لاہور: (ویب ڈیسک) ترک صدر رجب طیب اردوان اور ان کی اہلیہ کا کورونا اومیکرون ٹیسٹ مثبت آنے پر وزیراعظم عمران خان نے جلد صحت یابی کیلئے دعا کی ہے۔
سماجی رابطے کی ویب سائٹ ٹویٹر پر وزیراعظم نے لکھا کہ مجھے ابھی معلوم ہوا ہے کہ میرے بھائی ترک صدر رجب طیب اردگان، اور ان کی اہلیہ امینہ اردوان کا کورونا وائرس اومیکرون کا ٹیسٹ مثبت آیا ہے۔
انہوں نے مزید لکھا کہ ہماری حکومت، پاکستانی عوام اور اپنی طرف سے میں ان کی جلد اور مکمل صحت یابی کی دعاگو ہوں۔
ترک صدر رجب طیب اردوان اور ان کی اہلیہ امینہ اردوان کورونا وائرس کا شکار ہوگئے۔
غیر ملکی خبرایجنسی کے مطابق ترک صدر رجب طیب اردوان اور ان کی اہلیہ کا کورونا ٹیسٹ کا نتیجہ مثبت آیا ہے۔
ترک صدر نے ٹوئٹر پر ایک پوسٹ میں تصدیق کی ہےکہ انہوں نے اور ان کی اہلیہ نے ہلکی علامات کے بعد کورونا کا ٹیسٹ کرایا تھا جس کا نتیجہ مثبت آیا ہے۔دونوں ٹھیک ہیں اور وائرس کے اثرات زیادہ نہیں ہیں، ہم اپنا کام گھر سے ہی جاری رکھیں گے۔
ترک صدر نے عوام سے دعاؤں کی اپیل کرتے ہوئےکہا کہ ہم آپ کی دعاؤں کے منتظر ہیں۔

بیجنگ: (ویب ڈیسک) وزیر خزانہ شوکت ترین کا کہنا ہے کہ آئی ایم ایف پروگرام کے بعد روپیہ مزید مستحکم ہوگا۔
یاد رہے گذشتہ روز پاکستان کو آئی ایم ایف سے 1 ارب 5 کروڑ 30 لاکھ ڈالر موصول ہو گئے تھے۔
وزارت خزانہ نے تصدیق کرتے ہوئے بتایا تھا کہ پاکستان کو توسیع فنڈ سہولت کے تحت چھٹی قسط ادا کر دی گئی ہے، آئی ایم ایف سے رقم ملنے کے بعد اسٹیٹ بینک کے ذخائر 16 ارب 72 کروڑ ڈالر ہو گئے۔
چین میں موجود وزیر خزانہ نے ویڈیو پیغام کے ذریعے کہا کہ عالمی مالیاتی ادارے (آئی ایم ایف) پروگرام کے بعد روپے کی قدرمستحکم ہوئی، روپیہ مزید مستحکم ہوگا، روپے کی مضبوطی پر یقین رکھیں۔
شوکت ترین کا کہنا تھا کہ چینی صدر،وزیراعظم سے ملاقاتوں میں معاشی،تجارتی تعاون پر بات ہوگی، چہ مگوئیوں سےگریزکیاجائے، روپے کے مستحکم ہونے پر یقین رکھا جائے۔

اسلام آباد: (ویب ڈیسک) وفاقی وزیر برائے منصوبہ بندی اسد عمرکا کہنا ہے کہ “پہنچی وہیں پہ خاک جہاں کاخمیر تھا۔
مسلم لیگ(ن) اور پیپلز پارٹی کے بڑوں کی ملاقات پر ردعمل دیتے ہوئے اسد عمرکا کہنا تھا کہ قوم آج کی ملاقات کی شدت سے منتظر تھی ،قوم کوشہباز شریف کی بڑھکیں یادہیں،، قوم کوانتظار تھاآج پیٹ پھاڑےجائیں گے، قوم کو انتظارتھاآج سڑکوں پرگھسیٹاجائےگا، قوم منتظرتھی چوری شدہ مال نکلوایا جائےگا، یٹ پھاڑنےیاگھسیٹنےکےبجائےمقصود چپڑاسیوں ،مسرورانوروں کوبچانےکوترجیح دی گئی۔
اسدعمر کا کہنا تھا کہ عمران خان نے برسوں پہلےبتایازرداری وشریف ایک سکےکےدورخ ہیں۔ان کی سیاست کی بنیادکرپشن اوراس کاتحفظ ہے۔ دونوں جماعتیں خزانہ لوٹنےکیلئےآپس میں نوراکشتی کرتی ہیں۔ قوم کی لوٹی دولت کےچھن جانےکاخوف انہیں متحدکرتاہے۔ نوکری کی عرضیاں قبول نہ ہونےپردونوں مل کر درخواست دینےکی کوشش میں ہیں۔ قوم ان کےکسی جھانسے میں نہیں آئےگی۔ غلط فہمی میں نہ رہیں،سیاسی چالوں کاجواب دیں گے۔

