اسلام آباد: گلگت بلتستان کے سابق چیف جج رانا شمیم کا کہنا ہےکہ بیان حلفی ریکارڈ کراتے وقت وہ اکیلے تھے۔

اسلام آباد ہائیکورٹ میں رانا شمیم کے بیان حلفی پر توہین عدالت کیس کی سماعت کے سلسلے میں رانا شمیم عدالت میں پیش ہوئے۔

اس موقع پر صحافی نے رانا شمیم سے سوال کیا کہ کہا جارہا ہےآپ نے میاں نواز شریف  کے ساتھ بیٹھ کربیان حلفی بنایا، کیا اس بات میں کوئی صداقت ہے؟ آپ کوئی کمنٹ کریں گے؟

اس پر رانا شمیم نے جواب دیا کہ یہ بات تو آپ انہی سے پوچھیں جو ایسا کہہ رہے ہیں۔

صحافی نے رانا شمیم سے سوال کیا کہ آپ نے اکیلے  یہ حلف نامہ دیا تھا؟ اس پر سابق جج نے کہا کہ بالکل، بیان حلفی ریکارڈ کراتے وقت اکیلا تھا۔

دوسری جانب اسلام آباد ہائیکورٹ میں کیس کی سماعت کے دوران آج برطانیہ سے منگوایاگیا راناشمیم کا اصل بیان حلفی پڑھے جانے کا امکان ہے۔

گزشتہ سماعت پر اتفاق ہوا تھا کہ اٹارنی کی موجودگی میں اصل بیان حلفی کھولنے کا فیصلہ کیا جائیگا۔

