لاہور (ویب ڈیسک )وزیر اعلی پنجاب سردار عثمان بزدارایک بار پھر بازی لے گئے۔وزیر اعلی عثمان بزدار نے ریسکیوسروسز کے شعبہ میں تاریخ ساز اقدام کرتے ہوئے پنجاب میں ریسکیو ایئر ایمبولینس پراجیکٹ کے لئے عملی اقدامات کا آغاز کردیا ہے۔ وزیر اعلی عثمان بزدار کی ہدایت پر ایئر ریسکیو سروس پراجیکٹ کو سالانہ ترقیاتی پروگرام 2021-22 میں شامل کر لیا گیا ہے۔ کابینہ سٹینڈنگ کمیٹی برائے فنانس اینڈ ڈویلپمنٹ نے ائیر ریسکیو سروس کے منصوبے کو سالانہ ترقیاتی پروگرام میں شامل کرنے کی منظوری دے دی ہے- وزیر اعلی عثمان بزدار نے کہا کہ ایئرریسکیو سروس کے لئے ایک ارب 16 کروڑ روپے مختص کر دیئے ہیں -ریسکیوائیرایمبولینس کے ذریعے پنجاب کے دور دراز اور دشوار گزار علاقوں تک رسائی ممکن ہوگی- مریضوں کو ریسکیو کی تیز ترین سہولت میسر آئے گی۔ریسکیو ائیر ایمبولینس سروس سے حادثات کے زخمیوں اور دیگر قیمتی انسانی جانیں بچائی جا سکیں گی۔ریسکیو ایئر ایمبولینس منصوبہ حقیقت کا روپ دھار رہا ہے- انشاءاللہ یہ منصوبہ رواں مالی سال شروع ہو جائے گااور اس منصوبے سے ریسکیو سروسز میں انقلاب آئے گا- یہ خالص مفاد عامہ کا منصوبہ ہے، اسے جلد از جلد پایہ تکمیل تک پہنچایا جائے گا۔ پنجاب کو جنوبی ایشیا کی پہلی ریسکیو ایئر ایمبولینس شروع کرنے کا اعزاز حاصل ہوگا۔ وزیر اعلی پنجاب سردار عثمان بزدار پسماندہ علاقوں کی ترقی کے لئے سرگرم-وزیراعلیٰ عثمان بزدار کی خصوصی ہدایت پر کھاریاں،ڈنگہ، منڈی بہا¶الدین روڈ دو رویہ کیرج وے کی بحالی کے منصوبے کی منظوری دے دی گئی-وزیر اعلی عثمان بزدار نے کہا کہ 29 کلو میٹر طویل سڑک کی بحالی کے منصوبے کو اے ڈی پی 2021-22ءمیں شامل کر لیا گیاہے-کابینہ سٹینڈنگ کمیٹی برائے فنانس اینڈ ڈویلپمنٹ نے منصوبے کو اے ڈی پی میں شامل کرنے کی منظوری دے دی ہے- اس منصوبے پر 2 ارب 23 کروڑ روپے لاگت آئے گی -اس منصوبے کی تکمیل سے گجرات، کھاریاں اور دیگر ملحقہ علاقوں کے شہریوں کو آمد و رفت میں بے پناہ آسانی ہو گی-انہوں نے کہا کہ علاقے کے لوگو ں کو آمد و رفت کی بہترین سہولتیں میسر ہوں گی۔ آمد و رفت کی تیز رفتار سہولت ملنے سے سے ایندھن اور وقت کی بھی بچت ہوگی۔انہوں نے کہا کہ کسانوں کو اپنی اجناس کھیت سے منڈی تک لے جانے میں آسانی ہوگی۔

