ویسٹ انڈیز ویمنز کرکٹ ٹیم آئندہ ماہ پاکستان کا دورہ کرے گی جس کا شیڈول جاری کردیا گیا ہے۔
پاکستان کرکٹ بورڈ (پی سی بی) کے مطابق ویسٹ انڈیز اور پاکستان کی ویمنز ٹیموں کے درمیان 3 ون ڈے 8، 11 اور 14 نومبر کو کراچی میں ہوں گے۔
پی سی بی کا کہنا ہے کہ سیریز کیلئے ویسٹ انڈیز کی ٹیم یکم نومبر کو کراچی پہنچے گی۔
پاکستان کرکٹ بورڈ کے چیئر مین رمیز راجہ کا کہنا ہے کہ ویسٹ انڈیز ویمنز ٹیم کا پاکستان آنا خوش آئند ہے۔
انہوں نے کہا کہ خواتین ٹیم کے بعد ویسٹ انڈیز کی مینز ٹیم بھی پاکستان آئے گی۔
دوسری جانب ویمنز ورلڈ کپ کوالیفائرز اور ویسٹ انڈیز سے سیریز کیلئے پاکستان ویمنز ٹیم کا اعلان کردیا گیا ہے۔
18 رکنی پاکستان ویمنز ٹیم کی قیادت جویریہ خان کریں گی۔
پاکستان ویمن ٹیم میں جویریہ خان کے علاوہ ایمن انور، عالیہ ریاض، انعم امین، عائشہ ظفر، ڈیانا بیگ ،فاطمہ ثنا، ارم جاوید، کائنات امتیاز، ماہم طارق، منیبہ علی، نشرہ سندھو، ندا ڈار اور عمیمہ سہیل شامل ہیں۔
اس کے علاوہ رامین شمیم، سعدیہ اقبال، سدرا امین اور سدرا نواز کو بھی پاکستان ویمنز اسکواڈ میں شامل کیا گیا ہے۔
واضح رہے کہ ویمنز ورلڈ کپ کوالیفائرز 21 نومبر سے زمبابوے میں ہوں گے۔
بنگلادیش کی حکمران جماعت ملکی آئین کو سیکولر ازم کی جانب واپس لے جانے کی تیاری کررہی ہے۔
حکومتی وزیر مراد حسن کے مطابق 1972 کے سیکولر آئین کی طرف پلٹنے کیلئے نئی ترمیم جلد پارلیمنٹ میں پیش کی جائے گی، اس ترمیم کے بغیر کسی رکاوٹ کے ایوان سے منظور ہونے کا امکان ہے اور اس اقدام سے اسلام بنگلادیش کا قومی مذہب نہیں رہے گا۔
رپورٹ کے مطابق بنگلادیش میں شیخ حسینہ کی حکومت نے شیخ مجیب الرحمٰن کے دیے گئے 1972 کےآئین کو واپس لانے کا فیصلہ کیا ہے۔
جونیئر وزیر اطلاعات مراد حسن نے کہا ہےکہ ملک میں 1972 کا آئین واپس لایا جائے گا اور اسلام کو بطور قومی مذہب قبول نہیں کیا جائے گا۔
بنگلادیش کی پارلیمنٹ میں حکمران جماعت ’بنگلادیش عوامی لیگ‘ کو اکثریت حاصل ہے اس لیے اسے اس ترمیم کی منظوری میں کوئی مشکل نہیں ہوگی۔
آئی سی سی ٹی ٹوئنٹی ورلڈ کپ 2021 کا میلہ 17 اکتوبر سے متحدہ عرب امارات اور عمان میں شروع ہوچکا ہے جس میں 16 ممالک کی کرکٹ ٹیمیں شرکت کررہی ہیں۔
یہ آئی سی سی ٹی ٹوئنٹی ورلڈ کپ کا ساتواں ایونٹ ہے اور یہ گزشتہ 6 ورلڈ کپ سے کافی منفرد بھی ہے۔
آج ہم آپ کو کچھ ایسی منفرد چیزیں بتانے جارہے ہیں جو اس سے قبل ٹی ٹوئنٹی ورلڈ کپ میں نہیں تھیں۔
پہلی بار 2 ممالک میں ٹی ٹوئنٹی ورلڈکپ کا انعقاد
