27 دسمبر2007ءکو بینظیر بھٹو کے قتل کا سانحہ پیش آیا۔ جب وہ الیکشن کمپین کے سلسلے میں لیاقت باغ میں جلسہ عام سے خطاب کرکے باہر نکلی تھیں۔ شہادت میں بے شمار ایسی چیزیں ہیں جن میں پتہ لگایا جاسکتا تھا کہ اس کے پیچھے کون کون کارفرما تھا۔ معروف صحافی وکیل انجم نے اپنی کتاب میں ذکر کیا ہے کہ جب بینظیر بھٹو نے 6 دسمبر کی رات ایک اجلاس بلایا جس میں ناہید خان بھی تھیں‘ رحمان ملک اور بھی کچھ لوگ تھے۔ جب میں نے انتظامات کا جائزہ لینا تھا کہ لیاقت باغ میں اقدامات کیسے ہیں تقریباً ایک بجے بینظیر بھٹو نے ناہید خان کو اور ایک دو اورلوگوں کو جلسہ گاہ بھیجا کہ وہ انتظامات کا آخری جائزہ لیں تاکہ صبح مقررہ وقت پر وہ جاسکیں۔ وہ ایک بجے نکلیں اور آئی ایس آئی کے جنرل ندیم تاج وہاں ان کی رہائش گاہ پر پہنچے اور انہوں نے مختصر ملاقات میں آتے ہی کہا کہ بی بی آپ کو اس جلسے میں نہیں جانا چاہئے۔ آپ پر کراچی میں حملہ ہوا یہاں بھی بہت خطرات ہیں۔ اس میں زیادہ سنگین صورتحال ہے کہ اس میں آپ اوپن ہوں گی وہاں آپ ٹرک پر تھیں۔ آپ جلسہ ملتوی کردیں۔ اس سے پہلے کہ بینظیر بھٹو کوئی بات کرتیں رحمان ملک مخل ہوئے اور انہوں نے کہا کہ بینظیر بھٹو اتنی بزدل نہیں ہیں کہ وہ آپ کے کہنے پر جلسہ گاہ نہ جائیں۔ یہاں رحمان ملک کی مداخلت معنی خیز تھی۔ صبح بی بی جلسہ میں وقت پر پہنچیں۔ انہوں نے خطاب کیا۔ خالد شاہ کے اشارے بھی سب نے دیکھے۔ لوگوں نے اس کے مختلف مطلب نکالے۔ ڈاکٹر مصدق اس ٹیم میں شامل تھے جنہوں نے پوسٹ مارٹم کیا۔ اس بات کی تصدیق کی بی بی نے بلٹ پروف جیکٹ نہیں پہنی ہوئی تھی۔ بی بی خطاب کرکے نیچے اتریں اور اپنی گاڑی کی طرف بڑھ رہی تھیں ایک پیچھے گاڑی تھی بلیک کلرکی جس میں انہوں نے کسی خطرے کی صورت میں ریسکیو کا کام کرنا تھا۔ اللہ نہ کرے کوئی حادثہ ہوجاتا ہے تو انہیں محفوظ مقام پر پہنچانا ان گاڑیوں کا کام تھا۔ جس میں رحمن ملک اور دوسرے لوگ موجود تھے۔ اسی دوران بڑی تیزی کے ساتھ رحمان ملک وہاں آئے اور ڈرائیور کو کہا گاڑی میں بیٹھو خود بھی گاڑی میں بیٹھے اور بابر اعوان بھی جو لوگ بھی ان کو بٹھایا ان کو کہا جلدی نکلو ان سے یہ بی بی کی گاڑی سے آگے نکل کے دو فرلانگ آگے چلے گئے۔ انہوں نے محسوس کیا بی بی نے سن رﺅف کا شیشہ کھولنے کو کہا لوگوں نے منع کیا کہ باہر نہ نکلیں وہ باہر آئیں ایک دہشت گرد نے 3 فائر کئے اور ان کی گاڑی ختم ہوگئی۔وہ کہتے ہیں کہ پوسٹ مارٹم اس لئے ڈکلیئر نہیں کیا کہ آصف زرداری صاحب نے کہا کہ ہم نے پوسٹ مارٹم نہیں کرانا۔ حالانکہ اتنے ہائی پروفائل کیس میں یہ کبھی نہیں ہوا کہ جن کی تحقیقات ہوتی ہے۔ باہرکی ایجنسیوں نے آنا۔ لوکل ایجنسیوں نے کام کرنا ہے لگتا ہے کہ یہ بیان غالباً درست نہ تھا۔ دوسرا جائے حادثہ کو دھونا‘ ایک ایس پی نے اپنی نگرانی میں کرائم سین دھلوایا۔ میجر شفقت نے مفصل رپورٹ لکھی لیکن اس کی تصدیق کو انکوائری سے الگ کردیا۔ یہ غلطی بھی درست نہ تھی کہ ان کی موت گاڑی کے لیور سے سر ٹکرانے کی وجہ سے ہوئی۔ اس بات کی تصدیق نہ ہوسکی کہ محترمہ لیور لگنے سے شہید ہوئیں یا گولی سے شہید ہوئیں۔

