All posts by Muhammad Saqib

آئی ایم ایف کی شرائط پر منی بجٹ قومی سلامتی کیلئے خطرہ ہے: شہباز شریف

اسلام آباد: مسلم لیگ ن کے صدر اور قائد حزب اختلاف شہباز شریف کا کہنا ہے کہ آئی ایم ایف کی شرائط پر ایک اور منی بجٹ سے حکومت پھر جھوٹی ثابت ہو گئی ہے۔

اپنے ایک بیان میں شہباز شریف کا کہنا تھا کہ قوم کے مفادات کے تحفظ میں حکومت نے مجرمانہ کردار ادا کیا ہے، آئی ایم ایف کی شرائط پر منی بجٹ لانے کی اطلاع پاکستان کی قومی سلامتی کیلئے خطرہ ہے۔

انہوں نے کہا کہ بار بار خبردار کر چکا ہوں کہ یہ حکومت پاکستان کی معاشی خودمختاری کے خلاف سازش ثابت ہوئی، منی بجٹ کے ساتھ اسٹیٹ بینک اور جی ایس ٹی سے متعلق قانون سازی کی جا رہی ہے، یہ پاکستان کو آئی ایم ایف کا معاشی غلام اور گورنر کو آئی ایم ایف کا وائسرائے بنا دے گی۔

صدر مسلم لیگ ن نے کہا کہ آئی ایم ایف کی موجودہ شرائط کے نتائج خطرناک ہو سکتے ہیں، پاکستان کی دفاعی صلاحیت اور مستقبل میں حکومتی نظام مفلوج ہو جانے کے خدشات ہیں، منی بجٹ لانے کے بجائے عمران نیازی استعفیٰ دیں۔

ان کا کہنا تھا کہ حکومت کی اتحادی جماعتوں کو قومی مفاد میں منی بجٹ کے خلاف کھڑا ہونا چاہیے، منی بجٹ منظور ہونے کا مطلب پاکستان اور عوام کے مستقبل پر غلامی کی مہر لگانا ہے۔

قائد حزب اختلاف کا کہنا تھا کہ متحدہ اپوزیشن سے مل کر پاکستان اور عوام دشمن منی بجٹ اور قانون سازی کا مقابلہ کریں گے، حکومت کا راستہ روکیں گے۔

انہوں نے مزید کہا کہ منی بجٹ مہنگائی سے بدحال قوم کیلئے موت کا پروانہ ہے، منی بجٹ سے پیٹرول بجلی گیس مزید مہنگی ہو گی، قوم کا زندگی گزارنا مزید ناممکن ہوگا۔

‘چوروں کو برا نہ سمجھنے پر سب سے بڑی تباہی آئی’، وزیراعظم عمران خان

جہلم: وزیراعظم عمران خان کا کہنا ہے کہ جب کرپشن کو برائی نہ سمجھا جائے تو معاشرے میں محنت کون کرے گا،  بدقسمتی سے پاکستان میں چوروں کو برا نہیں سمجھا جاتا۔ 

القادر یونیورسٹی جہلم میں تقریب سے خطاب کرتے ہوئے وزیراعظم عمران خان کا کہنا تھا کہ  رسول اللہ ﷺ دنیا کے عظیم لیڈ ر تھے، بحیثیت تاریخ کا طالب علم میں اس نتیجے پر پہنچا کہ رسول اللہ ﷺکی سیرت پر چلنے میں کامیابی ہے، جو لوگ رسول اللہ ﷺ کی راہ پر چلتے ہیں وہی آگے جاتے ہیں،اللہ نے مجھے شہرت ،پیسہ اور سب کچھ دیا،میں سیاست میں تبدیلی لانے کے لیے آیا، خواہش تھی ملک میں سیرت ﷺ اتھارٹی قائم کریں، ریسرچ سے ہی جامعات بنتی ہیں، ریسرچ ہوئی ہی نہیں کہ دنیا کی امامت کس نے اور کس طرح کی۔