2021 کا ٹی ٹوئنٹی ورلڈ کپ پہلی بار 2 ممالک متحدہ عرب امارات اور عمان میں کھیلا جارہا ہے— فوٹو : فائل
2021 کا ٹی ٹوئنٹی ورلڈ کپ بھارت میں منعقد ہونا تھا لیکن کورونا کی بگڑتی ہوئی صورتحال کی وجہ سے یہ ایونٹ پہلی بار 2 ممالک متحدہ عرب امارات اور عمان میں کھیلا جارہا ہے جو کہ ایک منفرد بات ہے کیونکہ اس سے قبل کھیلے گئے 6 ٹی ٹوئنٹی ورلڈ کپ صرف ایک ملک میں ہی کھیلے گئے تھے۔
2007= جنوبی افریقا
2009 =انگلینڈ
2010= ویسٹ انڈیز
2012= سری لنکا
2014 =بنگلا دیش
2016=بھارت
ایونٹ کا فائنل جس ملک میں کھیلا جائے گا وہ ورلڈکپ میں شامل ہی نہیں
جس ملک میں اس ایونٹ کا فائنل کھیلا جائے گا وہ اس ورلڈکپ میں شامل ہی نہیں —فوٹو: فائل
2021 کے ٹی ٹوئنٹی ورلڈکپ کی دوسری منفرد بات یہ ہے کہ جس ملک میں اس ایونٹ کا فائنل کھیلا جائے گا وہ اس ایونٹ میں شامل ہی نہیں۔
اس سے قبل کھیلے گئے تمام ٹی ٹوئنٹی ورلڈکپ فائنلز کا میزبان ملک خود بھی ایونٹ میں شریک تھا لیکن اس بار ایسا نہیں۔
2021 کے ٹی ٹوئنٹی ورلڈ کپ کا فائنل متحدہ عرب امارات کے شہر دبئی میں کھیلا جائے گا اور یو اے ای کی کرکٹ ٹیم ایونٹ میں شامل ہی نہیں۔
ٹی ٹوئنٹی ورلڈکپ میں پہلی بار ڈی آر ایس سسٹم کا استعمال
ٹی ٹوئنٹی ورلڈ کپ میں پہلی بار ڈی آر ایس (ریویو) سسٹم کا استعمال ہورہا ہے —فوٹو: فائل
جی ہاں 2021کے ٹی ٹوئنٹی ورلڈ کپ میں پہلی بار ڈی آر ایس (ڈیسیژن ریویو سسٹم) استعمال ہو رہا ہے جس میں ہر ٹیم کے پاس 2 ،2 ریویوز ہوں گے۔
اس سے قبل 50 اوورز کے ورلڈ کپ میں تو ڈی آر ایس استعمال کیا جاتا رہا ہے لیکن ٹی ٹوئنٹی میں اس سے قبل 6 ورلڈ کپ میں کبھی بھی ٹیموں کے پاس ریویوز کا آپشن نہیں تھا۔
طویل دورانیے کے بعد ورلڈ کپ کا انعقاد
ٹی ٹوئنٹی ورلڈ کپ کے لیے شائقین کو 5سال کا طویل انتظار کرنا پڑا —فوٹو: آئی پی ایل۔ آئی
2021 کے ٹی ٹوئنٹی ورلڈ کپ کے لیے شائقین کو 5 سال کا طویل انتظار کرنا پڑا اور یوں یہ ورلڈکپ اس لحاظ سے بھی گزشتہ 6 ٹی ٹوئنٹی ورلڈکپ سے منفرد ہے۔
اس قبل کھیلے گئے تمام ٹی ٹوئنٹی ورلڈ کپ زیادہ سے زیادہ 2 سال کے وقفے سے منعقد ہوئے لیکن 2021 کا ورلڈکپ 5 سال کے وقفے کے بعد منعقد ہونے جارہا ہے۔
گزشتہ سال آسٹریلیا میں ورلڈ کپ کا ساتواں ایڈیشن کھیلا جانا تھا لیکن کورونا وبا کی وجہ سے اسے منسوخ کردیا گیا تھا۔
واضح رہے کہ آخری بار ٹی ٹوئنٹی ورلڈ کپ 2016 میں کھیلا گیا تھا۔
ایسو سی ایٹ رکن ممالک میں ورلڈ کپ کا انعقاد
پہلی بار آئی سی سی کے ایسو سی ایٹ ممبر ممالک میں ٹی ٹوئنٹی ورلڈکپ کھیلا جارہا ہے— فوٹو: فائل
