کراچی: (ویب ڈیسک) اداکارہ ندا یاسر نے انکشاف کیا ہے کہ انہوں نے شوہر اداکار اور ڈائریکٹر یاسر نواز کی جانب سے کی گئی شادی کی پیشکش ٹھکرا دی تھی۔
ندا یاسر کا وائرل ہوتے اس مختصر سے ویڈیو کلپ میں بتانا ہے کہ انہوں نے فوراً ہی یاسر نواز کو شادی سے انکار کر دیا تھا اور کہا تھا کہ ‘میں آپ سے شادی نہیں کر سکتی کیوں کہ آپ سندھی ہیں۔ ندا یاسر نے بتایا کہ اْن کے ذہن میں خوف تھا کہ سندھی رعب اور دبدبے والے ہوتے ہیں لہٰذا اْنہوں نے یاسر نواز سے کہا کہ ہم اچھے دوست رہیں گے مگر میں شادی نہیں کر سکتی۔
کراچی: (ویب ڈیسک) سینئر پاکستانی اداکارہ ثمینہ پیرزادہ نے ملک کی موجودہ صورتحال پر کہا کہ عوام ملک میں فوراَ عام انتخابات چاہتے ہیں۔
ثمینہ نے ٹویٹ میں لکھا کہ‘ہم ملک میں عام انتخابات چاہتے ہیں’۔ اْنہوں نے عمران خان کی حمایت میں بڑی تعداد میں سڑکوں پر نکلنے والی عوام کی تعریف کرتے ہوئے لکھا کہ‘لوگوں کی طاقت زندہ آباد۔
اْنہوں نے ایک اور ٹویٹ میں لکھا کہ‘بلّے بئی بلّے ، شاندار ملک کی شاندار عوام۔ثمینہ پیرزادہ نے عمران خان کے بارے میں اپنے ٹوئٹ میں لکھا کہ‘ ہاں، وہ لاڈلا ہے ، وہ ہمارا لاڈلا ہے ۔
کراچی: (ویب ڈیسک) پاکستان تحریک انصاف کے دورِ حکومت کے دوران بارہا مہنگائی اور کرپشن کے خلاف آواز اٹھانے والی مشی خان عمران خان کی حکومت ختم ہونے کے بعد افسردہ ہیں۔
مشی خان نے اپنے انسٹاگرام اور ٹوئٹر اکاؤنٹ پر ایک ویڈیو شیئر کی ہے جس میں آنکھوں سے آنسو جاری ہیں۔ ویڈیو کے عقب میں سابق وزیراعظم عمران خان کی ایک تقریر سنی جاسکتی ہے ۔اداکارہ کی مذکورہ ویڈیو سوشل میڈیا پلیٹ فارمز پر وائرل ہے جس پر کچھ صارفین نے انہیں صبر کرنے کی تلقین کرتے ہوئے اظہار یکجہتی کیا ہے۔
اسلام آباد: (ویب ڈیسک) شہزاد اکبر اور شہباز گل نے اسٹاپ لسٹ میں نام شامل کرنے کو اسلام آباد ہائیکورٹ میں چیلنج کر دیا۔
شہزاد اکبر اور شہباز گل نے درخواست میں موقف اپنایا کہ بیرون ملک روانگی پر پابندی خلاف قانون ہے، ہمارے خلاف کوئی مقدمہ نہیں، کوئی الزام تک نہیں، عدالت سے استدعا ہے کہ بیرون ملک روانگی پر پابندی ختم کی جائے۔
شہزاد اکبر نے اسلام آباد ہائی کورٹ میں میڈیا سے گفتگو کرتے ہوئے کہا کہ امپورٹڈ حکومت کی جانب سے انتقامی کارروائیوں کا آغاز ہو گیا، عدم اعتماد کی کارروائی مکمل بھی نہیں ہوئی، اسی رات نام سٹاپ لسٹ میں کس نے ڈالا ؟ نام اس وقت سٹاپ لسٹ پر ڈالا گیا جب نہ کابینہ تھی، نہ حکومت نہ وزیراعظم، ہم کہیں نہیں جا رہے، اپنے لیڈر عمران خان کے ساتھ کھڑے ہیں۔
پی ٹی آئی رہنما کا کہنا تھا کہ میں تو اوورسیز پاکستانی بھی نہیں، ساری زندگی یہیں رہا ہوں، عدالت ایف آئی اے کو بلا کر پوچھے نہ حکومت تھی نہ کابینہ تو کس کے کہنے پر نام ڈالا گیا ؟ نام سٹاپ لسٹ پر ڈالنے کیلئے کوئی کیس ہونا چائیے، ڈی جی ایف آئی اے کو بتانا ہوگا اسے کس نے یہ آرڈر کیا تھا ؟ ڈائریکٹر ایف آئی اے اور ڈی جی انٹی کرپشن کا نام سٹاپ لسٹ میں ڈالنا مضحکہ خیز ہے۔
