احتساب کے عمل کے خلاف تنقید کو رد کرتے ہوئے چیف جسٹس آف پاکستان عمر عطا بندیال نے کہا ہے کہ ججز کو قانون کے عام عمل سے محفوظ رکھا گیا ہے لیکن وہ دوسرے سرکاری ملازمین کے مقابلے میں احتساب کے علیحدہ یا کم قانونی معیار کے تابع نہیں۔

انہوں نے یہ بات جسٹس قاضی فائز عیسیٰ کی نظرِ ثانی درخواست پر جاری کیے گئے اقلیتی فیصلے میں لکھی۔

فیصلے میں چیف جسٹس نے کہا کہ درحقیقت یہ انتہائی اہمیت کا حامل ہے کہ عوامی عہدہ رکھنے والے، بالخصوص اعلیٰ عدالتوں کے ججز، جو پاکستان کے عوام کی خدمت کر رہے ہیں، وہ اپنی اور اپنی عدالت کی سالمیت اور ساکھ کی حفاظت کے لیے اپنے متعلقہ فورمز کے سامنے جوابدہ رہیں۔

اس فیصلے کی توثیق جسٹس سجاد علی شاہ، جسٹس منیب اختر اور جسٹس قاضی محمد امین احمد نے کی، جو جسٹس عیسیٰ کی نظرثانی کی درخواست کا فیصلہ کرنے والے سپریم کورٹ کے 10 رکنی بینچ کے رکن تھے۔

جسٹس منیب اختر کے اضافی نوٹ کے ساتھ اقلیتی فیصلے میں کہا گیا کہ اگر تسلیم شدہ حقائق کی بنیاد پر ججز کے خلاف شکوک و شبہات کو دور نہ کیا گیا تو عدالتوں کی اخلاقی اتھارٹی ختم ہو جائے گی اور اس کا بنیادی کام یعنی آئین و قانون کے مطابق لوگوں کے حقوق اور ذمہ داریوں کا فیصلہ کرنا، بری طرح مجروح ہوگا۔

فیصلے میں واضح کیا گیا کہ اعلیٰ عدالتوں کے جج اپنے شریک حیات اور خاندان کے افراد کے غیر واضح اثاثوں کے لیے جوابدہ ہیں، فرق صرف اتنا ہے کہ جج خصوصی فورم سپریم جوڈیشل کونسل (ایس جے سی) کے سامنے جوابدہ ہیں، جو آئین کی دفعہ 209 کے تحت ججز کے خلاف مس کنڈکٹ کی شکایات کے فیصلے کے لیے بنائی گئی تھی۔