2021کے ٹی ٹوئنٹی ورلڈ کپ کی ایک اور منفرد بات یہ بھی ہے کہ یہ پہلی بار آئی سی سی کے ایسو سی ایٹ رکن ممالک متحدہ عرب امارات اور عمان میں کھیلا جارہا ہے۔
اس سے قبل کھیلے گئے تمام ورلڈکپ آئی سی سی کے مستقل رکن ممالک میں ہوئے تھے۔
ورلڈکپ کے میچز کی تعداد
ر اس ایونٹ میں ٹوٹل 45 میچز کھیلے جائیں گے جو کہ تعداد کے لحاظ سے گزشتہ 6ورلڈ کپ میں سب سے زیادہ ہے —فوٹو: کرک ایلیٹکس
2021 ٹی ٹوئنٹی ورلڈکپ میں 16 ٹیمیں شرکت کر رہی ہیں اور اس ایونٹ میں ٹوٹل 45 میچز کھیلے جائیں گے جو کہ تعداد کے لحاظ سے گزشتہ 6ورلڈ کپ میں سب سے زیادہ ہے۔
2007 ٹوٹل میچز = 27
2009 ٹوٹل میچز = 27
2010 ٹوٹل میچز =27
2012 ٹوٹل میچز=27
2014 ٹوٹل میچز=35
2016 ٹوٹل میچز=35
پاپوا نیو گنی اور نمیبیا کی پہلی بار شرکت
آئی سی سی کے ایسوسی ایٹ ممالک پاپوا نیو گنی اور نمیبیا پہلی بار ٹی ٹوئنٹی ورلڈ کپ میں شرکت کررہے ہیں —فوٹو: آئی سی سی
آئی سی سی کے ایسوسی ایٹ ممالک پاپوا نیو گنی اور نمیبیا پہلی بار ٹی ٹوئنٹی ورلڈ کپ میں شرکت کررہے ہیں۔
نمیبیا گروپ اے اور پاپوا نیو گنی گروپ بی کے کوالیفائنگ راؤنڈ میں شامل ہیں۔
پہلی بار پانی کا وقفہ
آئی سی سی نے پلیئنگ کنڈیشنز کو تبدیل کرتے ہوئے شق 11میں پانی کے وقفے کی اجازت دی ہے —فوٹو: فائل
کچھ روز قبل ٹی ٹوئنٹی ورلڈ کپ کیلئے آئی سی سی نے پلیئنگ کنڈیشنز کو تبدیل کرتے ہوئے شق 11میں پانی کے وقفے کی اجازت دی ہے، یہ وقفہ ہر اننگز کے عین درمیان میں ہوگا یعنی عمومی حالات میں 10 اوورز کے اختتام پر۔
اس وقفے کا دورانیہ 2منٹ 30 سیکنڈز مقرر کیا گیا ہے لیکن اگر ایک اننگز 14 اوورز یا اس سے کم تک محدود ہوئی تو پانی کا وقفہ نہیں ہوگا۔
سب سے اہم بات، پانی کے اس وقفے کے دوران لیگز میں ہونے والے اسٹریٹیجک ٹائم آؤٹ کی طرز پر ہیڈ کوچز کو کھلاڑیوں کے ساتھ گفتگو کی بھی اجازت دی گئی ہے جو کہ اسے قبل ٹی ٹوئنٹی ورلڈکپ میں نہیں ہوتا تھا۔
ٹائی میچ کا فیصلہ ہونے تک سپر اوور جاری رکھا جائے گا
جب تک فاتح کا فیصلہ نہیں ہوتا، سپر اوورز کا سلسلہ جاری رہے گا —فوٹو: فائل
آئی سی سی پلیئنگ کنڈیشنز کے مطابق میچ ٹائی ہونے کی صورت میں سپر اوور ہوگا اور سپر اوور کے ٹائی کی صورت میں ایک بار پھر سپر اوور ہوگا اور جب تک فاتح کا فیصلہ نہیں ہوتا، سپر اوورز کا سلسلہ جاری رہے گا۔
اسلام آباد: وزیراعظم عمران خان نے کہا ہے کہ چشمہ رائٹ بینک کینال کی تعمیر سماجی و معاشی ترقی کیلئے ایک حقیقی گیم چینجر ثابت ہوگی۔
تفصیلات کے مطابق وزیراعظم کی زیر صدارت خیبرپختونخوا میں زراعت اور ترقیاتی منصوبوں سے متعلق اجلاس ہوا جس میں چشمہ رائٹ بینک کینال منصوبےکا بھی جائزہ لیاگیا۔
