صدر پوٹن کے حکم پر برطانوی وزیراعظم بورس جانسن اور متعدد اعلیٰ حکومتی عہدیداروں کے روس میں داخلے پر پابندی عائد کر دی گئی۔
عالمی خبر رساں ادارے کے مطابق یوکرین پر حملے کے بعد برطانیہ نے روس پر اقتصادی اور معاشی پابندیاں عائد کردی تھیں جس کے جواب میں روس نے بھی برطانیہ پر پابندیاں عائد کردی ہیں۔
وزارت خارجہ کی جانب سے جاری بیان میں کہا گیا ہے کہ روس کو عالمی سطح پر تنہا کرنے کی کوشش میں برطانیہ جھوٹی معلومات اور غلط سیاسی مہم چلا رہا ہے جس کے باعث برطانوی وزیراعظم بورس جانسن اور متعدد اعلیٰ برطانوی حکومتی عہدیداروں کے ملک میں داخلے پر پابندی عائد کر دی ہے۔
خیال رہے کہ 9 اپریل کو برطانوی وزیر اعظم بورس جانسن نے یوکرین کا دورہ کیا تھا اور صدر وولودیمیر زیلنسکی کے ہمراہ یوکرین کی سڑکوں پر گشت کیا تھا اور عوام سے بھی ملاقات کی تھی۔
روس نے امریکا سمیت عالمی قوتوں کے دباؤ کے باوجود فروری کے آخر میں یوکرین پر حملہ کردیا تھا اور مبینہ طور پر جنگی جرائم کا مرتکب ہوا ہے۔ یوکرین کے دارالحکومت کیف کے قصبوں سے اجتماعی قبریں بھی برآمد ہوئی ہیں۔
یوکرینی صدر نے روسی فوج کا مقابلہ کرنے کے لیے عالمی قوتوں سے جنگی اسلحہ اور ساز و سامان کی فراہمی کا مطالبہ بھی کیا ہے۔
All posts by Khabrain News
رنبیر پیسے دو، جوتے لو، جوتا چھپائی کی رسم 25 کروڑ سے شروع 2 لاکھ پر ختم
ممبئی: بھارتی اداکار رنبیر کپور اور عالیہ بھٹ کی شادی کے دوران جوتا چھپائی کی رسم ساڑھے 11 کروڑ سے شروع ہو کر ایک لاکھ پر ختم ہو گئی۔
بھارٹی میڈیا کے مطابق بالی ووڈ کی معروف جوڑی کی شادی کی تقریب میں لڑکی والوں نے جوتا چھپائی کی رسم میں ساڑھے 11 کروڑ (پاکستانی 25 کروڑ) روپے طلب کیے تھے لیکن لڑکے والوں نے خوب بھاؤ تاؤ کرنے کے بعد لڑکی والوں کو صرف ایک لاکھ (پاکستانی دو لاکھ) روپے تھما دیئے۔
بالی ووڈ جوڑی کی شادی کی تقریب ممبئی میں کی گئی اور شادی کی تصاویر بھی انٹرنیٹ پر وائرل ہو رہی ہیں۔
یہ بھی پڑھیں: رنبیر اور عالیہ کی شادی کی خوبصورت جھلکیاں
اداکارہ عالیہ بھٹ کی والدہ سونی رازدان نے اپنے داماد رنبیر کپور کو ڈھائی کروڑ روپے کی گھڑی دی۔
واضح رہے کہ مذکورہ جوڑی کی شادی کی تقریب انتہائی نجی رکھی گئی تھی جس میں صرف خاندان اور قریب کے ہی رشتے دار شریک ہوئے جبکہ اس دوران چند بالی ووڈ اسٹارز بھی نظر آئے۔
یورپی ملک میں قرآن پاک شہید، فسادات پھوٹ پڑے
یورپ میں اسلومو فوبیا کا ایک اور واقعہ سامنے آیا ہے جس کے خلاف مسلمان سراپا احتجاج ہیں۔
اے آر وائی نیوز کے مطابق یورپی ملک سوئیڈن میں قرآن پاک شہید کردیا گیا جس کے خلاف مسلمانوں میں شدید غم و غصے کی لہر دوڑ گئی۔