لاہور(ویب ڈیسک) چیئرمین پاکستان پیپلز پارٹی بلاول بھٹو زرداری سے صدر پاکستان پیپلز پارٹی سٹی گوجرانوالہ میاں ودود حسن ڈار نے بلاول ہاس لاہور میں خصوصی ملاقات کی جس میں ملک کی سیاسی و معاشی صورتحال پر تبادلہ خیال کیا گیا۔ چیئرمین پاکستان پیپلز پارٹی بلاول بھٹو زرداری نے میاں ودود حسن ڈار کو سٹی گوجرانوالہ سمیت پنجاب بھر میں پیپلز پارٹی کی بحالی کے لیے کام کرنے پر مبارکباد دی اور خصوصاً این اے 133کے ضمنی الیکشن میں یوسی 229 میں بہترین کارکردگی پر شاباش بھی دی۔ بلاول بھٹو زرداری نے کہا کہ پیپلز پارٹی کو میاں ودود حسن ڈار جیسے ورکروں کی ضرورت ہے جس طرح انہوں نے دن رات ایک کر کےاین اے 133 میں پیپلز پارٹی کو دوبارہ بحال کیا اسی طرح پیپلز پارٹی کے دیگرعہدیداروں کو دن رات محنت کرنے کی ضرورت ہے تاکہ پیپلز پارٹی پنجاب میں اپنا کھویا ہوا مقام دوبارہ حاصل کر سکے، میاں ودود حسن ڈار نے چیئرمین بلاول بھٹو زرداری کو گوجرانوالہ سٹی آنے کی دعوت بھی دی ۔پاکستان پیپلزپارٹی چیئرمین بلاول بھٹو زرداری کی لاہور میں مختلف سیاسی جماعتوں سے پی پی پی میں شمولیت اختیار کرنے والوں سے ملاقات،گذشتہ روز چیئرمین بلاول بھٹو زرداری سے پی ٹی آئی، مسلم لیگ ن، جماعت اسلامی، مسلم لیگ ق، جمعیت علمائے پاکستان سے پی پی پی میں شامل ہونے والوں نے ملاقات کی، چیئرمین بلاول بھٹو زرداری سے پی پی پی میں شامل ہونے والے مختلف برادریوں کے افراد اور ماضی میں آزاد حیثیت میں سیاست کرنے والوں نے بھی ملاقات کی چیئرمین بلاول بھٹو زرداری سے پی ٹی آئی، ن لیگ اور آزاد حیثیت سے منتخب ہونے والے سابق کونسلروں اور سابق سیاسی عہدیداروں نے بھی ملاقات کی چیئرمین بلاول بھٹو زرداری کو مختلف سیاسی جماعتوں اور برادریوں سے شمولیت اختیار کرنے والوں نے لاہور میں پی پی پی کی بڑھتی مقبولیت کے حوالے سے آگاہ کیا،اس موقع پر چیئرمین بلاول بھٹو زرداری نے پاکستان پیپلزپارٹی میں شمولیت اختیار کرنے والے مختلف سیاسی جماعتوں کے 180 سے زائد افراد کو مبارک باد دی اور کہا کہ ماضی میں جس گھر پر پی پی پی کا پرچم لہرایا، اس پرچم کو دوبارہ اس گھر پر لہرائیں گے، جس نے کبھی بھی جئے بھٹو کا نعرہ لگایا، اس کو اپنے ساتھ ملائیں گے، آج بھی روٹی، کپڑا اور مکان کا نعرہ اتنے ہی معنی رکھتا ہے کہ جتنا 70 کی دہائی میں اہم تھا، پاکستان پیپلزپارٹی کی بنیاد لاہور میں رکھی گئی، پنجاب کے اس دل شہرِ لاہور کو ہم نے جیتنا ہے،انہوں نے کہا کہ پاکستان پیپلزپارٹی نے ماضی میں پنجاب کے عوام کو روزگار دیا، رہائشی اسکیموں کے ذریعے گھر دئیے، وہ پاکستان پیپلزپارٹی ہی ہے کہ جو پنجاب کے عوام کو روزگار دے سکتی ہے،ہماری کسی سے ذاتی لڑائی نہیں، ہمارا مسئلہ عوام کے بنیادی حقوق ہیں، پاکستان پیپلزپارٹی حکومت کرنے کے لئے نہیں بلکہ عوامی خدمت کے لئے سیاست کرتی ہے، جب میں پنجاب کی ہر تحصیل میں پہنچوں گا تو سیاسی حریفوں کو پتہ لگ جائے گا کہ سیاست تو پاکستان پیپلزپارٹی کرتی ہے،اس موقع پرچیئرمین بلاول بھٹو زرداری کے ہمراہ راجہ پرویز