اجلاس میں وزیر توانائی حماد اظہر ، مشیر تجارت عبدالرزاق داؤد، صوبائی وزیر تیمور سلیم جھگڑا ، چیئرمین نیشنل ہائی وے اتھارٹی، چیئرمین ایف بی آر ڈاکٹر اشفاق احمد اور متعلقہ افسران نے بھی شرکت کی۔
وزیراعظم نے کہا کہ چشمہ رائٹ بینک کینال پروجیکٹ حقیقی گیم چینجرثابت ہوگی منصوبہ کےپی میں 3 لاکھ ایکڑبنجرزمین کوسیراب کرےگا منصوبہ خطےمیں غذائی تحفظ کویقینی بنائےگا۔
عمران خان نے حکام کو کارپوریٹ فارمنگ کو فروغ دینےکے لیے مؤثر اقدامات کی ہدایت کرتے ہوئے کہا کہ منصوبے سے کسانوں کی آمدنی میں اضافہ اور غربت کاخاتمہ ہو گا۔
ا نہوں نے امید ظاہر کی کہ اچھی تعلیم، صحت اور دیگرسہولتوں کو یقینی بنانے میں مددملےگی ہمیں قدرتی وسائل کی صلاحیتوں سےاستفادہ کرنےکی ضرورت ہے۔
ترکی نے اسرائیلی خفیہ ایجنسی موساد کے 15 مشتبہ جاسوس گرفتار کر لیے۔
روزنامہ ترک اخبار ’صباح’ کے مطابق ان مشتبہ جاسوسوں کو ایک ماہ قبل گرفتار کیا گیا تھا اور ان پر الزام ہے کہ انہوں نے موساد کو ترک شہریوں اور ملک میں تعلیم حاصل کرنے والے غیر ملکی طلبہ کے بارے میں معلومات فراہم کیں۔
رپورٹ کے مطابق ملزمان نے اُن طلبہ کے بارے میں معلومات فراہم کیں جو ممکنہ طور پر مستقبل میں دفاعی صنعت میں کام کریں گے۔
حکومت کے حامی روزنامے نے یہ بھی لکھا ہے کہ مشتبہ افراد کو گرفتار کرنے کا آپریشن ترکی کی نیشنل انٹیلی جنس آرگنائزیشن (ایم آئی ٹی) نے ایک سال سے جاری انسداد انٹیلی جنس آپریشن کے بعد کیا تھا۔
اخبار نے مزید بتایا ہے کہ مشتبہ افراد کی تقریباً ایک سال تک ، تکنیکی اور انسانی انٹیلی جنس کے طریقوں کے ذریعے نگرانی کی گئی۔
آئی سی سی مینز ٹی ٹوئنٹی ورلڈکپ 2021 کے کوالیفائنگ راؤنڈ میں بنگلادیش نے پاپوا نیوگنی کو یکطرفہ مقابلے کے بعد 84 رنز سے شکست دیکر اگلے مرحلے کیلئے کوالیفائی کرلیا۔
مسقط میں کھیلے گئے میچ میں بنگلادیش نے ٹاس جیت کر پہلے بیٹنگ کرنے کا فیصلہ کیا اور صفر پر پہلی وکٹ گرنے کے باوجود مقررہ 20 اوورز میں 7 وکٹوں کے نقصان پر 181 رنز اسکور کیے۔
بنگلا دیش کی جانب سے محمود اللہ نے سب سے زیادہ 50 رنز بنائے جب کہ شکیب الحسن 46 رنز کے ساتھ نمایاں رہے۔
پاپوا نیوگنی کی جانب سے کابووا موریا، ڈیمئن راوو اور کپتان اسد والا نے دو دو کھلاڑیوں کو آؤٹ کیا جب کہ سائمن اٹائی ایک وکٹ حاصل کرنے میں کامیاب رہے۔
182 رنز کے تعاقب میں پاپوا نیوگنی کی پوری ٹیم 20 ویں اوور میں 97 رنز بناکر آؤٹ ہوگئی اور یوں بنگلادیش نے ٹی ٹوئنٹی ورلڈ کپ کے سُپر 12 مرحلے کیلئے کوالیفائی کرلیا۔