پاکستان نے  سعودی عرب پر میزائل حملے کی شدید مذمت کی ہے۔

ترجمان دفتر خارجہ عاصم افتخار احمد نے کہا ہے کہ پاکستان سعودی عرب پر حوثی میزائل حملوں کی شدید مذمت کرتا ہے۔

ترجمان دفترخارجہ نے کہا کہ حملے سعودی عرب کے جازان گورنیٹ کے علاقے میں کیے گئے۔

عاصم افتخار احمد کا کہنا تھا کہ ان حملوں میں متعدد افراد ہلاک اور زخمی ہونے جب کہ شہری انفراسٹرکچر کی تباہی ہوئی۔

انہوں نے کہا کہ ایسے حملے نہ صرف بین الااقوامی قوانین کے منافی بلکہ سعودی عرب کے امن و استحکام کے لیے خطرہ ہیں۔

ترجمان دفتر خارجہ نے کہا کہ پاکستان ایسے حملوں کو فوری بند کرنے کا مطالبہ کرتا ہے۔

انکا کہنا تھا کہ پاکستان سعودی عرب کی علاقائی سالمیت اور سلامتی کے لیے خطرات کے خلاف بھرپور اظہار یکجہتی کرتا ہے۔

یاد رہے یمن میں حوثی باغیوں کی جانب سے سعودی عرب پر میزائل حملہ کیا گیا ہے جس میں 2 افراد جاں بحق جبکہ سات زخمی ہوگئے ہیں۔

یمن میں حوثی باغیوں کی جانب سے سعودی عرب کے شہر جازان پر میزائل حملہ کیا گیا جس کے نتیجے میں 2 افراد جاں بحق اور 7 زخمی ہوگئے جبکہ جاں بحق افراد میں ایک سعودی اور ایک یمنی شہری شامل ہے۔

رپورٹس کے مطابق میزائل آبادی پر گرنے کی وجہ سے گاڑیوں اور دوکانوں کو بھی شدید نقصان پہنچا ہے۔

واضح رہے کہ گزشتہ دنوں عرب عسکری اتحاد برائے یمن حوثیوں کے ٹھکانے پر 36 حملے کیے تھے جس میں 310 سے زائد حوثی باغیوں کو ہلاک اور 28 عسکری گاڑیاں تباہ کرنے کا دعوی کیا گیا تھا۔

شمالی وزیرستان ضلع کے علاقے شیوا میں دہشت گردوں کی جانب سے فوجی چیک پوسٹ پر فائرنگ کی گئی جس کے نتیجے میں 1 سپاہی شہید ہو گیا ہے۔

پاک فوج کے شعبہ تعلقات عامہ ( آئی ایس پی آر ) کے مطابق چیک پوسٹ پر موجود جوانوں نے دہشت گردوں کے حملے کا موثر جواب دیا ، فائرنگ کے شدید تبادلے میں نائیک نور مرجان نے جام شہادت نوش کیا۔

آئی ایس پی آر کا کہنا ہے کہ 32 سالہ نائیک نور مرجان شہید کا تعلق ضلع کرم سے ہے۔

پاک فوج کے ترجمان کا کہنا ہے کہ علاقے میں موجود دہشت گردوں کے خلاف سرچ آپریشن جاری ہے۔