مختلف شہروں میں فسادات پھوٹ پڑے، پولیس نے نفرت پھیلانے کے الزام میں انتہا پسند پارٹی کے تین کارکنوں کو گرفتار کرلیا۔
”وزیر اعلیٰ پنجاب کا انتخاب عدالت میں چیلنج کریں گے“
لاہور: پاکستان تحریک انصاف کے رہنما فیاض الحسن چوہان کا کہنا ہے کہ وزیر اعلیٰ پنجاب کا انتخاب عدالت میں چیلنج کریں گے۔
فیاض الحسن چوہان نے اپنے ایک بیان میں کہا ہے کہ حمزہ شہباز نے پنجاب اسمبلی میں غنڈہ گردی کی روایت قائم کر دی، پنجاب کی تاریخ میں کبھی پولیس اسمبلی ہال میں داخل نہیں ہوئی۔
انہوں نے کہا کہ پرویز الٰہی کے فوٹوگرافر پر بھی قاتلانہ حملہ کیا گیا, وہ شدید زخمی ہیں، اسمبلی گیلری کبھی آئینی نہیں ہوتی وہاں ووٹنگ کرائی گئی۔
سابق صوبائی وزیر نے کہا کہ عدالت سے درخواست کرتے ہیں کہ خدارا اس معاملے کا نوٹس لیں، پولیس اس وقت جاتی امرا اور شریف فیملی کی ہدایات کو مان رہی ہے، آج پولیس فورس کے گلوبٹ اسمبلی ہال میں داخل ہوئے، آج ایک غیر آئینی طریقے سے مائیک لگا کر اجلاس کیا جا رہا ہے۔
فیاض الحسن نے کہا کہ عدلیہ سے ہاتھ جوڑ کر مطالبہ کریں گے کہ نوٹس لیں، وزیر اعلیٰ پنجاب کا انتخاب عدالت میں چیلنج کریں گے، امید کرتے ہیں کہ عدالت ویسے ہی سوموٹو لےگی جیسے لیا گیا تھا، عدالت سے درخواست کرتے ہیں کہ اب اتوار کو بھی عدالت کھول لیں۔
انہوں نے مزید کہا کہ وزیراعلیٰ انتخابی عمل نہیں مانتے اس کو چیلنج کریں گے، ڈپٹی اسپیکر کو ہمارے ممبران اسمبلی سمجھانے گئے تھے، ڈپٹی اسپیکر کو کہا کہ آپ جانبدار ہو چکے ہیں ووٹنگ نہیں کرا سکتے۔
ان کا کہنا تھا کہ پولیس پہلے سے موجود تھے جنہوں نے ہمارے ارکان پر تشدد کیا، امید ہے کہ عدالت ویسے ہی نوٹس لےگی جیسے 20 دنوں میں لیے گئے۔
ڈپٹی اسپیکر پنجاب اسمبلی کا خط، پولیس کا ایوان کے اندر آپریشن، 5 ارکان اسمبلی گرفتار
لاہور: (ویب ڈیسک) ڈپٹی اسپیکر پنجاب اسمبلی دوست مزاری کے خط کے بعد پولیس نے کارروائی کرتے ہوئے 5ارکان اسمبلی کو گرفتار کرلیا ہے۔
ذرائع کے مطابق پنجاب اسمبلی کا اجلاس ڈپٹی اسپیکر دوست مزاری کے خط کے بعد دوبارہ شروع ہوا تو دوبارہ لڑائی شروع ہوگئی جبکہ خواتین ارکان کا بھی پولیس سے جھگڑا ہوا۔
پولیس کی بھاری تعداد ایوان کے اندر داخل ہوئی، پولیس نے آپریشن شروع کرتے ہوئے رکن اسمبلی واثق عباسی، ندیم قریشی ، اعجاز خان، تیمور احمد اور عمر بٹ کو حراست میں لیا۔
اس سے قبل ذرائع کے مطابق ڈپٹی اسپیکر نے چیف سیکرٹری پنجاب اور آئی جی پنجاب کو خط لکھ دیا۔
ڈپٹی اسپیکر پنجاب اسمبلی دوست مزاری ڈٹ گئے اور کہا کہ ہر صورت الیکشن کراؤں گا، عدالتی حکم پر عملدرآمد ہوگا۔ انہوں نے چیف سیکرٹری اور آئی جی کو خط لکھ دیا ہے کہ آج کے اجلاس کے انعقاد کو یقینی بنایا جائے، سول کپڑوں میں پولیس کی نفری تعینات کی جائے۔