پاپوا نیوگنی کا کوئی بھی بیٹمسین بنگلادیشی بولرز کا سامنا نہ کر سکا اور اس کے 9 بیٹسمین ڈبل فگرز میں بھی داخل نہ ہوسکے۔
پاپوا نیوگنی کے کپلن دوریگا 46 رنز بنا کر نمایاں رہے۔
بنگلادیش کی جانب سے شکیب الحسن نے شاندار بولنگ کا مظاہرہ کرتے ہوئے 4 کھلاڑیوں کو آؤٹ کیا جبکہ محمد سیف الدین اور تسکین احمد نے 2،2 وکٹیں حاصل کیں۔
واضح رہے کہ ٹی ٹوئنٹی ورلڈ کپ کے کوالیفائنگ راؤنڈ میں 8 ٹیمیں دو گروپوں میں تقسیم ہیں جبکہ ہرگروپ سے 2 ،2 ٹیموں نے اگلے مرحلے کیلئے کوالیفائی کرنا ہے ۔
خیال رہے کہ اب تک گروپ اے سے سری لنکا جبکہ گروپ بی سے بنگلادیش نے سپر 12 مرحلے کیلئے کوالیفائی کرلیا ہے۔
واضح رہے کہ آئی سی سی ٹی ٹوئنٹی ورلڈ کپ کا ساتواں ایڈیشن متحدہ عرب امارات اور عمان میں جاری ہے۔
اسلام آباد : وزیراعظم عمران خان 23 اکتوبر کو سعودی عرب کے 3 روزہ دورے پر روانہ ہوں گے۔
اپنے دورے کے دوران وزیر اعظم عمران خان عمرہ کی ادائیگی اور روضہ رسول صلی اللہ علیہ وسلم پر حاضری دیں گے۔ سعودی قیادت سے ملاقاتیں کریں گے اور گرین انیشیٹیو کانفرنس میں شرکت بھی کریں گے۔
دوسری جانب وزیراعظم عمران خان سے وزیر داخلہ شیخ رشید نے ملاقات کی ہے جس میں امن و امان اور سیاسی صورتحال پر تبادلہ خیال کیا گیا۔ ملاقات میں افغانستان کی موجودہ صورتحال پر بھی تفصیلی بات چیت کی گئی۔ وزیرداخلہ نے وزیراعظم کو راولپنڈی میں جاری ترقیاتی منصوبوں پر پیش رفت سے آگاہ کیا۔
ادھر وزیراعظم عمران خان کل لاہور کا بھی ایک روزہ دورہ کریں گے جہاں وہ وزیراعلی پنجاب عثمان بزدار سے ملاقات کریں گے۔ وزیر اعظم کو وزیر اعلی پنجاب صوبے کے انتظامی امور پر بریف کریں گے۔ وزیر اعظم لاہور کے ضمنی انتخابات سے متعلق پارٹی رہنماوں سے مشاورت بھی کریں گے۔
اسلام آباد : وزیراعظم عمران خان کا کہنا ہے نوجوان نسل کو اسلامی تاریخ سے آگاہی دینے کے لیے تاریخی کہانیوں پر ڈرامے اور فلمیں بنانا ہوں گی۔
وزیراعظم عمران خان سے فلمساز شہزاد نواز، ترک پروڈیوسر ایمرے کونُک، سید جنید علی شاہ اور ڈاکٹر کاشف نے ملاقات کی ہے۔ سینیٹر فیصل جاوید بھی موجود تھے۔
ملاقات کے دوران وزیراعظم کو پاکستان اور ترکی کے درمیان مشترکہ منصوبے صلاح الدین سیریز پر تفصیلات سے آگاہ کیا گیا اور بتایا گیا کہ سیریز پر منصوبہ بندی مکمل ہے جبکہ اس کی شوٹنگ کا آغاز آئندہ سال اپریل میں کر دیا جائے گا۔
وزیراعظم کا کہنا تھا کہ صلاح الدین ایوبی تاریخ کا ایسا کردار ہے جس کی مغرب بھی مثالیں دیتا ہے۔ صلاح الدین ایوبی نے یروشلم کی تاریخی فتح کے بعد عام معافی کا اعلان کیا۔