اشرف، حسن مرتضی، شہزاد سعید چیمہ، اسلم گِل و دیگر موجودتھے ،چیئرمین بلاول بھٹو زرداری سے پی ٹی آئی سے پی پی پی میں شامل ہونے والے علاو¿الدین بہادری، مسز شہزادی، سید افراز عباس نقوی، حافظ ذیشان، نبیل کاظمی، خلیل کامران، حاجی شکیل پی ٹی آئی سے پی پی پی میں شامل ہونے والے شبنم سیال، ٹونی شاہ، سلمان ارشد، امتیاز قریشی، انوار خان، خرم پرویز، رانا واصف، تنویر قریشی غلام سرور، نعمان سرور، جعفر اقبال، ذیشان قادری، مشہد علی قادری، سرفراز علی قادری، عدنان جعفری، علی عطاری چوہدری شہزاد گجر، عاصم بٹ، سعید حسین ننھا، محمد مرتضی، محمد عثمان، فرید خان، احمد ظہیر میو، لالہ طارق، مہدی خان، چوہدری احمد خان، ہارون ظفر، چوہدری عبداللہ بلاول، احسان شاہ ،شوکت علی، ملک سدھیر کھوکھر، محمد جاوید، محمد عبدالمجید، محمد احسان، امجد خان قادری تحسین جاوید، طاہر چوہدری گجر، عارف چوہدری گجر، امجد گوری، ساجد حسین قریشی، عمر جٹ، اشرف پہلوان، عمران نیازی، حاجی اشرف علی، اشرف ناگرہ ا ودیگر نے بھی ملاقات کی۔

لاہور (خصوصی رپورٹر) وفاقی وزیر اطلاعات و نشریات چوہدری فواد حسین نے کہا ہے کہ الیکشن کمیشن پہلے مرحلے میں بڑی سیاسی جماعتوں کی فنڈنگ کے معاملات عوام کے سامنے رکھے، ن لیگ اور پی پی پی کے پاس فنڈنگ کا کوئی ریکارڈ موجود نہیں، ن لیگ کا 2013سے 2015تک جبکہ پیپلز پارٹی کا 2009سے 2012تک فنڈنگ کا ریکارڈ ہی دستیاب نہیں، نواز شریف نے 2013میں 10 کروڑ روپے ن لیگ کو عطیہ کئے، اس رقم میں سے 4 کروڑ 50 لاکھ روپے ن لیگ نے نواز شریف کو واپس بھجوا دیئے، بنیادی طور پر ن لیگ کے اکاﺅنٹ کو کالا دھن سفید کرنے کے لئے استعمال کیا گیا، ٹی ایل پی اور جے یو آئی کی فنڈنگ کے حوالے سے بھی اعتراضات موجود ہیں، پیپلز پارٹی کا الیکشن لڑنا تو دور کی بات ہے پنجاب میں ان کا ٹکٹ لینے کے لئے بھی کوئی تیار نہیں، وزیراعظم نے گوادر میں ریلی کے عوامی مطالبات کا نوٹس لیا ہے، وزیراعظم عمران خان بلوچستان کے مسائل کا حل ترجیحی بنیادوں پر چاہتے ہیں۔ ان خیالات کا اظہار انہوں نے اتوار کو یہاں پریس کانفرنس سے خطاب کرتے ہوئے کیا۔ اس موقع پر وزیر مملکت برائے اطلاعات فرخ حبیب بھی موجود تھے۔ چوہدری فواد حسین نے کہا کہ وزیراعظم نے گوادر میں ریلی کے عوامی مطالبات کا نوٹس لیا ہے، وزیراعظم عمران خان بلوچستان کے مسائل کا حل ترجیحی بنیادوں پر چاہتے ہیں۔ انہوں نے کہا کہ وزیراعظم نے بلوچستان کے لئے 700 ارب روپے کا تاریخی پیکیج دیا، ایران کی سرحد پر تجارتی صورتحال جیسے مسائل بھی درپیش ہیں، افغانستان کی صورتحال کے بعد ہم نے تمام سرحدوں پر سیکورٹی سخت کی جس کی وجہ سے مقامی ضروریات کے حوالے سے بھی مسائل پیدا ہوئے، ہمیں ان مسائل کا احساس ہے۔ انہوں نے کہا کہ بدقسمتی سے ماضی کی حکومتوں نے گوادر کی بندرگاہ پر بات تو کی لیکن بنیادی مسائل پر کوئی توجہ نہیں دی، پانی اور بجلی جیسے منصوبوں میں تاخیر ہوئی اور وہاں احساس محروم پیدا ہوا۔ چوہدری فواد حسین نے کہا کہ وزیراعظم نے بلوچستان کی حکومت اور متعلقہ اداروں سے مسائل پر بات کی ہے، انشااللہ مسائل جلد حل کئے جائیں گے۔ انہوں نے کہا کہ گوادر میں زیادہ تر مقامی لوگوں کے مسائل ہیں، غیر قانونی فشنگ کے معاملہ کا بھی سختی سے نوٹس لیا ہے، ان معاملات کو ایک پالیسی کے تحت آگے لے کر چلیں گے۔ الیکشن کمیشن میں فارن فنڈنگ کے حوالے سے گفتگو کرتے ہوئے وفاقی وزیر اطلاعات نے کہا کہ ہم الیکشن کمیشن کو مضبوط کرنا چاہتے ہیں، الیکشن کمیشن میں فارن فنڈنگ کے کیسز میں پیشرفت اس طرح نہیں ہو رہی جس طرح ہونی چاہئے، الیکشن کمیشن میں رجسٹرڈ سیاسی پارٹیوں کے فنڈنگ کے معاملات اوپن ہونے چاہئیں۔ انہوں نے کہا کہ پاکستان میں جمہوریت کو اس وقت فروغ ملے گا جب سیاسی جماعتوں کا اپنا سٹرکچر ہوگا اور ان کی فنڈنگ کا نظام اوپن ہوگا۔ وفاقی وزیر اطلاعات نے کہا کہ بہت سی شدت پسند جماعتیں بھی الیکشن کمیشن کے ساتھ رجسٹرڈ ہیں جن کی فنڈنگ کے ذرائع موجود ہی نہیں۔ وفاقی وزیر اطلاعات نے کہا کہ تینوں بڑی سیاسی جماعتوں کے آڈٹ اکاﺅنٹس الیکشن کمیشن کے پاس موجود ہیں، انہیں عوام کے سامنے پیش کیا جانا چاہئے۔ انہوں نے بتایا کہ ن لیگ کے نام پر ایف سیون تھری میں موجود گھر کی قیمت دو کروڑ 70 لاکھ روپے بتائی گئی ہے، ایف سیون تھری میں گھروں کی قیمت سے جو لوگ آگاہ ہیں انہیں پتہ ہے کہ اس قیمت میں فٹ پاتھ بھی نہ ملے۔ اس گھر کی قیمت کے حوالے سے بھی کوئی ثبوت نہیں موجود نہیں کہ یہ رقم کہاں سے آئی۔ انہوں نے کہا کہ 2013میں ن لیگ کے اکاﺅنٹ میں 14 کروڑ 50 لاکھ اور 8 کروڑ67 لاکھ کی رقوم آئیں، ان رقوم کا بھی نہیں پتہ کہ نواز شریف کو یہ کس نے بھیجیں۔ چوہدری فواد حسین نے کہا کہ عمران خان نے پارٹی میں جو نظام قائم کیا اس میں اوورسیز پاکستانیوں نے ہمیں رقوم بھیجیں، ان میں ایسی رقوم بھی شامل ہیں جو ایک ڈالر سے دس ڈالر کے درمیان ہیں۔ ن لیگ کے پاس اپنے کسی ڈونر کا ریکارڈ موجود نہیں ہے،

قومی ائیر لائن پی آئی اے کی اسلام آباد سے کراچی کی پرواز 301 کے طیارے میں خطرناک آوازوں کے باعث مسافروں نے سفر سے انکار کردیا۔
ذرائع کے مطابق پی آئی اے انتظامیہ اسی طیارے کو اُ ڑانے پر بضد رہی جس کے بعد تقریبا 8گھنٹے کے بعد پرواز طیارے میں موجود 168مسافروں میں سے صرف 6کو لیکر کراچی روانہ ہوگئی۔