خط کے متن کے مطابق آج کے اجلاس کے انعقاد کو یقینی بنایا جائے، پنجاب اسمبلی اجلاس کے دوران ایسی کسی بھی کارروائی کے لئے سول کپڑوں میں پولیس کی نفری تعینات کی جائے، تحریک انصاف کے ارکان اسمبلی عمر بٹ، واثق عباسی، ندیم قریشی اور شجاع نواز نے مجھے تشدد کا نشانہ بنایا، ہائی کورٹ کے حکم پر اجلاس کی صدارت کی تھی لیکن حکومتی ارکان نے تشدد کا نشانہ بنایا۔
خط میں لکھا گیا کہ مجھے زدوکوب کرکے اجلاس میں امن و امان کو سبوتاژ کیاگیا، تشدد میں ملوث ارکان کے خلاف قانون کے مطابق کارروائی کی جائے، مزید پولیس اہلکار اسمبلی میں تعینات کیے جائیں۔
پیپلزپارٹی کی عام انتخابات میں شرکت کے خواہش مند امیدواروں کیلئے درخواستیں طلب
کراچی: (ویب ڈیسک) پاکستان پیپلزپارٹی نے عام انتخابات میں شرکت کے خواہش مند امیدواروں کے لئے درخواستیں طلب کرلیں۔
عام انتخابات میں شرکت کے خواہش مند امیدوار 30 اپریل تک اپنی درخواستیں پاکستان پیپلزپارٹی کے اسلام آباد سیکریٹریٹ یا بلاول ہاؤس کراچی میں جمع کرواسکتے ہیں۔ پاکستان پیپلزپارٹی کے چیئرمین بلاول بھٹو زرداری نے سندھ، پنجاب اور بلوچستان میں بلدیاتی انتخابات کے حوالے سے بھی تجاویز طلب کرلیں۔
چیئرمین بلاول بھٹو زرداری نے سینٹرل ایگزیکٹو کمیٹی کے اراکین، ٹکٹ ہولڈرز اور بلوچستان، سندھ، پنجاب کے ڈویژنل پارٹی صدور سے بلدیاتی انتخابات کے حوالے سے تجاویز طلب کیں۔ بلدیاتی انتخابات کے حوالے سے تجاویز پیپلزپارٹی کے سیکریٹری جنرل نئیر بخاری کے نام پارٹی سیکریٹریٹ میں جمع کروائی جاسکتی ہیں۔
آزاد کشمیر قانون ساز اسمبلی: قائد ایوان کے انتخاب کے کیس پر سپریم کورٹ نے فیصلہ سنا دیا
مظفر آباد: (ویب ڈیسک) آزاد کشمیر قانون ساز اسمبلی میں قائد ایوان کے انتخاب کے کیس پر سپریم کورٹ نے فیصلہ سنا دیا۔ سپریم کورٹ کے فیصلے کے مطابق گزشتہ روز سپیکر کی رولنگ پر اسمبلی کی کاروائی کالعدم قرار جبکہ ہائی کورٹ کا حکم امتناعی بھی خارج کر دیا گیا ہے۔
سپریم کورٹ میں چیف جسٹس سعید اکرم، جسٹس خواجہ محمد نسیم، جسٹس محمد یونس اور جسٹس رضا علی خان نے تحریک انصاف کی اپیل پر کیس کی سماعت کی۔ وکلاء نے دلائل مکمل کئے جبکہ سعید اکرم نے فل بینچ کا فیصلہ پڑھ کر سنایا۔ سپریم کورٹ نے سپیکر اسمبلی کی 15 اپریل کی قائد ایوان کے انتخاب کی کاروائی کو کلعدم قرار دیا۔
سپریم کورٹ کا کہنا تھا کہ عدم اعتماد کے لئے بلائے گئے اجلاس میں نئے قائد ایوان کا انتخاب نہیں ہوسکتا۔ سپریم کورٹ نے سیکرٹریٹ قانون کو ہدایت دی کہ صدر آزاد کشمیر کو نئے قائد ایوان کے لئے الگ سے اجلاس بلانے کی تحریک کرے۔ سپریم کورٹ نے ہائی کورٹ کی جانب سے 15 اپریل کے اسمبلی کی کاروائی پر حکم امتناعی بھی خارج کر دیا گیا ہے۔