مظفر آباد: (ویب ڈیسک) وزیر اعظم آزاد کشمیر سردار عبد القیوم نیازی کے خلاف تحریک عدم اعتماد جمع کرا دی گی۔
سیکریٹری قانون ساز اسمبلی کے دفتر میں تحریک عدم اعتماد ڈپٹی اسپیکر چوہدری ریاض، وزیر خوراک علی شان سونی اور پارلیمانی سیکریٹری بحالیات اکبر ابراہیم نے جمع کرا دی۔ تحریک عدم اعتماد پی ٹی آئی کے 25 ارکان اسمبلی اور وزراء کے دستخطوں کے ساتھ جمع کرا دی گئی ہے۔ قانون ساز اسمبلی کے کل 53 ارکان میں سے پی ٹی آئی کے ارکان کی تعداد 31 ہے۔ تحریک عدم اعتماد پر 14 روز کے اندر قانون ساز اسمبلی میں ووٹنگ ہوگی۔
وزیراعظم سردار عبدالقیوم نیازی کی جگہ پاکستان تحریک انصاف کے صدر سردار تنویر الیاس وزارت عظمی کے امیدوار ہوں گے۔
چیئرمین پیپلز پارٹی بلاول بھٹو زرداری نے حکومت کو تنقید کا نشانہ بناتے ہوئے کہا کہ پی ٹی آئی نے وزارت خارجہ اور قومی سلامتی کمیٹی کو متنازع بنانے کی کوشش کی۔
پارلیمنٹ ہاؤس میں نجی میڈیا کو انٹرویو دیتے ہوئے بلاول بھٹو زرداری کا کہنا تھا کہ تحریک انصاف کے دور حکومت میں جمہوریت کو نقصان پہنچا، عدلیہ کا فیصلہ اداروں کو غیر متنازع بنانے کی شروعات ہے۔
ان کا کہنا تھا کہ اب الیکٹرونک ووٹنگ مشین، آر ٹی ایس پلس ثابت ہو گی، اوور سیز پاکستانیوں کے ووٹنگ کے حق کا مجوزہ قانون سازی میں تحفظ کریں گے۔
ایم کیو ایم پاکستان کے ساتھ معاہدے کے حوالے سے بات کرتے ہوئے بلاول بھٹو زرداری کا کہنا تھا کہ ایم کیو ایم کے ساتھ معاہدے میں موجود مطالبات میں میری خواہشات بھی شامل ہیں۔
ن لیگ کے ساتھ تعلقات کے حوالے سے بات کرتے ہوئے چیئرمین پیپلز پارٹی کا کہنا تھا کہ مسلم لیگ ن سے سیاسی، نظریاتی اختلافات ہیں اور مستقبل میں بھی رہیں گے، نئے سیٹ اپ میں میرے وزیر خارجہ بننے پر فیصلہ پارٹی کرے گی۔
اسلام آباد: (ویب ڈیسک) شاہد خاقان عباسی نے کہا ہے کہ عمران خان سڑکوں پر پھرتے رہیں، حکومت مدت پوری کرے گی، حالات بہتری کی طرف گامزن ہیں۔
سابق وزیراعظم شاہد خاقان عباسی نے میڈیا سے گفتگو کرتے ہوئے کہا کہ نیب مکمل طور پر عمران خان کے قبضے میں تھا، چیئرمین نیب عمران خان سے ہدایات لیتے تھے، نیب کو ختم کر کے ان کے اہلکاروں کا احتساب کیا جانا ہی حل ہے، چیئرمین نیب بتائیں اپنے دور میں اور گزشتہ 3 سال میں کتنے سیاستدانوں کو پکڑا ؟ ایک وزیر چیئرمین نیب کے دفتر میں بیٹھا ہوتا تھا۔
شاہد خاقان عباسی کا کہنا تھا کہ جج صاحبان کو عدالتوں میں کیمرے لگانے کی درخواست کریں گے، حکومت کی طرف سے نیب اور عدالتوں میں کیمرے لگانے کی اجازت ہے، کل عارف علوی کے دانت میں درد تھا، اسی لئے حلف نہیں لیا، تمام گورنرز استعفے دیں۔
اسلام آباد: (ویب ڈیسک) کورونا کی پانچویں لہر کے وار کم ہونے لگے۔ ملک میں چوبیس گھنٹے کے دوران مثبت کیسز کی شرح صفر اعشاریہ دو آٹھ فیصد ریکارڈ کی گئی۔ کورونا وائرس سے مزید ایک شخص دم توڑ گیا۔ پاکستان میں کورونا کے تصدیق شدہ کیسز کی تعداد 15 لاکھ 26 ہزار 728 ہوگئی۔