لاہور (لیڈی رپورٹر) معاون خصوصی وزیر اعلی پنجاب حسان خاور نے کہا ہے کہ وزیر اعلی پنجاب صوبے میں گورننس بہتر بنانے پر توجہ دے رہے ہیں۔ اس تناظر میں گڈ گورننس کو یقنینی بنانے کیلئے وزیر اعلی نے شعبہ جات کی مانیٹرنگ اور افسران کی کارکرگی جانچنے کا نظام مزید موثر کر دیا ہے۔ عثمان بزدار محکموں کی کارکردگی پر مسلسل نظر رکھنے کیلئے سپیشل مانیٹرنگ یونٹ کے ذریعے اداروں کی بہتری اور ان کے فعال کردار پر خصوصی توجہ دے رہے ہیں تاکہ عوام کے مسائل کے حل کیلئے شعبہ جات کا کردار بڑھایا جا سکے اور اس ضمن میں کوئی کوتاہی نہ ہو۔ وہ گذشتہ روز الحمرا میں میڈیا سے گفتگو کر رہے تھے۔ انہوں نے کہا کہ وزیر اعلی کی جانب سے اچھا کام نہ کرنے والے افسران کی سرزنش اور بہتر کارکردگی والوں کی حوصلہ افزائی بھی اسی کا تسلسل ہے۔ اس ضمن میں تمام اداروں کے افسران کی کارکرگی روزانہ کی بنیاد پر جانچی اور ان کی رپورٹ مرتب کی جا رہی ہے۔ حسان خاور نے بتایا سپیشل مانیٹرنگ یونٹ کے معائنے کی روشنی میں وزیر اعلی پنجاب نے گذشتہ کچھ عرصہ میں غیرتسلی بخش کارکردگی کے حامل افسران کے خلاف کاروائی کی ہدایت بھی کی ہے۔ انہوں نے کہا کہ وزیر اعلی نے چیف ایگزیکٹو آفیسرز لاہور پارکنگ کمپنی، پنجاب لائیو سٹاک اینڈ ڈیری ڈویلپمنٹ بورڈ، لاہور ٹرانسپورٹ کمپنی اور فیصل آباد پارکنگ کمپنی، مینیجنگ ڈائریکٹر پنجاب کھل پنچائت اتھارٹی، ڈائریکٹر جنرل ایگریکلچر مارکیٹنگ ریگولرٹی اتھارٹی، سیکرٹری پنجاب لوکل گورنمنٹ، ایم ڈی پنجاب ماس ٹرانزٹ اتھارٹی، ڈائریکٹر جنرل ڈی جی خان ڈویلپمنٹ اتھارٹی، ڈی جی بہاولپور ڈویلپمنٹ اتھارٹی، چئیرمین ہلال ڈویلپمنٹ ایجنسی اور ڈی جی پنجاب سکلز ڈویلپمنٹ اتھارٹی کی کارکردگی کو غیر تسلی بخش قرار دیتے ہوئے ان کی سرزنش کی اور پرفارمنس بہتر بنانے کی ہدایت کی ہے۔ دوسری جانب بہتر اور غیر معمولی کارکردگی دکھانے پر چیف ایگزیکٹو آفیسر انفراسٹرکچر ڈویلپمنٹ اتھارٹی، ڈی جی ایل ڈی اے، ڈی جی والڈ سٹی اتھارٹی، سی ای او پنجاب ماڈل بازار مینجمنٹ کمپنیپراجیکٹ ڈائریکٹر دی پنجاب سکل ڈویلپمنٹ فنڈ، چیف ایگزیکٹو آفیسر پنجاب کیٹل مارکیٹ مینجمنٹ کمپنی، چیف ایگزیکٹو آفیسر قائد اعظم سولر پاور پرائیویٹ لمیٹڈ اور دیگر محکموں کے افسران کی تعریف اور حوصلہ افزائی بھی کی گئی ہے۔ معاون خصوصی نے مزید کہا کہ عثمان بزدار اس امر پر یقین رکھتے ہیں کہ غیر تسلی بخش کارکردگی پر بازپرس کرنا بہتر گورننس کا تقاضہ ہے۔ نواز شریف کی ممکنہ آمد کے حوالے سے میڈیا کے سوالوں کے جواب دیتے ہوئے حسان خاور نے کہا کہ نواز شریف ورلڈ کپ جیت کر نہیں آ رہے۔ وہ بیماری کی بہانہ بنا کر گئے تھے۔ سسیلین مافیا کا رائیونڈ چیپٹر نواز شریف کی سزائیں معاف کروانے کیلئے بھاگ دوڑ کر رہا ہے لیکن وہ واپس بھی آئیں گے تو قانون کے مطابق ہی ان کو ویلکم کیا جائے گا۔ انہوں نے کہا کہ کوٹ لکھپت جیل نواز شریف کا انتظار کر رہی ہے۔ حسان خاور نے کہا کہ تحریک انصاف ہمیشہ شفاف الیکشن کی حامی رہی ہے۔ خیبر پختونخواہ میں بلدیاتی اور پنجاب میں ضمنی انتخابات اس امر کے شاہد ہیں۔ انہوں نے کہا کہ پنجاب میں بلدیاتی انتخابات بروقت ہوں گے۔ اس ضمن میں زور و شور کے ساتھ تیاریاں کی جا رہی ہیں۔ حسان خاور نے پنجاب میں بلدیاتی انتخابات کے حوالے سے اپوزیشن کے تمام تحفظات کو مسترد کرتے ہوئے مزید کہا کہ پنجاب کا بلدیاتی نظام ملکی تاریخ کا مضبوط اور مثالی بلدیاتی نطام ہوگا جس میں ہر طبقے کو نمائندگی حاصل ہوگی۔

