کراچی: (ویب ڈیسک) وفاقی وزیر برائے بحری امور سینیٹر فیصل سبزواری نے کہا ہے کہ ملکی معیشت کے خلاف عمران خان نے جو سازش کی، اس سے بڑی سازش نہیں ہو سکتی۔
ایم کیو ایم پاکستان سے تعلق رکھنے والے وفاقی وزیر سینیٹر فیصل سبزواری نے کہا کہ 9 مارچ 2022 کو عمران خان ہمارے مرکزی دفتر میں تشریف لائے تھے تو کیا اس وقت ان کو نہیں پتہ تھا؟ یہ ہمارے اوپر جھوٹے الزامات لگا رہے ہیں۔
وفاقی وزیر سینیٹر فیصل سبزواری نے کہا کہ اگر انہیں سب علم تھا تو ایم کیو ایم کی 7 سیٹوں پر وزیراعظم کیوں بنے تھے؟
انہوں نے کہا کہ یہ بتائیں کہ گزشتہ ساڑھے 3 سالوں میں ان کی کیا کارکردگی تھی؟ ان کے خلاف کسی نے کیا سازش کرنی ہے؟
فیصل سبزواری نے کہا کہ ملکی معیشت کے خلاف انہوں نے جو سازش کی اس سے بڑی کوئی ساز ش نہیں ہو سکتی۔