دو بڑی پارٹیاں پیپلز پارٹی اور ن لیگ ہمیشہ اقتدار میں رہیں مگر عوام اور ملک کے حالات سدھر نہ سکے۔ یہ دونوں پارٹیاں اپنی اپنی باریاں لیتی رہیں مگر عوام کے مسائل جوں کے توں رہے۔ 2018ءکے الیکشن میں پی ٹی آئی تیسری قوت کے طور پر ابھر کر سامنے آئی۔ پی ٹی آئی کا نعرہ احتساب ٹھہرا۔ عمران خان اپوزیشن میں تھے تو وعدہ کر کے اقتدار میں آئے کہ ملک کی لوٹی دولت واپس لیں گے مگر گزشتہ ساڑھے تین سال میں بقول ان کے سابقہ حکمرانوں سے لوٹی دولت کی ایک پائی بھی وصول نہ کی جا سکی۔ موجودہ حکومت کے بارے میں بھی پہلے دن سے اپوزیشن یہی کہہ رہی ہے کہ یہ نالائق حکومت ہے یہ کسی وقت بھی جا سکتی ہے۔ اس میں شک نہیں کہ یہ حکومت پہلے دن سے ہی کمزور مینڈیٹ کے ساتھ برسراقتدار آئی اور ان کے اتحادی بھی ان کو بلیک میل کرتے رہے۔ مگر دوسرا پہلو یہ بھی ہے کہ موجودہ حکومت نے بھی اب تک عوامی مسائل حل کرنے کی بجائے ملک کو بیڈ گورننس‘ مہنگائی‘ بیروزگاری کے سوا کچھ نہیں دیا۔ عوام اب تینوں پارٹیوں سے نالاں ہیں۔ دوسری طرف اپوزیشن تین سال میں حکومت گرانے کی کوششوں میں مصروف ہے۔ پیپلز پارٹی حکومت کے خلاف تحریک عدم اعتماد لانے کے حق میں ہے مگر ن لیگ کا موقف کہ نمبر گیم پوری نہیں۔ حکومت کا دعویٰ ہے کہ وہ جلد مہنگائی‘ بیروزگاری پر قابو پا لے گی۔ اب پیپلز پارٹی اور پی ڈی ایم لانگ مارچ کا اعلان کر چکی ہیں۔ اگلے تین ماہ بہت اہم ہیں اپوزیشن لانگ مارچ کر کے کیا حکومت کو گھر بھیج سکے گیا یا نہیں۔ یہ بھی ایک سوال ہے۔ کیا پی ٹی آئی حکومت بے لگام مہنگائی پر آئندہ تین ماہ میں قابو پا سکے گی یا نہیں یہ وہ سوال ہیں جو عوام کے ذہنوں میں گردش کر رہے ہیں۔ پاکستان کے موجودہ حالات دیکھتے ہوئے ہر شخص دوسرے سے سوال کر رہا ہے کہ سیاست کا یہ اونٹ کس کروٹ بیٹھے گا اور ملک کو موجودہ معاشی بحران سے کون نکالے گا۔ یہ تو سیاسی صورتحال ہے۔ مگر دیکھنے والی بات یہ ہے کہ پاکستان کے عوام 24 گھنٹے سیاست سیاست کھیلتے ہیں یہ دنیا بھر میں کہیں نہیں ہوتا۔ ترقی یافتہ ممالک میں سیاست صرف الیکشن کے موقع پر ہوتی ہے باقی مدت لوگ ملک کے لیے کام کرتے ہیں ہمارے ہاں ہم نوازشریف‘ زرداری‘ عمران خان کو زیر بحث لاتے ہیں‘ ہمارے ٹی وی چینلز پر 80 فیصد وقت سیاست کو دیا جاتا ہے باقی صحت تعلیم یا دوسرے مسائل پر صرف چار فیصد وقت دیا جاتا ہے۔ اگر یہی صورتحال رہی تو ملک آگے کیسے جائے گا۔

ٹانک: (ویب ڈیسک) سکیورٹی فورسز نے دیال روڈ ٹانک میں خفیہ اطلاع پر آپریشن کیا جس کے دوران خودکش حملہ آور مارا گیا۔
آئی ایس پی آر کے مطابق دہشت گرد کےساتھیوں کی تلاش کیلئے کلیئرنس آپریشن جاری ہے۔

کوئٹہ: (ویب ڈیسک) کوئٹہ میں گیس پریشرنہ ہونے کی وجہ سے علمدار روڈ ہاشمی محلہ شہدا چوک پرخواتین اور بچوں کا دھرنا تیسرے روز بھی جاری ہے۔
وادی کوئٹہ میں موسم شدید سرد ہو گیا، شہر میں درجہ حرارت سردی کے موسم میں نقطہ انجماد سے نیچے گر جاتا ہے۔ گیس نہ ہونے کے سبب علمدار روڈ کے علاقہ مکینوں کو شدت مشکلات کا سامنا ہے۔ علمدار روڈ ہاشمی محلہ شہدا چوک پرخواتین اور بچوں کا دھرنا تیسرے روز میں پہنچ گیا مگر مظاہرین کا مطالبہ پورا نہ کیا گیا۔
سوئی گیس حکام اور حکومتی بے حسی پر علاقہ مکینوں کوانتہائی افسوس ہے۔ کوئٹہ میں سردی کی شدت میں اضافے کے باوجود خواتین اور بچوں نے رات سڑک پر گزاری۔