لاہور (لیڈی رپورٹر‘خصوصی رپورٹر) وزیراعلیٰ پنجاب سردار عثمان بزدارنے آج گلاب دیوی ہسپتال کے قریب فیروز پور روڈپررےکارڈ مدت مےں بننے والے انڈر پاس پراجیکٹ کا افتتاح کردےا۔ڈی جی ایل ڈی اے احمد عزیز تاڑر نے منصوبے کے بارے میں وزیراعلیٰ کو بریفنگ دی ۔وزیراعلیٰ عثمان بزدار نے انڈرپاس کو عبدالستار ایدھی کے نام سے منسوب کرنے کا اعلان کرتے ہوئے کہا کہ فل ہائٹ تھری لین انڈر پاس کھلنے سے ایک لاکھ 32 ہزار سے زائد گاڑیوں اور موٹرسائیکل سوارو ں کو آمد ورفت میں آسانی ہو گی۔شفاف ٹےنڈرنگ کے ذرےعے تقریبا 6 کروڑ روپے کی بچت کی گئی ہے- انہوںنے کہا کہ انڈر پاس کی تعمیر سے جہاں عام شہری مستفیدہوں گے وہاں 4 بڑے ہسپتال گلاب دیوی، چلڈرن، سوشل سیکورٹی اور جنرل ہسپتال کے ہزارو ں مریضوں کو بھی آسانی ہو گی۔ انڈر پاس سے ملحقہ آبادیوں کے لاکھوں مکین بھی بلاروک ٹوک آمد ورفت جاری رکھ سکیں گے۔ قصور کی طرف آنے جانے والے لاکھوں شہری بھی انڈرپاس سے مستفید ہوں گے-وفاقی وزیر تعلیم و تحریک انصاف پنجاب کے صدر شفقت محمود، صوبائی وزراءمرادراس، میاں اسلم اقبال، اسد کھوکھر، اعجاز عالم، اراکین اسمبلی، تحریک انصاف کے عہدیداران و کارکنان، ترجمان پنجاب حکومت حسان خاور،انسپکٹر جنرل پولیس،کمشنر لاہورڈویژن،سیکرٹری اطلاعات،ڈپٹی کمشنر اورمتعلقہ حکام بھی اس موقع پر موجود تھے۔وزےراعلیٰ عثمان بزدار نے عبدالستار اےدھی انڈر پاس کے افتتاح کے بعد مےڈےا سے گفتگو کرتے ہوئے کہا کہ انڈر پاس کو عبدالستار اےدھی کے نام سے منسوب کےاگےا ہے جبکہ گلبرگ سے جےل روڈ(صدےق ٹرےڈ سےنٹر)فلائی اوور کے منصوبے کو معروف شاعر منےر نےازی کے نام سے منسوب کےا گےا ہے ۔عبدالستار اےدھی انڈر پاس کو مقررہ مدت سے دو ماہ قبل مکمل کےاگےا ہے ۔ڈی جی اےل ڈی اے اورگورننگ باڈی کے اراکےن کووقت سے پہلے انڈر پاس مکمل کرنے پر مبارکباددےتا ہوں ۔انہوںنے کہاکہپہلی مرتبہ افتتاحی تقریب انڈرپاس ہی میں منعقد کی ہے اور تقریب پر خرچ ہونے والے کروڑوں روپے بچائے ہےں۔پنجاب حکومت نے ہر منصوبے مےں شفافےت کے ذرےعے کروڑوں روپے کی بچت کی ہے ۔وزےراعلیٰ عثمان بزدار نے لاہور کے شہرےوں کےلئے اےلی وےٹڈ اےکسپرےس وے پراجےکٹ کا اعلان کر تے ہوئے کہا کہ 50ارب روپے کی لاگت سے ےہ منصوبہ لاہور کے شہرےوں کو بے پناہ سہولت فراہم کرے گا۔شاہدرہ موڑ پر ملٹی لیول داخلی و خارجی راستے کی تعمیرپر6 ارب50 کروڑروپے خرچ ہوں گے اورشاہدرہ چوک پر ٹرےفک کا مسئلہ مستقل بنےادوں پر حل ہوگا۔انہوںنے کہا کہ ایل ڈی اے نے لاہو رمےں2ارب 45 کروڑ روپے کے 4 بڑے پراجیکٹ مکمل کےے ہےں۔ لال شہباز قلندر انڈرپاس،باب لاہور، اہم سڑکوں پرٹریفک جام کے پوائنٹس کا خاتمہ اور مختلف مقامات پر شہریوں کے پیدل گزرنے کے لئے خصوصی پلوں کی تعمیرکے منصوبے مکمل ہوچکے ہےں ۔ لاہور میں 9ارب 16 کروڑ70 لاکھ روپے کی لاگت سے 3 بڑے منصوبوں پر تےزی سے کام جاری ہے ۔چلڈرن ہسپتال کے قریب لاہور برج پر اضافی لین تعمیرکی جارہی ہے ۔انہوںنے کہا کہ 4ارب 90کروڑ روپے کی لاگت سے داتا گنج بخش فلائی اووربناےاجارہا ہے ۔2ارب 54کروڑ 80لاکھ روپے سے شاہکام چوک فلائی اوورکا منصوبہ جلد مکمل ہوگا۔سگیاں روڈ کی تعمیر و توسیع پر3ارب 40 کروڑروپے لاگت آئے گی۔3ارب روپے کی لاگت سے مین بلیوارڈ گلبرگ تا والٹن روڈ ڈیفنس موڑسنگنل فری کوریڈوربناےا جائے گا۔انہوںنے کہا کہ کریم بلاک علامہ اقبال ٹان پر انڈرپاس اور فلائی اوور کی تعمیرپر2ارب 90 کروڑ روپے لاگت آئے گی۔سابق حکومت کے چھوڑے دےگر منصوبوں کی طرح اورنج لائن میٹروٹرین منصوبے کو بھی ہم نے فنڈنگ کر کے مکمل کیا – سابق حکومت نے عوام کی فلاح وبہبود کا سوچے بغےرمنصوبے بنائے جن پر اربوں ر وپے کی سبسڈی دےنا پڑ رہی ہے ۔پبلک ٹرانسپورٹ کی سکےموں کو مکمل سٹڈی کرنے کے بعدبناےا جانا چاہےے تھا۔اورنج لائن میٹرو ٹرین ، میٹروبس سسٹم اور فیڈرروٹ سسٹم کے 6 منصوبو ں پرتقرےباًاربوں روپے کی سبسڈی دی جا رہی ہے -انہوںنے کہا کہ ان منصوبوںسے حاصل ہونے والی آمدن نہاےت کم ہے ۔ وزےراعلیٰ عثمان بزدار نے مےڈےا کے سوالات کے جواب مےں بتاےا کہ خےبرپختونخوامےںبلدےاتی الےکشن کا پہلا مرحلہ مکمل ہوچکا ہے ۔انشاءاللہ دوسرے مرحلے مےں تحرےک انصاف اچھا پرفارم کرے گی۔