پی آئی اے کی اسلام آباد سے کراچی کی صبح 10 بجے روانہ ہونے والی پرواز نے 2 گھنٹے تاخیر سے پرواز بھری توطیارے نے فضا میں شدید جھٹکے لینا شروع کردیے جس سے مسافروں کی چیخیں نکل گئی ، 20منٹ کی پرواز کے بعد طیارے کو واپس اسلام آباد ائیر پورٹ پر اتارلیاگیا۔
ذرائع کے مطابق فنی خرابی کے باوجود مسافروں کو طیارے سے نہیں اتاراگیا، اے سی بند ہونے کے باعث شدید حبس میں مسافروں کو طیارے میں بٹھائے رکھا جس سے مسافروں اور بچوں کی حالت غیر ہوگئی ۔
ذرائع کا کہنا ہے کہ مسافر پی آئی اے عملے سے طیارہ تبدیل کرنے کی درخواست کرتے رہے جبکہ عملہ اسی طیارے پر مسافروں کو لیجانے پر بضد رہا، طیارے نے 3 بار پرواز کی کوشش کی لیکن ہر بار طیارے سے خطرنا ک آوازیں آنے پر اسے واپس اتارلیا گیا۔
مسافروں کا کہنا تھا پی آئی اے عملہ بورڈنگ کارڈ واپس کر رہا ہے نہ طیارے سے اترنے دے رہا ہے۔
ذرائع کے مطابق مسافروں کے احتجاج پر اے ایس ایف اہلکار طیارے میں داخل ہو گئے اور کئی گھنٹے سے طیارے میں محصور مسافروں کو خاموشی سے بیٹھے رہنے کی تنبیہ کرتے رہے ۔
تاہم 6 بجے کے قریب مسافروں کے شدید احتجاج کے بعد طیارے کا دروازہ کھول دیا گیاجس کے بعد168 مسافروں میں سے صرف 6 مسافر طیارے میں موجود رہے۔
دوسری جانب ترجمان پی آئی اے کا کہنا ہے کہ پرواز پی کے 301 کے 70 مسافر طیارے سے اتر گئے،باقی 54 مسافروں کیلئے متبادل پرواز 309 کا انتظام کیا گیا، جبکہ پرواز پی کے 301 صرف6 مسافروں کو لیکر کراچی روانہ ہوگئی ۔

پنجاب میں ایک بار پھر متعدد اعلیٰ پولیس افسروں کے تبادلے کر دیئے گئے۔
نوٹیفکیشن کے مطابق ڈاکٹر عابد خان کو ڈی آئی جی آپریشنز لاہور تعینات کر دیا گیا، وہ پی ٹی آئی کے پچھلے 5 ماہ میں چوتھے اور 3سال میں8 ویں ڈی آئی جی آپریشنز لاہور ہیں۔
ان سے پہلے ساجد کیانی ، سہیل چوہدری اور احسن یونس ڈی آئی جی آپریشنز لاہور رہ چکے ہیں۔
اس کے علاوہ ذوالفقار حمیدکو ایڈیشنل آئی جی ٹریننگ ،غلام مبشر میکن کو سی پی او فیصل آباد اور ایس ایس پی اشفاق عالم کو ترقی دےکرسینٹرل پولیس آفس میں ڈی آئی جی انٹرنل اکاؤٹبیلٹی لگا دیا گیا ہے ۔

کوئٹہ میں ملازمت کا جھانسہ دے کر لڑکیوں کی نازیبا ویڈیوز بنانے اور انہیں بلیک میل کرنے کے اسکینڈل میں ایک اورلڑکی کی جانب سے مقدمہ درج کرنے کے بعد گرفتار ملزمان کو عدالت میں پیش کردیا گیا ۔
عدالت نے ملزمان کو 7 روزہ جسمانی ریمانڈ پر پولیس کے حوالے کردیا جبکہ ویڈیوز میں نظر آنے والی دو لڑکیوں کو پولیس تاحال بازیاب نہ کرسکی ان لڑکیوں کے افغانستان میں موجودگی کا انکشاف سامنے آیا ہے ۔