وزیراعظم کا کہنا تھا کہ سائنس اوراسلام میں لڑائی نہیں تھی لیکن نظریات میں فرق تھا، ملک میں سب سے بڑا مسئلہ مغربی ثقافت کا عام ہونا ہے، مغربی ثقافت روحانی طور پر زوال پذیر ہے، مغرب میں چرچز بند ہورہے ہیں، نوجوانوں کی رہنمائی نہیں کی جارہی، مغرب میں 40 سال پہلے خاندانی نظام کدھر تھا اور ہمار ے ممالک پر کیا اثرات مرتب ہوئے، مغرب سے کسی بھی وقت توہین مذہب کے واقعات سامنے آنے کاخدشہ ہے، دنیا میں اسلام کے خلاف جو بھی عمل ہوتا ہے تو سب سے زیادہ ردعمل پاکستان سے آتا ہے، خواہش ہے قانونی اور مذہبی نکتہ نظر سے ہم بہترین جواب دیں۔

عمران خان نے کہا کہ پاکستان کو ہر دور میں چیلنجز سے نمٹتے دیکھا، پاکستان کو اوپر جاتے اور نیچے آتے بھی دیکھا، موبائل فون انقلاب ضرور لایا لیکن اخلاقی طور پر نوجوانواں کو کمزور کرنے میں کردار ادا کر رہا ہے، بچوں اور نوجوانوں کی سرگرمیوں کی نگرانی لازمی ہے، بچوں اور نوجوانوں کو بہترین سرگرمیوں کے لیے چوائس دیا جائے۔

وزیراعظم کا کہنا تھا کہ ملک میں چوری کرنے والا لیڈر شپ نہیں کرسکتا کیوں کہ وہ معاشرے کونقصان پہنچاتا ہے، خود غرض آدمی کبھی قائد نہیں بن سکتا کیوں کہ وہ اپنی ذات سے اوپر سوچتا ہے، اور بزدل انسان لیڈر شپ کر ہی نہیں سکتا، مغرب آج سیرت ﷺ پرریسرچ کررہاہے کیونکہ وہاں فتویٰ لگ جانے کا ڈر نہیں،  مدینہ کی ریاست میں لیڈروں کی بارش تھی کیونکہ وہ بلا خوف سرگرم تھے، ترقی کے لیے ریاست مدینہ کے اصولوں پر عمل کرنا ہوگا، مدینہ کی ریاست میں خوف خدا لوگوں کے دلوں میں زندہ تھا، کسی ملک پر کرپٹ لیڈر سے بڑا اور کوئی عذاب نہیں ہوسکتا، لیڈر کبھی ایسا نہیں کرتا کہ اپنے رشتہ داروں کو اہم عہدوں پر لے آئے۔

ہمارا تعلیمی نظام ہی ہماری کامیابی میں آڑ آگیا، تعلیمی نظام تقسیم ہوا اور مسائل نے جنم لیا، تعلیمی نظام میں یکسانیت ضروری ہے، یکساں نظام تعلیم سے غریب کو فائدہ ہوگا،عظیم قوم بننے کے لیے بہترین کردار کا ہونا ضروری ہے، انسان میں سوچنے کی صلاحیت ہے وہ اچھے اوربرے کی تمیز کرتا ہے،  گزشتہ دنوں  لاہورمیں ایک سیمینار ہوا جس میں سپریم کورٹ کے ججز بلائے گئے، اس کانفرنس کا مہمان خصوصی وہ آدمی تھا جن کوعدالتوں نے سزادی اور وہ سزا یافتہ مجرم ہے،جو ملک کا پیسہ چوری کر کے باہر بھاگا ہوا ہے، بدقسمتی سے پاکستان میں چوروں کو برا نہیں سمجھا جاتا، کرپشن کو برا نہیں سمجھیں گے تو معاشرے میں محنت کون کرے گا، معاشرہ اس طرح کبھی بہتر نہیں ہوگا۔

چٹاگانگ ٹیسٹ: بنگلا دیش کا پاکستان کو جیت کیلئے 202 رنز کا ہدف

پہلے ٹیسٹ میچ میں میزبان بنگلہ دیش نے پاکستان کو فتح کے لیے 202 رنز کا ہدف دے دیا۔