الیکشن کمیشن آف پاکستان (ای سی پی) نے پاکستان تحریک انصاف (پی ٹی آئی) غیرملکی فنڈنگ کیس سماعت کیلئے مقرر کرنے کا فیصلہ کرلیا۔

ذرائع کے مطابق غیرملکی فنڈنگ کیس 4 جنوری کو سماعت کیلئے مقرر کیا گیا ہے اور الیکشن کمیشن نے کیس میں فریقین کو نوٹسز جاری کردیے ہیں۔

ذرائع کا کہنا ہے کہ پی ٹی آئی اور درخواست گزار اکبر ایس بابر کو نوٹس جاری کیے گئے ہیں۔

ذرائع کے مطابق الیکشن کمیشن سماعت کے دوران اسکروٹنی کمیٹی کی رپورٹ فریقین کے سامنے رکھے گا۔

خیال رہے کہ گزشتہ دنوں پی ٹی آئی ممنوعہ فنڈنگ کی تحقیقات کے معاملے پر اسکروٹنی کمیٹی نے اپنی رپورٹ الیکشن کمیشن میں جمع کرائی تھی۔

الیکشن کمیشن کی اسکروٹنی کمیٹی نے 2018 میں پی ٹی آئی ممنوعہ فنڈنگ کی تحقیقات کا آغاز کیا تھا۔

واضح رہے کہ درخواست گزار اکبر ایس بابر نے پی ٹی آئی کی 2 ارب سے زائد ممنوعہ فنڈنگ کی نشاندہی کی تھی۔

الیکشن کمیشن آف پاکستان نے بلدیاتی انتخابات کی حلقہ بندیوں کا نوٹی فکیشن جاری کردیا۔

پنجاب میں بلدیاتی انتخابات کے لیے الیکشن کمیشن متحرک ہوگئی اور بلدیاتی انتخابات کی حلقہ بندیوں کا نوٹی فکیشن جاری کردیا۔