کوئٹہ میں لڑکیوں کی نازیبا ویڈیوبناکر بلیک میل کر نے میں ملوث گرفتار دو ملزمان ہدایت اللہ اور خلیل احمد کے خلاف ایک اور لڑکی نے قائد آباد تھانے میں جنسی ہراسگی اور بلیک میلنگ کا مقدمہ درج کرادیا جس کے بعد ملزمان کے درج مقدمات کی تعداد 2 ہوگئی ہے۔
مقدمے کے اندراج کے بعد پولیس نے دونوں ملزمان کو کوئٹہ کی جوڈیشنل مجسٹریٹ نائین کی عدالت میں پیش کیا۔
عدالت نے ملزمان کو 7 روزہ جسمانی ریمانڈ پر پولیس کے حوالے کردیا جبکہ مقدمے میں مطلوب تیسرے ملزم شانی کی گرفتاری کیلئے چھاپے مارے جا رہے ہیں۔
ملزمان سےبرآمد موبائل،ویڈیوز اوریو ایس بیز کو فرانزک کے لیے پنجاب فرانزک لیبارٹری بھجوادیا گیا ہے ۔
ویڈیو اسکینڈل میں نظر آنے والی دولڑکیوں کے بارے میں پولیس کی جانب سے انکشاف سامنے آیا ہے کہ وہ افغانستان میں ہیں ۔
پولیس کا کہنا ہے کہ دونوں لاپتا لڑکیاں افغانستان میں ہیں، ان کی والدہ بھی منظرعام سےغائب ہیں جبکہ متاثرہ لڑکیوں کی والدہ سے رابطے کی کوشش کی جارہی ہے۔
مشیر داخلہ ضیا لانگو کے مطابق لڑکیوں کی بازیابی کےلیے افغان حکام سے بھی رابطہ ہے۔
ضیا لانگو نے پریس کانفرنس کرتے ہوئے کہا کہ وڈیو اسکینڈل میں ملوث کسی شخص کو طاقتورشخص بھی نہیں بچاسکے گا، واقعے میں ملوث افراد کو کیفر کردار تک پہنچائيں گے۔
انہوں نے کہا کہ ویڈیو اسکینڈل کی تحقیقات ابھی سامنےنہیں لاسکتے، تفتیش کیلئے جس ادارے کی ضرورت ہوگی مدد لیں گے۔
اس کے علاوہ وزیر اعلی بلوچستان عبدالقدوس بزنجو کا کہنا ہے کہ لڑکیوں کی بازیابی کیلئےافغان حکام سےرابطے میں ہیں۔

تفصیلات کے مطابق وفاقی وزیر اطلاعات کا کہنا تھا کہ فارن فنڈنگ کیس پرویسےکام نہیں ہورہاجیسےہوناچاہیے،الیکشن کمیشن تینوں بڑی پارٹیوں کا فنڈنگ ریکارڈ ایک ساتھ سامنے لائے، فنڈنگ تحقیقات کا آغاز بے شک پیپلزپارٹی، پی ٹی آئی اور ن لیگ سے کیا جائے ،تمام سیاسی جماعتوں کےکھاتےعوام کےسامنےآنےچاہئیں۔

فواد چوہدری کا کہنا تھا کہ الیکشن کمیشن کو مضبوط کرنا چاہتے ہیں، بہت سی شدت پسند جماعتیں الیکشن کمیشن میں رجسٹرڈ ہیں،ن لیگ کے ایک بھی ڈونر کا ریکارڈ موجود نہیں۔

ان کا کہنا تھا کہ پارٹیوں کی فنڈنگ لوگوں کےسامنے آنی چاہیے،پیپلزپارٹی کا 2009سے 2012تک فنڈنگ کا کوئی ریکارڈ موجود نہیں،فنڈنگ کے ذرائع ابھی تک کسی کو معلوم نہیں ہیں،خیبر پختونخوا ڈویژن میں ن لیگ کا کبھی احتساب ہی نہیں ہوا۔

انہوں نے کہا ہے کہ الیکشن کمیشن تینوں بڑی پارٹیوں کا فنڈنگ ریکارڈ ایک ساتھ سامنے لائے،جے یو آئی کی فنڈنگ پر بہت اعتراضات ہوتے رہے ہیں،فنڈنگ تحقیقات کا آغاز بے شک پیپلزپارٹی، پی ٹی آئی، ن لیگ سے کیا جائے۔

ان کا مزید کہنا تھا کہ بلوچستان کے مسائل وزیراعظم کے دل کے قریب ہیں، بلوچستان کے مسائل حل کرنا تحریک انصاف حکومت کی اولین ترجیح ہے۔