چٹاگانگ میں کھیلے جارہے میچ کے چوتھے دن بنگلہ دیش نے 39 رنز پر 4 کھلاڑی آؤٹ سے دوسری اننگز کا آغاز کیا تو چند رنز کے اضافے سے سے پہلی اننگز میں عمدہ بلے بازی کرنے والے مشفیق الرحیم 16 رنز بنا کر حسن علی کا شکار بن گئے۔

90 رنز کے مجموعے پر 36 رنز بنانے والے یاسر علی شاہین شاہ آفریدی کی تیز گیند لگنے سے زخمی ہوکر میچ سے باہر ہوگئے۔

اس کے بعد لٹن داس کا ساتھ نبھانے مہدی حسن میراز کریز پر آئے لیکن ساجد خان نے 11 رنز بنانے کے بعد ان کی اننگز کا خاتمہ کردیا۔

لٹن داس اور یاسر علی کی جگہ ٹیم کا حصہ بننے والے نورالحسن نے اسکور 157 رنز تک پہنچایا، اس کے بعد نورالحسن 15 رنز بنا کر پویلین لوٹ گئے۔

کورونا وائرس کا نیا ویریئنٹ پاکستان بھی آئے گا، اسد عمر

وفاقی وزیر منصوبہ بندی اور نیشنل کمانڈ اینڈ آپریشن سینٹر (این سی او سی) کے سربراہ اسد عمر نے کہا ہے کہ کورونا وائرس کا نیا ویریئنٹ (اومیکرون) جیسے پوری دنیا میں پھیل رہا ہے یہ پاکستان بھی آئے گا البتہ آئندہ 2 سے 3 ہفتوں میں ہمیں زیادہ سے زیادہ ویکسینیشن کر کے اس کا خطرہ کم کرنا ہے۔

این سی او سی میں ایک اجلاس کے بعد مشیر صحت ڈاکٹر فیصل سلطان کے ہمراہ نیوز کانفرنس کرتے ہوئے انہوں نے بتایا کہ جنوبی افریقہ میں کورونا وائرس کی نئی قسم سامنے آگئی ہے جو انتہائی خطرناک ہے اور دیگر ممالک تک پھیل گیا ہے۔

انہوں نے کہا کہ ملک میں کئی ہفتوں سے وائرس کا پھیلاؤ بڑی حد تک کم ہے جس کی وجہ ویکسینیشن ہے اور اب تک ملک میں تقریباً 5 کروڑ افراد مکمل طور پر ویکسینیٹڈ ہیں جبکہ 3 کروڑ افراد کو ویکسین کی ایک خوراک لگ چکی ہے۔

انہوں نے مزید کہا کہ ہم نے گزشتہ ڈیڑھ سال میں جو بھی فیصلے کیے وہ ماضی نہیں بلکہ مستقبل کی صورتحال کومدِ نظر رکھتے ہوئے کیے۔

ان کا کہنا تھا کہ ہم نے فیصلہ کیا ہے کہ جیسے جیسے کیسز مثبت آنے کی شرح کم ہوئی، ٹیسٹنگ بھی کم ہوگئی لیکن اب فیصلہ کیا گیا ہے کہ ہائی رسک علاقوں میں بھی ٹیسٹنگ شروع کرنے جارہے ہیں تا کہ زیادہ ٹیسٹس کیے جاسکیں ساتھ کانٹیکٹ ٹریسنگ کے نظام کو بھی دوبارہ تیز کیا جارہا ہے۔

انہوں نے بتایا کہ متاثرہ ممالک سے مسافروں کی آمد پر پابندی لگادی گئی لیکن اس سلسلے میں مزید اقدامات کرنے جارہے ہیں تاکہ وائرس کی نئی قسم کو کنٹرول کیا جاسکے۔

انہوں نے اس بات کو تسلیم کیا کہ تمام تر اقدامات کر کے وائرس کی آمد کو کچھ وقت کے لیے ٹالا جاسکتا ہے لیکن اسے سارے دنیا میں پھیلنا ہی ہے کیوں دنیا ایک دوسرے کے ساتھ اس طرح ملی ہوئی ہے اسے روکنا ممکن نہیں ہے۔