جنرل لیفٹیننٹ جنرل فیض حمید اور دیگر حکام کے ہمراہ کابل پہنچے جہاں انہوں نے افغانستان کے عبوری وزیراعظم ملا حسن اخوند سے ملاقات کی۔
کابل ائیرپورٹ پہنچنے پر افغانستان کے عبوری وزیر خارجہ امیر خان متقی، افغانستان میں تعینات پاکستانی سفیر منصور احمد خان اور وزارت خارجہ افغانستان کے سینیئر حکام نے پاکستانی وفدکا خیر مقدم کیا۔
وزیر اعظم کے نمائندہ خصوصی برائے افغانستان محمد صادق، ڈی جی آئی ایس آئی لیفٹیننٹ جنرل فیض حمید، سیکرٹری خارجہ سہیل محمود ،سیکرٹری کامرس صالح احمد فاروقی ، چیئرمین پی آئی اے ائیر مارشل (ر) ارشد ملک ، چیئرمین نادرا طارق ملک ،کسٹم ، ایف بی آر اور وزارت خارجہ کے سینیئر افسران بھی وزیر خارجہ کے ہمراہ ہیں۔
وزارت خارجہ کے مطابق شاہ محمود قریشی نے کابل میں افغانستان کے عبوری وزیراعظم ملا حسن اخوند سے ملاقات کی ، افغان عبوری حکومت کے نائب وزیر اعظم مولوی عبدالسلام حنفی نے وزیر خارجہ کا خیر مقدم کیا، اس موقع پر افغان وزیر خارجہ امیر خان متقی بھی موجود تھے۔
دوران ملاقات دو طرفہ باہمی دلچسپی کے امور ،تجارتی و اقتصادی شعبہ جات میں تعاون بڑھانے اور افغان عوام کو معاشی بحران سے نکالنے کے لیے مختلف پہلوؤں پر تبادلہ خیال کیا گیا۔
اس موقع پر شاہ محمود قریشی کا کہنا تھا کہ پاکستان، افغانستان میں دیرپا امن اور استحکام کا خواہاں ہے، پاکستان، انسانی بنیادوں پر افغان بھائیوں کی مدد کے لیے پرعزم ہے۔
شاہ محمود قریشی کا کہنا تھا کہ پاکستان، افغانستان کے ساتھ دو طرفہ تجارت بڑھانے کا متمنی ہے، افغان شہریوں بالخصوص تاجروں کے لیے ویزہ سہولیات، نئے بارڈر پوائنٹس کا اجرا اور نقل و حرکت میں سہولت کی فراہمی اسی سلسلے کی کڑیاں ہیں، پاکستان ، افغانستان کے قریبی ہمسایہ ممالک کے ساتھ مل کر خطے میں امن و استحکام کے لیے اپنا تعمیری کردار ادا کرنے کے لیے پر عزم ہے۔
افغان وزیراعظم ملا حسن اخوند نے انسانی امداد کی بروقت فراہمی پر پاکستانی قیادت کا شکریہ ادا کیا۔
ملک میں سونے کی فی تولہ قیمت میں اضافے کا سلسلہ جاری ہے اور آج بھی ایک تولہ سونا 2 ہزار روپے مہنگا ہوا ہے۔
سندھ صرافہ بازار جیولرز ایسوسی ایشن کے مطابق سونے کی فی تولہ قیمت 2000 روپے بڑھی ہے، جس کے بعد ملک میں فی تولہ سونے کی قدر 1 لاکھ 24 ہزار 200 روپے ہوگئی ہے۔
اس کے علاوہ 10 گرام سونے کی قدر 1714 روپے بڑھ کر 1 لاکھ 6 ہزار 481 روپے ہے۔
عالمی صرافہ بازار میں سونے کی قدر 4 ڈالر اضافے سے 1785 ڈالر فی اونس ہوگئی ہے۔