کراچی: (ویب ڈیسک) سپریم کورٹ کے حکم پر کراچی کی شارع فیصل پر 15 منزلہ نسلہ ٹاور مکمل طور پر گرا دیا گیا۔
انتظامیہ کے مطابق عمارت کو گرانے کا کام 24 گھنٹے جاری رکھا گیا تھا اور عمارت کو گرانے کیلئے کیلئے بھاری مشینری کا استعمال کیا گیا۔
انتظامیہ کا کہنا ہے کہ نسلہ ٹاور کی عمارت کو گرانےکیلئے 5 ہیوی مشینیوں نے کام کیا۔
سپریم کورٹ کے حکم پر 28 نومبر کو نسلہ ٹاورگرانے کا کام شروع ہوا تھا جو 69 دنوں میں مکمل ہوا تاہم اب ملبہ اٹھانے کا کام جاری ہے۔
سپریم کورٹ نے نسلہ ٹاور کو غیرقانونی قرار دے کر گرانے کا حکم دیا تھا۔

لاہور: (ویب ڈیسک) پاکستان پیپلز پارٹی کے چیئر مین بلاول بھٹو زرداری کا کہنا ہے کہ حکومت سے عوام کا اعتماد اٹھ گیااور اب پارلیمان کا اعتماد بھی اٹھنا چاہیے۔
ماڈل ٹاؤن لاہور میں شہباز شریف اور مریم نواز سے ملاقات کے بعد میڈیا سے گفتگو کرتے ہوئے بلاول نے کہا کہ وزیراعظم کو ہر صورت جانا ہوگا، عمران خان کو ہٹانےکیلئے ہم سب اکٹھےہیں، حکومت کےخلاف احتجاج کے ساتھ تحریک عدم اعتماد کے آپشن کھلے ہیں۔
انہوں نے کہا کہ پیپلزپارٹی نے اپنی مجلس عامہ کے اندر تفصیلی مشاورت کے بعد سیاسی فیصلے کیے تھے، میں نے اپنی جماعت کی سوچ شہباز شریف کے سامنے رکھی ہے، انہوں نے اپنے اور اتحادیوں کے پلان ہمارے سامنے رکھے ہیں۔ مشکل حالات اور معاشی بحران میں پھنسے عوام کے لئے فیصلہ کرنا ضروری ہے ، ہماری امید ہے کہ اپوزیشن جماعتیں جتنا زیادہ مل کر کام کرینگی اور ہمارے اتحاد میں جتنا اضافہ ہوگا، حکومت کو اتنا ہی خطرہ لاحق ہوگا اور دباؤ بڑھے گا ، شہباز شریف کو کریڈٹ جاتا ہے کہ بطور قائد حزب اختلاف انہوں نے تمام تر حالات کے باوجود قومی اسمبلی میں سب کو اکٹھا رکھا۔
بلاول نے مزید کہا کہ حکومت سے عوام کا اعتماد اٹھ چکا اب پارلیمان کا اعتماد بھی اٹھنا چاہئے ، احتجاج کے ساتھ ساتھ تحریک عدم اعتماد کا آپشن ہے جس پر ن لیگ میں بھی اتفاق رائے بڑھ رہا ہے ، آگے جاکر مزید اتفاق رائے ہوگا، ملک کو بچانے کے لئے عمران خان کو نکالنا ضروری ہے، عوام و قومی مفاد کےلیے ن لیگ، پی پی ایک صفحے پر ہیں کہ عمران خان کو جانا ہے، ہم نے پی ڈی ایم کے لانگ مارچ اور شہباز شریف نے ہمارے لانگ مارچ کو ویلکم کیا ہے، حکومت کو گھر بھیجنے کے لیے ہر قدم اٹھانے کےلیے تیار ہیں، باہمی اختلافات کے باوجود بڑے مقصد کےلیے اکٹھے ہیں۔