لیفٹیننٹ جنرل فیض حمید کا دورہ وزیرستان، اتمانزئی مشران کیساتھ گرینڈ جرگہ

میران شاہ  (آئی این پی ) لیفٹیننٹ جنرل فیض حمید نے دورہ وزیرستان کے موقع پر اتمانزئی مشران کے ساتھ گرینڈ جرگہ میں افغانستان سے متاثرین کی واپسی، دوطرفہ تجارت بڑھانے اور انڈسٹریز بنانے سمیت علاقے کے دیگر مسائل پر بات کی۔ گیارہ کور کی کمان سنبھالنے کے بعد لیفٹیننٹ جنرل فیض حمید کا وزیرستان کا یہ پہلا دورہ ہے۔ وزیرستان آمد پر کور کمانڈر نے میران شاہ میں اتمانزئی مشران کے ساتھ گرینڈ جرگہ بھی کیا۔ اس موقع پر جی او سی 7 ڈویژن میجر جنرل نعیم اختر، ڈپٹی کمشنر شاہد علی خان اور ڈی پی او عقیق حسین بھی جرگے میں موجود تھے۔  نجی ٹی وی کے مطابق جرگے سے خطاب میں اتمانزئی مشران نے افغانستان سے متاثرین کی واپسی، دوطرفہ تجارت بڑھانے، انڈسٹریز بنانے کا مطالبہ کیا۔ مشران نے مسمار شدہ بازاروں کے معاوضوں کی ادائیگی، یونیورسٹی اور کیڈٹ و میڈیکل کالجز کے قیام کا بھی دیرینہ مطالبہ دہرایا۔ ملاقات میں کور کمانڈر پشاور لیفٹننٹ جنرل فیض حمید نے اتمانزئی مشران کے مطالبات کو پورا کرنے کی یقین دہانی کرائی۔ لیفٹیننٹ جنرل فیض حمید کا کہنا تھا کہ علاقے میں امن و امان کا قیام، ترقی اور خوشحالی فوج اور حکومت کی اولین ترجیحات ہیں۔ کور کمانڈر کے مطابق ترقیاتی منصوبوں، تجارت اور تعلیم کو فروغ دیکر علاقے میں ترقی اور خوشحالی کا نیا باب شروع ہوگا۔

کیا وزیراعظم مافیا سے ساڑھے 5 ہزار ارب کی اراضی چھڑا سکیں گے؟ مافیا بہت طاقتور ہے یا انہیں طاقتور لوگوں کی سرپرستی حاصل ہے، اسٹیٹ لینڈ سے قبضہ چھڑوانا آسان نہیں۔ رپورٹ : ستار خان

لاہور (ویب ڈیسک) ڈسٹرکٹ پنجاب کے ان  5 اضلاع میں شامل ہے جہاں جتنی اسٹیٹ لینڈ ہے اس کے ایک بڑے حصے پر قبضہ ہے۔ لاہور ڈویژن میں 10 لاکھ ایکڑ سے زائد سرکاری اراضی پر قبضہ ہے جبکہ لاہور ڈویژن میں چار اضلاع ہیں جن میں لاہور ڈسٹرکٹ میں22 ہزار ایکڑ راضی میں سے 5 ہزار ایکڑ سے زائد سرکاری اراضی پر قبضہ ہے۔ اس لحاظ سے لاہور ڈسٹرکٹ پنجاب کے ان پانچ اضلاع میں آجاتا ہے جہاں پر سینٹج وائز سب سے زیادہ قبضہ ہے۔ اب لاہور شہر کا تعلق سیاسی طور پر اور رہائش کے حوالے سے سابق وزیراعظم نواز شریف اور سابق وزیراعلیٰ شہباز شریف کا شہر کہا جاتا ہے اور اگر انتخابی حوالے سے کہا جائے تو لاہور شہر شریف خاندان کا شہر کہا جاتا ہے۔ میاں نواز شریف صاحب پنجاب کے دو مرتبہ وزیراعلیٰ رہے ہیں اور ایک مرتبہ نگران وزیراعلیٰ رہے اور تقریباً چھ سال تک پنجا کے وزیراعلیٰ رہے ہیں۔

