روس جانا چاہیے۔

روپے کے مقابلے ڈالر کی قیمت میں ایک روپے تک کا اضافہ ہوا جبکہ اسٹاک مارکیٹ میں 61 پوائنٹس کی کمی ریکارڈ کی گئی۔
کاروباری ہفتے کے پہلے روز ڈالر کی طلب میں اضافے کے سبب اس کی قیمت میں اضافہ ریکارڈ کیا گیا، انٹربینک میں ڈالر 99 پیسے اضافے سے 182 روپے 54 پیسے پر بند ہوا جبکہ اوپن مارکیٹ میں ڈالر ایک روپیہ اضافے سے 183 روپے پر فروخت ہوا۔
معاشی تجزیہ کاروں کے مطابق قرض و سود کی ادائیگیاں اور درآمدات کے باعث زرمبادلہ کے ذخائر میں مسلسل کمی کا رجحان جاری ہے جس کے سبب ڈالر کی قیمت میں مسلسل اضافہ ہورہا ہے۔
دوسری جانب کاروباری ہفتے کے پہلے روز پاکستان اسٹاک ایکسچینج میں ملا جلا رجحان دیکھنے میں آیا، دوران ٹریڈنگ مارکیٹ میں 250 پوائنٹس کی تیزی بھی دیکھنے میں آئی مگر سرمایہ کاروں نے حصص فروخت کرکے منافع کمانے کو ترجح دی، یہی وجہ ہے کہ مارکیٹ 61 پوائنٹس کمی کے بعد 100 انڈیکس 46 ہزار 539 پوائنٹس کی سطح پر بند ہوا۔

پاکستان اسٹاک ایکسچینج میں کاروبار کا ملا جلا رجحان دیکھا گیا، دن کے آغاز پر کاروبار میں اضافے کے بعد اختتام تک معمولی مندی دیکھنے میں آئی۔
تفصیلات کے مطابق ہفتے کے پہلے کاروباری روز سوموار کو پاکستان اسٹاک مارکیٹ میں ملا جلا رجحان دیکھا گیا، دن کے آغاز پر 100 انڈیکس میں 342 پوائنٹس کا اضافہ ہوا جس کے بعد انڈیکس 46 ہزار 944 پوائنٹس پر پہنچ گیا۔
دن کے اختتام تک کاروبار میں مندی دیکھی گئی اور 100 انڈیکس 61 پوائنٹس کی کمی کے ساتھ 46 ہزار 539 پوائنٹس پر بند ہوا۔
یاد رہے کہ گزشتہ ہفتے سیاسی صورتحال اور حکومت کی تبدیلی کے بعد پاکستان اسٹاک مارکیٹ میں کاروبار کا نیا ریکارڈ قائم ہوا تھا، ایک دن میں سب سے زیادہ 1700 پوائنٹس کا ریکارڈ اضافہ ہوا تھا۔
گزشتہ سوموار 11 اپریل کو مارکیٹ کا آغاز 44 ہزار 444 پوائنٹس پر ہوا اور چند منٹس میں ہی انڈیکس میں 1300 پوائنٹس کا اضافہ ہوا جس کے بعد انڈیکس 46 ہزار کی نفسیاتی حد عبور کر گیا تھا۔