ہندوانتہاپسندوں کا مساجد سے اذان کیلئےنصب لاؤاسپیکرہٹانے کامطالبہ
ممبئی: (ویب ڈیسک) بھارت میں حجاب کے بعد اب اذان کیخلاف مہم چلائی جارہی ہے۔ہندوانتہاپسند تنظٰم نے مساجد میں اذان دینے کے لئے لاؤڈاسپیکرز ہٹانے کی دھمکی دے دی۔
بھارتی میڈیا کے مطابق مسلمان اورپاکستان دشمن بال ٹھاکرے کے بھتیجے کی ہندوانتہاپسند تنظیم نے ریاست مہاراشٹرمیں مساجد میں اذان کے لئے نصب لاؤڈاسپیکرز3مئی تک ہٹانےکی دھمکی دے دی۔
انتہاپسند تنظیم کا کہنا ہے اگرمساجد سے لاؤڈاسپیکرنہ ہٹائے گئے تومساجد کے باہرلاؤڈاسپیکررکھ کر ہندوکے مذہبی گیت اوراشلوک بجائے جائیں گے۔
اس قبل بالی وڈ کے گلوکار سونونگم اورانورادھا پوڈوال بھی لاؤڈ اسپیکرپراذان دینےکیخلاف ہرزہ سرائی کرچکے ہیں۔
بھارت میں ہندوانتہاپسندوں نے مسلمانوں کا جینا مشکل کردیا ہے۔ حجاب کے خلاف بھی باقاعدہ مہم چلائی جارہی ہے اورباحجاب طالبات کے تعلیمی اداروں میں جانے اورکلاسز اٹینڈ کرنے پرپابندی عائد کی جاچکی ہے۔
رمیز راجہ کو اخلاقی طورپر مستعفی ہوجانا چاہیے، عاقب جاوید
لاہور: (ویب ڈیسک) سابق فاسٹ بولر عاقب جاوید نے پی سی بی جونئیر لیگ کی مخالفت کردی۔
ان کا کہنا ہے کہ ابھی پی ایس ایل ہچکولے کھارہی ہے، دن رات کوشش کی جارہی ہے کہ اسے کسی طریقے سے نیچے لے جائیں، ہمسایہ ملک بھارت میں آئی پی ایل کی موجودگی میں دس سال تک وہاں کوئی لوکل لیگ نہیں ہوئی،پی سی بی کو بھی چاہیے کہ پہلے پی ایس ایل کو سنبھالنے پر توجہ دے۔
لاہور میں بات کرتے ہوئے عاقب جاوید نے واضح کیا کہ جتنی بھی پارٹیز ہیں اگر ان کو کوئی آپشن دو گے تو اس سے چیزیں ادھر ادھر ہونا شروع ہوجائیں گی۔کرکٹ بورڈ حکام پہلے پی ایس ایل کے مسائل حل کریں، اسے بڑی پراڈکٹ بنائیں پھر کچھ اور سوچیں۔پوری دنیا دائیں جانب چلتی ہے، ہم بائیں جانب چلتے ہیں۔
انہوں نے کہا کہ بچوں کے لیے سری لنکا اور بھارت میں تھری ڈے کرکٹ کرائی جاتی ہے، اسی طرح اگر آپ آسٹریلین ماڈل فالو کرتےہیں وہاں گریڈ کرکٹ کو بہت اہمیت دی جاتی ہے۔ہر بچہ ہفتے اور اتوار کو ریڈ بال کرکٹ کھیلتاہے، اس کا مقصد ہوتاہےکہ وہ ابتدائی عمر سے ہی زیادہ زیادہ بال کھیلنے کی عادت اپنائے اور اپنی تکنیک کو بہتر اور اسکلز کو مضبوط کرے تاکہ جب وہ فرست کلاس کرکٹ میں جائے تو وہ لمبے عرصے تک کھیل سکے۔
چئیرمین پی سی بی کے حوالےسےسوال پر عاقب کا موقف تھا کہ کرکٹر یا نان کرکٹر ایشو نہیں،ایڈمنسٹریشن کا تجربہ ہونا ضروری ہے۔ سب سے پہلے تو جو چیزیں خراب چل رہی ہوں، انہیں درست کرنےپر توجہ دینی چاہیے۔اس وقت کرکٹ بھی ہاکی کی طرح زوال کا شکار ہے، پورے لاہور میں کسی بھی گراؤنڈ میں سپائیکس پہن کر کھیلنے کی اجازت نہیں۔ کلب کرکٹ کتنے سالوں سےمعطل ہے۔