ریال بیٹس نے لیوانٹے کو ایک کے مقابلے میں تین گول سے شکست دے دی

اسپینش فٹبال لیگ لالیگا میں ریال بیٹس نے لیوانٹے کوایک کے مقابلے میں3گول سے شکست دے دی جبکہ اسپانیول نے ریال سوسائیڈڈ کو ایک صفر سے مات دے دی۔
ریال بیٹس اور لیوانٹے کے درمیان کھیلے جانے والے میچ کے پہلے ہاف میں لالیگا کی آخری نمبر کی ٹیم لیوانٹے کے کھلاڑی مصطافی نے ساتویں منٹ میں گول کرکے سنسنی پھیلا دی۔
پہلے ہاف کے اختتام تک لیوانٹے کو برتری حاصل رہی، دوسرے ہاف میں ریال بیٹس نے اچھا کھیل پیش کیا، خاص طور پر یوانمی نے عمدہ پرفارمنس کے ذریعے نہ صرف خسارہ پورا کیا بلکہ مزید دو گول کرکے ہیٹ ٹرک بھی بنائی۔
اُنہوں نے یہ گول 54ویں، 63ویں اور 74ویں منٹ میں اسکور کیے۔
اس کے علاہ اتوار کو کھیلے گئے ایک اور میچ میں 9ویں نمبر کی ٹیم اسپانیول نے ٹیبل پر دوسرے نمبر پر موجود ریال سوسائیڈڈ کو سنسنی خیز مقابلے میں ایک صفر سے ہرادیا۔

شہباز شریف ، حمزہ شہباز کی اسلام آباد میں سیاسی و غیر سیاسی ملاقاتیں

لاہور(حافظ نعیم سے )اسلام آباد کا سیاسی موسم ایک بار پھر گرم ،باپ بیٹا اہم مشن پر ،میاں شہباز شریف کے بعد پاکستان مسلم لیگ ن کے نائب صدر اور پنجاب اسمبلی میں قائد حزب اختلاف میاں حمزہ شہباز کی راولپنڈی میں اہم سیاسی و غیر سیاسی شخصیات سے ملاقاتیں،اسلام آباد میں اہم ملاقاتوں کے بعد شہباز شریف کی ایک مرتبہ پھر لندن جانے کی تیاریاں۔ ذرائع کے مطابق پاکستان مسلم لیگ ن کے صدر شہباز شریف کی اسلام آباد میں جبکہ پنجاب اسمبلی میں قائد حز ب اختلاف میاں حمزہ شہباز شریف کی راولپنڈی میں اہم سیاسی و غیر سیاسی ملاقاتوں کا سلسلہ جاری ہے، ذرائع کا کہنا ہے کہ میاں حمزہ شہباز اس موقت اسلام آباد کی بجائے راوالپنڈی میں موجود ہیں جہاں وہ اہم سیاسی و غیر سیاسی شخصیات سے ملاقاتیں کررہے ہیں ذرائع کا یہ کہنا کہ یہ پہلی مرتبہ ایسا ہوا کہ میزں شہباز شریف کے بعد پنجاب کے حوالے سے حمزہ شہبازسے مقتدر حلقوں کی ملاقاتوں کا سلسلہ شروع ہوا ہے بلکہ ذرائع کا یہ کہنا ہے کہ ا س موقع پر حکمران پی ٹی آئی ایک وفاقی وزیر کی بھی میاں حمزہ شہباز سے راوالپنڈی میں ملاقات ہوئی ہے حمزہ شہباز سے اوربھی اہم غیر سیاسی اور مقتدرحلقوں سے تعلق رکھنے والی شخصیات ملاقاتیں ہوئی ہیں اور ملاقاتوں کا یہ سلسلہ ابھی تک جاری ہے، ذرائع کا یہ کہنا ہے کہ قومی اسمبلی میں قائد حزب اختلاف میاں شہباز شریف کی بھی اسلام آباد میں اہم ملاقاتوں کا سلسلہ جاری ہے اور وہ ان ملاقاتوں کے بعد مڈ دسمبر میں لندن جانے کی بھی تیاریاں کررہے ہیں ،اور کوشش کررہے ہیں کہ ان کا نام ای سی ایل سے نکل جائے وہ اپنا میڈیکل چیک اپ کرانے کے لئے لندن جانا چاہتے ہیں۔