وزیراعلی پنجاب سردار عثمان بزدار نے پاکستانی نژ ادامریکی خاتون کے قاتلوں کو ٹریس کرنے پر پولیس کو شاباش دی ہے۔
وزیراعلی کا کہنا تھا کہ تفتیشی ٹیم نے کیس کو پیشہ ورانہ اندازمیں حل کیا۔ پولیس ٹیم کاہائی پروفائل کیس کاسراغ لگانا قابل تعریف ہے۔ متعلقہ پولیس افسران،اہلکاروں نےکیس کومنطقی انجام تک پہنچایا۔ ملزمان کوقانون کی گرفت میں لاکرقانون کی عملداری کویقینی بنایاگیا۔
واضح رہے کہ پنجاب پولیس نے مورگاہ کے علاقہ سے اغواء ہونے والی پاکستانی نژاد امریکی خاتون وجہیہ سواتی کے اغواء کیس کا معمہ حل آج (ہفتے کو)حل کیا۔ مقتولہ کا سابقہ شوہر ہی قاتل نکلا، ملزم رضوان حبیب نے دوران تفتیش قتل کا اعتراف کیا۔ ملزم کے انکشاف پر مقتولہ کی نعش لکی مروت کے علاقہ پیزو سے برآمد کرلی گئی۔ سٹی پولیس آفیسر ڈی آئی جی ساجد کیانی نے پولیس لائنز ہیڈکوارٹرز میں وجیہہ سواتی کے اغواء کیس میں میڈیا سے گفتگو کرتے ہوئے بتایاکہ مورگاہ کے علاقہ سے 16 اکتوبر کو اغواء ہونے والی پاکستانی نژاد امریکی خاتون وجہیہ سواتی کے اغواء کا مقدمہ مقتولہ کے بیٹے کی مدعیت میں درج کیا گیا تھا جس کے بعد پولیس نے مغویہ کی رہائی کیلئے کاوشوں کا آغاز کردیا اور تمام ذرائع کو استعمال کرتے ہوئے کیس کی تفتیش کو آگے بڑھایا گیا، مورگاہ پولیس نے جدید ٹیکنالوجی اور ہیومن انٹیلی جینس کی مدد سے کئی شہروں میں تفتیش کی اور مقتولہ کے سابقہ شوہر رضوان حبیب کو گرفتار کیا، تفتیش کے دوران ملزم رضوان حبیب نے اعتراف کیا کہ وجہیہ سواتی کو راولپنڈی میں قتل کیا اور مقتولہ کی نعش کو لکی مروت کے علاقہ پیزو میں دفن کیا، ملزم کے انکشاف پر مقتولہ کی نعش کو مورگاہ پولیس نے لکی مروت کے علاقہ پیزو سے برآمد کر لیا ہے۔

مسلم لیگ ن کے سینئر رہنما اور سابق وفاقی وزیر داخلہ احسن اقبال نے کہا کہ سابق وزیراعظم نواز شریف کی واپسی کی خبریں آ رہی ہیں تو حکومت کی نیندیں اڑی ہوئی ہیں۔
تقریب سے خطاب میں مسلم لیگ ن کے سینئیر رہنما نے کہا کہ پاکستان بڑے بحرانوں میں گھرا ہوا ہے اور اگر تحریک پاکستان کی بنیاد ذاتی مفاد پر ہوتی تو پاکستان نہ بنتا لیکن ہزاروں کارکنوں نے لالچ سے پاک ہو کر پاکستان کے لیے قربانی دی۔
انہوں نے ملک کی سیاسی صورتحال پر بات کرتے ہوئے کہا کہ حزب اختلاف کے حکومت کے ساتھ مذاکرات جاری ہیں اور الیکشن کمیشن بلدیاتی و عام انتخابات میں اہم کردار ادا کرے گا۔ حکومت مذاکرات جلد مکمل کرے تاکہ اتفاق رائے سے تعیناتیاں ہوں اور حزب اختلاف کسی قسم کا ڈیڈلاک پیدا نہیں کرے گی۔ شہباز شریف سے وزیر اعظم کی بات نہ ہونے کے باعث عہدے خالی ہیں۔
ان کا کہنا تھا کہ خیبر پختونخوا اور پنجاب کے الیکشن کمیشن کے عہدے خالی ہیں اور آنے والے دنوں میں حکومت کے اتحادی بھی چھوڑ کر جا رہے ہیں۔
احسن اقبال نے کہا کہ محفوظ و خوشحال ملک بنانا چاہتے ہیں تو لیگی کارکنوں کو جدوجہد کو اپنانا ہو گا اور تصویروں کی سیاست سے پاکستان نہیں بن سکتا بلکہ ڈسپلن سے بنے گا۔ اس لیے ن لیگی کارکن ڈسپلن توڑنے کی روش ترک کریں۔
نواز شریف کی وطن واپسی سے متعلق بات کرتے ہوئے احسن اقبال نے کہا کہ جب نواز شریف کو معالجین کہیں تو وہ ایک دن ضائع کیے بغیر وطن واپس آئیں گے اور اب جب نواز شریف کی واپسی کی خبریں آ رہی ہیں تو حکومت کی نیندیں اڑی ہوئی ہیں۔
انہوں نے مزید کہا کہ ملک معاشی طور پر تباہ ہوا ہے اور اگر نئے ٹیکس لگ گئے تو عوام زندہ درگور ہو جائیں گے۔ ملک کو بچانا ہے تو نالائق و ناکام حکومت کو گھر بھیجنا ہو گا۔