ان کا کہنا تھا کہ پوری دنیا میں ہفتے اور اتوار کو لیگ کرکٹ ہوتی ہے، ہم پتہ نہیں کس دنیا میں رہ رہےہیں اور کس کا مقابلہ کرنےجارہےہیں۔مانی اور وسیم خان نے پورے سسٹم کو ہلاکر رکھ دیا، بڑی خواہش تھی کہ چھ ٹیم بناکر ہم آسٹریلیا بن جائیں گے، لیکن نیچے کچھ بھی نہیں کیا، عمران خان ان کو ہٹاکر رمیز راجہ کو لائے مگر انہوں نے معاملات ٹھیک کرنے کے لیے ایک قدم بھی نہیں اٹھایا، پاکستان میں ڈراپ ان پچز کی ضرورت ہی نہیں، پہلے سے موجود پچز کو بہتر کرنا ہے۔
انہوں نے کہا کہ اسکول جانےا ور کام کرنے والے بچوں کے لیے کوئی پلان نہیں، پی سی بی کو چاہیے کہ وہ چھ، سا ت ماہ ہفتے اور اتوار کوریڈ بال سے دو روزہ کرکٹ کرائے۔ سابق دور میں صرف کرکٹرز کا بیڑہ غرق نہیں ہوا، دوسری ڈیپارٹمنٹل اسپورٹس بھی بند کردی ہیں۔ ڈھائی ماہ میں آپ اپنا شوق پورا کرلیں، باقی چار ماہ میں اگر ڈیپارٹمنس کرکٹ ہوتی ہے اور لڑکوں کو نوکریاں مل جاتی ہیں توآپ کو پرابلم کیاہے۔
چئیرمین پی سی بی رمیز راجہ کےمسقبل کے حوالے سے سوال پر عاقب جاوید نے کہا کہ جس طرح انہوں نے عمران خان کو سپورٹ کیا، اب لگ نہیں رہا کہ وہ رکیں گے، اخلاقی طورپر انہیں عہدے سےمستعفی ہوجانا چاہیے۔میرے خیال میں نجم سیٹھی اور ذکا اشرف میں سے کسی ایک کے چیئرمین بننے کے زیادہ امکانات ہیں۔ماضی میں دونوں نے بڑے اچھے کام کیے ہیں۔
اداکار آغا علی نے اپنی اور حنا الطاف کی علیحدگی کی خبروں پر خاموشی توڑدی
کراچی: (ویب ڈیسک) اداکار آغاعلی نے اپنی اور اہلیہ اداکارہ حنا الطاف کے درمیان علیحدگی کی خبروں پر خاموشی توڑ دی۔
آغا علی حال ہی میں حناالطاف کے ہمراہ ندا یاسر کے شو میں شریک ہوئے، جہاں ندا نے ان سے کہا حال ہی میں پاکستان شوبز میں ہونے والی کئی شادیوں اور مختلف تقریبات میں آپ اور حنا ایک ساتھ نظر نہیں آئے بلکہ کئی جگہوں پر الگ الگ نظر آئے جس کی وجہ سے چہ مگوئیاں ہونے لگیں کہ آپ دونوں میں علیحدگی ہوگئی ہے؟
اداکار آغا علی نے سوشل میڈیا پر گردش کرنے والی ان افواہوں کی تردید کرتے ہوئے وضاحت دی ’’مجھے ایسا لگتا ہے کہ لوگ آج کل ایسی خبروں کا انتظار کررہے ہیں کہ شوبز کی کون سی جوڑی کب الگ ہوجائے گی اور یہ بات مجھے بہت پریشان کرتی ہے‘‘۔
آغا علی نے مز ید کہا اگر کوئی آپ کو ایک ساتھ نظر نہیں آرہا تو آپ دعا کریں کہ وہ ساتھ ہی ہوں کیونکہ کسی کو کیا فرق پڑتا ہے کہ کوئی ساتھ ہے یا نہیں۔
واضح رہے کہ آغا علی اور حنا الطاف 2020 میں کورونا لاک ڈاؤن کے دوران شادی کے بندھن میں بندھے تھے۔
