ہمارا ٹارگٹ ہےتمام شہریوں کی ویکسی نیشن ہوتاکہ کورونا پابندیاں ختم کی جا سکیں، نیشنل کمانڈ اینڈ آپریشن کے سربراہ اسدعمر نے کورونا پابندیوں سے عوام کو چھٹکارا دلانے کیلئے مکمل ویکسی نیشن کو ہدف قرار دے دیا۔تفصیلات کے مطابق نیشنل کمانڈ اینڈ آپریشن کے سربراہ اسدعمر نے کورونا پابندیوں سے عوام کو چھٹکارا دلانے کے لیے مکمل ویکسینیشن کو ہدف قرار دے دیا۔

ٹوئٹر پر جاری بیان میں اسدعمر نے لکھا کہ ہمارا ٹارگٹ ہےتمام شہریوں کی ویکسی نیشن ہوتاکہ کورونا پابندیاں ختم کریں۔اسدعمر نے کہا کہ مسلسل 3 دنوں میں سب سے زیادہ یومیہ ویکسی نیشن کا ریکارڈ قائم کیا ہے این سی اوسی مہم صوبوں کی مددسےجاری ہے ملک بھر میں موبائل ویکسی نیشن کےشاندار نتائج سامنےآ رہے ہیں۔

اب تک 10 کروڑ 81 لاکھ 73 ہزار 867 افراد کو ویکسین کی ایک ڈوز جبکہ 8 کروڑ 47 لاکھ 31 ہزار 497 افراد کو ویکسین کی دونوں ڈوزز لگائی جا چکی ہیں۔

ملک میں کرونا وائرس سے صحت یاب مریضوں کی مجموعی تعداد 13 لاکھ 39 ہزار 498 ہوچکی ہے۔این سی او سی کا کہنا ہے کہ گزشتہ 24 گھنٹوں کے دوران کرونا وائرس کے 4 ہزار 874 نئے کیسز رپورٹ ہوئے، ملک میں کووڈ 19 کے مجموعی کیسز کی تعداد 14 لاکھ 59 ہزار 773 ہوگئی۔ملک بھر میں کرونا وائرس کے کیسز میں کمی دیکھی گئی، یومیہ کیسز کی تعداد 6 ہزار سے گر کے 4 ہزار پر پہنچ گئی، گزشتہ 24 گھنٹے کے دوران کرونا وائرس سے 30 مزید افراد جاں بحق ہوئے۔

مراکش : مراکش میں ایک کنویں میں گذشتہ چار روز سے پھنسا ہوا ایک پانچ سالہ بچہ امدادی حکام کی بہترین کوششوں کے باوجود جانبر نہیں ہو سکا۔ تفصیلات کے مطابق مذکورہ بچے ریان کے کنویں سے نکالے جانے کے بعد جلد ہی اس کی ہلاکت کی اطلاع دی گئی تھی۔ ریان نامی اس بچے کو کنویں سے نکالنے کی کوششوں پر ملک بھر کی توجہ مرکوز تھی، اور سینکڑوں لوگ اس کنویں پر پہنچے اور ہزاروں لوگ انٹرنیٹ پر اس حوالے لمحہ بہ لمحہ خبریں بھی پڑھ رہے تھے۔

میڈیا رپورٹس کے مطابق ریان کنویں کے ایک تنگ سے سراغ سے 32 میٹر (104 فٹ) نیچے جا گرا تھا اور اس کو نکالنے کی کوششوں میں لینڈ سلائیڈنگ بطور رکاوٹ حائل رہی تھی۔ جب یہ حادثہ پیش آیا تو اس وقت ریان کے والد اس کنویں کی مرمت کا کام کر رہے تھے۔

ان کا کہنا تھا کہ میں نے اپنے بیٹے پر سے ایک لمحے کے لیے نظر ہٹائی اور اسی لمحے وہ کنویں میں جا گرا۔

ملک کے شمال میں واقعہ تاموروت کے چھوٹے سے قصبے میں مراکش کی سول پروٹیکشن ڈائریکٹوریٹ کی سربراہی میں امدادی کارروائیوں منگل کے روز شروع ہوئی تھیں۔ جمعرات کو کنویں میں اتارے گئے ایک کیمرے کی فوٹیج میں دیکھا جا سکتا تھا کہ بچہ زندہ تھا اور ہوش میں تھا مگر اس کے بعد سے اس بچے کی حالت کے بارے میں کوئی خبر نہیں دی گئی۔ ریسکیو حکام نے بچے کو خوراک، پانی اور اکسیجن پہنچانے کی کوشش کی تھی مگر یہ واضح نہیں ہے کہ وہ اسے استعمال کر سکا تھا کہ نہیں۔

تاہم بالآخر ریسکیو حکام بچے کو نکالنے میں کامیاب ہوگئے تھے۔ اس آپریشن کو دیکھنے کے لیے سینکڑوں لوگ جمع ہوگئے تھے اور وہ وہاں پر دعائیں پڑھ رہے تھے۔ کچھ لوگوں نے تو اسی مقام پر راتیں بھی گزاریں۔ اس وقت بچے کی حالت کے بارے میں کچھ بھی کہنا قبل از وقت تھا۔ البتہ اس بات کی خوشی تھی کہ ریان کو کنویں سے نکال لیا گیا ہے۔ تاہم یہ خوشی شدید افسوس میں بدل گئی جب چند منٹ بعد ہی یہ بیان سامنے آیا کہ ریان چل بسا تھا۔