جنوبی پنجاب میں ذخیرہ اندوزوں نے کھاد کا مصنوعی بحران پیدا کر دیا، کاشتکار خوار

جنوبی پنجاب میں ذخیرہ اندوزوں نے کھاد کا مصنوعی بحران پیدا کر دیا ہے جس کی وجہ سے کھاد نایاب ہونے پر کاشتکاروں کی اکثریت کنٹرول ریٹ پر کھاد کی تلاش کے حوالے سے خوار ہو رہی ہے۔
حکومت نے رواں سال پنجاب میں گندم کی کاشت کا ہدف ایک کروڑ ستر لاکھ ایکڑ رقبہ مقرر کیا ہے لیکن موجودہ صورتحال میں ذخیرہ اندوزوں نے کھادوں کا مصنوعی بحران پیدا کر دیا ہے جس سے عام مارکیٹ میں ڈی اے پی کھاد کی فی بوری قیمت پچانوے سو روپے ، یوریا کی پچیس سو روپے جبکہ نائٹرو کھاد کی اکسٹھ سو روپے تک پہنچ چکی ہے جس کا کاشتکاروں نے حکومت سے نوٹس لے کر کھاد کی کنٹرول ریٹ پر دستیابی کیساتھ گندم کی امدادی قیمت بھی چوبیس سو روپے من کرنے کا مطالبہ کر دیا ہے۔
صوبائی وزیر زراعت کا موقف ہے کہ حکومت کو درآمد شدہ کھادوں کی قیمت مقرر کرنے کا اختیار نہیں تاہم کھاد کی دستیابی یقینی بنانے کیلئے ذخیرہ اندوزوں کیخلاف کارروائیاں کر رہے ہیں ۔
ذخیرہ اندوزوں کیخلاف محکمہ زراعت کی کارروائیاں صرف زبانی جمع خرچ ہیں جس کی وجہ سے کاشتکاروں کیلئے گندم کی کاشت بھی مسئلہ بن گئی ہے۔