الیکشن کمیشن کا کہنا ہے کہ پنجاب میں 22 مارچ 2022 تک حتمی حلقہ بندیوں کی فہرست جاری کردی جائے گی۔

الیکشن کمیشن کے مطابق ابتدائی حلقہ بندیوں کو عمل 11 جنوری سے لیکر 9 فروری تک جاری رہے گا، ووٹرز 11 فروری سے 25 فروری تک حلقہ بندیوں پر اعتراضات دائر کرسکتے ہیں۔

الیکشن کمیشن کا کہنا ہے کہ حلقہ بندیوں پر دائر اعتراضات پر متعلقہ حکام 12 مارچ تک فیصلے سنائیں گے۔

یاد رہے  اسپیکر پنجاب اسمبلی چوہدری پرویز الہیٰ کی زیرصدارت آج پنجاب اسمبلی کے اجلاس میں خواتین کے تحفظ کا ترمیمی بل اور پناہ گاہ اتھارٹی بل 2021 کثرت رائے سے منظور کر لیا گیا۔

چوہدری پرویز الٰہی نے کہا کہ اپوزیشن کی جانب سے اچھی تجویز آئی ہے ، پہلے بھی ہم نے متفقہ طور پر قانون سازی کی ہے جو کہ اچھا عمل ہے اب بھی ہم یہی چاہتے ہیں کہ بلدیاتی اداروں کے حوالے سے متفقہ طور پر فیصلہ ہو۔

صوبائی وزیر بلدیات میاں محمود الرشید نے کہا کہ پنجاب کے عوام کی بہتری کے لیے اپوزیشن اگر اس میں حصہ لینا چاہتی ہے تو حکومت ویلکم کرے گی ، موجودہ حکومت جو بلدیاتی نظام لا رہی ہے وہ ماضی کے مقابلے میں بہت بہتر ہوگا ، آئین کے تحت تمام اختیارات بلدیاتی اداروں کے سربراہوں کے پاس ہوں گے۔

انہوں نے کہا کہ یہ تاریخ میں پہلی مرتبہ ہونے جارہا ہے کہ لاہور کے شہری پہلی مرتبہ اپنے مئیر کا انتخاب کریں گے ، لوگوں کے مسائل گراس روٹ لیول تک حل ہوں گے ، جو بھی اس بل کے حوالے سے اس کمیٹی میں شامل ہونا چاہیے وہ آجائیں۔

چوہدری پرویز الہیٰ نے کہا کہ حکومت کو کوئی اعتراض نہیں یہ اچھی تجویز ہے ، اس کمیٹی میں اپوزیشن نام دے ہم اس کو ایکسٹنڈ کر دیتے ہیں۔

واضح رہے کہ اسپیکر چوہدری پرویز الٰہی نے قائمہ کمیٹی برائے بلدیات میں توسیع کر دی ہے ، بلدیاتی بل پر تمام اسٹیک ہولڈرز کی کمیٹی میں رائے لی جائے گی۔

ایشیائی ترقیاتی بینک (اے ڈی بی) کی معاونت سے پاکستان کودسمبرکے مہینے  میں کورونا ویکسین کی 15 ملین مزیدخوراکیں پاکستان پہنچ گئیں۔

اے ڈی بی کی جانب سے جاری کردہ اعلامیے کے مطابق    ایشیائی ترقیاتی بنک کی معاونت سے کورونا ویکسینز کی 15 ملین مزید خوراکیں پاکستان پہنچ  گئی ہیں۔

 اعلامیے میں  کہا گیا ہے کہ   اے ڈی بی کورونا ویکسین کی خریداری  کے لیے پاکستان  کی 5 سو ملین ڈالر کی امداد کر رہا ہے جس سے  3 کروڑ 5 لاکھ افراد  کے لیے ویکسین کی خریداری عمل میں لائی جا رہی ہے۔

یاد رہے کہ 24 دسمبر کو ای ڈے بی کی جانب سے توانائی کے شعبے کی بہتری اور استحکام کے لیے 30 کروڑ ڈالرز قرض موصول ہوا تھا۔