شاہی محل سے جاری ہونے والے بیان میں کہا گیا ہے کہ اس افسوس ناک واقعے کے بعد جس میں ریان اورام نامی بچے کی موت واقع ہوئی، بادشاہ محمد ہشتم نے کنویں میں گر جانے والے بچے کے والدین کو فون کیا تھا۔‘ بیان میں زید کہا گیا کہ بادشاہ نے بچے کے والدین سے اظہارِ افسوس کیا۔ ریان کی اس افسوس ناک موت پر دنیا بھر سے تعزیتی پیغامات بھیجے گئے۔

 چیئرمین پیپلز پارٹی بلاول بھٹو نے کہا ہے کہ سندھ اور بلوچستان کو پانی کی قلت کا سامنا ہے، حکومت ملی تو سب سے پہلے پانی کا مسئلہ حل کریں گے۔ 27 فروری کو کراچی سے اسلام آباد کا رخ کریں گے۔

نصیر آباد میں جلسے سے خطاب کرتے ہوئے بلاول بھٹو کا کہنا تھا کہ پیپلز پارٹی پورے ملک میں ترقیاتی منصوبے شروع کرے گی، آبپاشی کے نظام میں پیپلزپارٹی کےعلاوہ کوئی حکومت بہتری نہیں لا سکی۔ موجودہ حکومت بلوچستان کے حق پر ڈاکہ مارنا چاہتی ہے، عمران خان نے عوام کے ووٹ کے حق پر بھی ڈاکہ مارا، کسی سے بھیک نہیں مانگتے اپنے حق کامطالبہ کرتے ہیں، نہ ملا تو حق چھیننا بھی جانتے ہیں۔  کسی کو اجازت نہیں دیں گے کہ عوام کو حقوق سے محروم رکھے، ہر سازش ناکام بنائیں گے۔

انہوں نے کہا کہ جب سے سلیکٹڈ حکومت آئی غربت اور بیروزگاری میں اضافہ ہوا، کپتان عوام سے روٹی کپڑا اور مکان چھین رہا ہے۔ 1973کا آئین ریاست اور عوام کے درمیان معاہدہ ہے، آئین کے مطابق ہر شہری اور صوبے کا اپنا اپنا حق ہے۔ شہید بی بی نے جمہوریت بہترین انتقام کا نعرہ لگایا، کٹھ پتلی کو پیغام پہنچا چکے، پیپلزپارٹی میدان میں اترچکی ہے، 27 فروری کو کراچی سے اسلام آباد کا رخ کریں گے۔امید ہے بلوچستان کے عوام پیپلزپارٹی کا ساتھ دیں گے۔

 وفاقی وزیر اطلاعات و نشریات فواد چودھری نے چیئرمین پاکستان پیپلز پارٹی کو اونٹ اور گھوڑے فراہم کرنے کی پیش کش کرتے ہوئے کہا کہ بلاول صاحب! لانگ میں جتنے الفاظ ہیں، آپ کے پاس اتنے لوگ بھی نہیں، یوم یکجہتی کشمیر پر کرمنلز نے آپس میں یکجہتی دکھائی، جیالوں اور متوالوں کی ملاقات چوریوں پر پردہ ڈالنے کی کوشش تھی۔

بلاول بھٹو زرداری کے نصیر آباد میں جلسے سے خطاب پر ردعمل دیتے ہوئے وزیر اطلاعات فواد چودھری کا کہنا تھا کہ اب ہم ونٹر سپورٹس کے حوالے سے ایک فریم ورک لے کر آرہے ہیں، کل ہم پانچ کی اک سیریز چلی ہے، جس طرح چیخیں اٹھی ہیں اس سے دورہ چین کی کامیابی کا پتاچلتا ہے، یہ اپنی چوریوں پر پردہ ڈالنے کی ملاقات ہے اور یہ اب علاقائی جماعتیں بن چکی ہیں۔

فواد چودھری نے مزید کہا اس دفعہ ہم کوشش کریں گے کہ آپ کو لوگ بھی دیں، یوں لگتا ہے کہ جب سے اکاؤنٹس کے معاملے سامنے آئے ہیں، محبتیں بڑھ رہی ہیں، شہباز شریف اور نواز شریف نے زرداری کا طریقہ کار استعمال کیا۔

انہوں نے کہا چین کے صدر اور وزیر اعظم نے پاکستان کی معاشی صورتحال کی تعریف کی ہے، الحمد اللہ وزیر اعظم کا دورہ چین کامیاب رہا ہے، اس کے نتائج ظاہر ہوں گے کہ کوئی بھی سازش عمران خان کے خلاف کامیاب نہیں ہوگی۔

وزیر اطلاعات و نشریات نے کہا دورہ چین میں 21 شعبوں پر بات ہوئی ہے، ایک ملین چاول اورسیمنٹ برآمدات بڑھانے پر بات چیت کی گئی ہے، اس اقدام سے پاکستان کی چین کو برآمدات میں ایک ارب ڈالر کا فروغ ملے گا اور کورونا کے خاتمے کے بعد صدر شی جن پنگ بھی پاکستان آئیں گے۔