کرونا اومیکرون زیادہ خطرناک، اسرائیل کی سرحدیں بند، یورپ میں درجنوں کیسز

اسلام آباد لندن ،برلن(نیوزایجنسیاں)کرونا وائرس کی نئی قسم اومی کرون کے یورپ میں بھی کیسز سامنے آگئے،برطانیہ ،جرمنی میں 2،2،اٹلی اور،چیک ری پبلک میں 1،1کیس رپورٹ ہوا ۔غیرملکی خبررساں ادارے کے مطابق کرونا وائرس کی نئی قسم اومی کرون یورپ بھی پہنچ گئی۔کووڈ 19- کی نئی قسم اومی کرون جرمنی، اٹلی اور برطانیہ بھی پہنچ گئی۔ جرمنی کے وزارت صحت کے حکام کے مطابق جنوبی جرمنی کی ریاست باویریا میں نئے کرونا وائرس کے دو کیسز اور ایک مشتبہ کیس ملک کے مغرب میں پایا گیا۔ سب سے پہلے جنوبی افریقہ سے واپس آنے والے ایک شخص میں اومی کرون کی علامات کی تشخیص ہوئی ۔برطانوی وزیر صحت ساجد جاوید نے کہا کہ برطانیہ میں اومی کرون وائرس کے دو تصدیق شدہ کیسز ہیں، ایک کیس چیلمسفورڈ اور ایک ناٹنگھم میں پایا گیا ۔ دونوں افراد حال ہی میں جنوبی افریقہ کے سفر سے واپس آئے تھے۔اٹلی کے نیشنل ہیلتھ انسٹی ٹیوٹ نے بھی تصدیق کی ہے کہ موزمبیق سے میلان واپس آنے والے ایک شخص میں اومیکرون کا ٹیسٹ مثبت آیا ۔ اس کے علاوہ چیک ریپبلک میں بھی نئے ویرینٹ کا ایک مشتبہ کیس رپورٹ کیا گیا ۔یاد رہے کہ کووڈ 19- کی یہ نئی قسم پہلی مرتبہ جنوبی افریقہ میں دریافت ہوئی تھی۔ بتایا گیا ہے کہ یہ قسم کرونا کی پہلے سے معلوم اقسام سے کہیں زیادہ خطرناک ہے اور یہ تیزی سے پھیلنے کی صلاحیت رکھتی ہے۔ ابھی اس نئی قسم کے بارے میں مکمل سائنسی معلومات حاصل نہیں ہوسکیں۔برطانیہ، جرمنی اور اٹلی میں کرونا وائرس کی نئی قسم اومیکرون کے کیسز سامنے آئے ہیں جبکہ برطانوی وزیراعظم نے اس پر قابو پانے کے لیے ضوابط مزید سخت کر دیے ہیں۔کرونا وائرس کی نئی اور مہلک قسم اومی کرون کا تیز رفتار پھیلاو¿ روکنے کیلئے عالمی سطح پر ہنگامی اقدامات کا سلسلہ جاری ہے۔کووڈ کی نئی خطرناک قسم جنوبی افریقا سے نکل کر اٹلی، بیلجیم، جرمنی، چیک ری پبلک، ہالینڈ، مصر، اسرائیل، ملاوی، بوٹسوانا، ہانگ کانگ اوربرطانیہ تک پہنچ چکی ہے۔اومی کرون کے دنیا میں تیزی سے پھیلاو¿ کے سبب امریکا، کینیڈا، برطانیہ اور سعودی عرب کے بعد جنوبی کوریا نے بھی افریقی ملکوں سے پروازیں بند کر دی ہیں۔عالمی ادارہ صحت نے کرونا کی نئی قسم اومی کرون کو تشویشناک قرار د یتے ہوئے کہا ہے کہ نئی قسم اومی کرون کی خصوصیات پریشان کن ہیں، امریکا میں بھی اومی کرون کے کیسز ہوسکتے ہیں۔ ڈبلیو ایچ او نے اس حوالے سے مزید کہا ہے کہ کئی ہفتے بعد پتہ چلے گا کہ موجودہ ویکسینز اومی کرون کے خلاف کس قدر موثر ہیں ، ابتدائی شواہد سے پتہ چلا ہے کہ اس نئی قسم میں ری انفیکشن کا خطرہ دیگر اقسام سے زیادہ ہے۔کرونا وائرس کی نئی قسم اومی کرون یورپ بھی پہنچ گئی،جرمنی، اٹلی اور برطانیہ میں وباءپھیلنے کا خطرہ ،ےہ ورئینٹ دیگر اقسام کہیں زیادہ خطرناک اور پھیلنے کی صلاحیت رکھتا ہے،امریکہ، برطانیہ، آسٹریلیا، نیوزی لینڈ،کینیڈا، برازیل، پاکستان، جاپان اور ساﺅتھ کوریا سمیت کئی ممالک نے افریقی ممالک پر سفری پابندیاں عائد کر دی ۔ جرمنی کی وزارت صحت کے حکام کے مطابق جنوبی جرمنی کی ریاست باویریا میں نئےکرونا وائرس کے دو کیسز اور ایک مشتبہ کیس ملک کے مغرب میں پایا گیا ہے۔: افریقی ممالک میں پھیلے کرونا وائرس کی نئی قسم اومی کرون کے پیش نظر سعودی عرب نے مزید 7 ممالک سے پروازیں معطل کر دی ہیں۔ سول ایوی ایشن اتھارٹی(سی اے اے) نے کرونا وائرس کی نئی قسم ‘اومی کرون’ کے پیش نظر مسافروں کےلئے نیا سفری ہدایت نامہ جاری کردیا ہے۔کرونا وائرس کی بدلتی صورتحال اور کیٹگری ’سی‘ ممالک کے حوالے سے متعلق این سی او سی نے تازہ ترین ہدایات جاری کردیں جس کہاگیاہے کہ کیٹگری سی ممالک بوٹسوانا، ہانگ کانگ، ساو¿تھ افریقا، لیسو تھو، ایسواتینی، نمیبیا اور موزامبیق سے پاکستان آنے پر مکمل پابندی ہوگی،براہ راست یا غیر براہ راست فلائیٹس سے آنے والے ایسے تمام پاکستانی مسافروں کے پاس سفر سے 72 گھنٹے پہلے کرائے گئے پی سی آر ٹیسٹ کی منفی رپورٹ ہونا لازمی ہوگا۔