این آئی ایچ کے تازہ ترین اعدادوشمار کے مطابق گذشتہ 24 گھنٹوں کے دوران 62 نئے کیسز رپورٹ ہوئے، پنجاب میں 5 لاکھ 5 ہزار 435، سندھ میں 5 لاکھ 76 ہزار 380، خیبرپختونخوا میں 2 لاکھ 19 ہزار 282، بلوچستان میں 35 ہزار 480، گلگت بلتستان میں 11 ہزار 720، اسلام آباد میں ایک لاکھ 35 ہزار 130 جبکہ آزاد کشمیر میں 43 ہزار 301 کیسز رپورٹ ہوئے۔
ملک بھر میں اب تک 2 کروڑ 77 لاکھ 84 ہزار 557 افراد کے ٹیسٹ کئے گئے، گذشتہ 24 گھنٹوں کے دوران 21 ہزار 437 نئے ٹیسٹ کئے گئے، اب تک 14 لاکھ 86 ہزار 960 مریض صحتیاب ہوچکے ہیں جبکہ 269 مریضوں کی حالت تشویشناک ہے۔
پنجاب میں 13 ہزار 559، سندھ میں 8 ہزار 97، خیبرپختونخوا میں 6 ہزار 322، اسلام آباد میں ایک ہزار 23، بلوچستان میں 378، گلگت بلتستان میں 191 اور آزاد کشمیر میں 792 مریض جان سے ہاتھ دھو بیٹھے۔
اسلام آباد: (ویب ڈیسک) وزیراعظم ہاؤس میں نو منتخب وزیراعظم شہباز شریف کو گارڈ آف پیش کیا گیا، وزیراعظم کو پاک فوج کے چاق چوبند دستے نے سلامی دی۔ شہباز شریف کا وزیراعظم ہاؤس کے اسٹاف سے تعارف کرایا گیا جبکہ وزیراعظم شہباز شریف نے ذمہ داریاں سنبھال لیں۔ نو منتخب وزیراعظم شہباز شریف کے اعزاز میں گارڈ آف آنر کی پروقار تقریب وزیراعظم ہاؤس میں منعقد ہوئی، پاک فوج کے چاق چوبند دستے نے وزیراعظم کو گارڈ آف آنر پیش کیا۔ اس سے پہلے گزشتہ رات ایوان صدر میں تقریب حلف برداری ہوئی، صدر مملکت ڈاکٹر عارف علوی کی طبیعت ناساز ہونے کے باعث قائم مقام صدر چیئرمین سینیٹ صادق سنجرانی نے نو منتخب وزیراعظم سے حلف لیا، حلف برداری کی تقریب میں اہم شخصیات نے شرکت کی۔ شہباز شریف 174 ووٹ لیکر قائد ایوان منتخب ہوئے۔ پی ٹی آئی نے وزارت عظمیٰ کے انتخاب کا بائیکاٹ کیا جبکہ قائم مقام اسپیکر قاسم سوری نے بھی الیکشن کی کارروائی کرانے سے انکار کر دیا۔ وزیراعظم شہباز شریف نے ٹویٹ میں کہا کہ ان کی توجہ عوام کو زیادہ سے زیادہ ریلیف فراہم کرنے کے ساتھ ساتھ بلند افراط زر سے نمٹنے اور جمود کا شکار معیشت کو شروع کرنے پر مرکوز ہو گی، دوسرے ممالک سے باہمی احترام، مساوات اور امن کی بنیاد پر تعلقات استوار کرنے کے خواہاں ہیں، ملکر پاکستان کو ایک عظیم ملک بنائیں گے، یہ فخر کی بات ہے تمام ادارے آئین کو رہنما اصول کے طور پر مانتے ہیں۔
اسلام آباد: پاکستان تحریک انصاف کے رہنما فواد چوہدری کا کہنا ہے کہ چوں چوں کا مربہ حکومت چند ہفتوں کے لئے ہے۔
فواد چوہدری نے ٹوئٹرپرپیغام میں کہا کہ ملک کا بحران سنگین ہورہا ہے۔ چوں چوں کا مربہ حکومت چند ہفتوں کے لئے ہے۔135 حلقوں سے استعفے آچکے ہیں موجودہ پارلیمان اپنی اہمیت اورحیثیت کھو چکی ہے۔ٹکراؤ سےبچنے کا واحد طریقہ انتخابات ہیں۔
انہوں نے کہا کہ نون لیگ حکومت سوشل میڈیا اورسیاسی مخالفین کے خلاف کریک ڈاؤن کا خواب دیکھنا چھوڑ دے۔
