لالہ موسیٰ (سٹی ر پورٹر خبریں) کھاریاںمیں خون کی ہولی چار افراد گھر کے اندر قتل بچہ معجزانہ طور پر بچ گیا تفصیل کے مطابق کھاریا ں ڈنگہ روڈ پلازے میں چار افراد قتل دو مرد اور دو خواتین شامل ہے جب کہ ایک بچہ معجزانہ طور پر بچ گیا قتل ہونیوالوں میں اسرامرتضی اور ربیہ اسرا، زینب بی بی نعمان شامل تھے بچ جانے والے بچے نے کھڑکی میں آکر آوازیں دیں تو پڑوسیوں کو علم ہوا تو انہوں پولیس کو اطلاع دی کہ فلیٹ کے اندر بچہ رو رہا ہے جب پولیس نے گرل کاٹ کر دیکھا تو اندر دو خواتین اور دو مرد وں کی لاشیں پڑی تھیں۔ڈی پی او عمر سلامت اور ڈی ایس پی کھاریاں افتخار تارڈ موقع پر پہنچ گیا۔۔۔

پاکستان میں جب بھی انتخابات ہوئے ہیں ہارنے والا دھاندلی کا الزام لگاتا ہے۔ اب جبکہ این اے 133 کا ضمنی الیکشن ہونے جارہا ہے تو الیکشن سے چند روز قبل سوشل میڈیا پر ایک ویڈیو وائرل ہوئی جس میں حلقہ کے لوگوں کو ووٹ خریدنے کے 2,2 ہزار روپے دیئے جارہے ہیں۔ پی ٹی آئی کے امیدوار جمشید اقبال چیمہ تو کاغذات نامزدگی میں غلطی کے زمرے میں الیکشن سے فی الحال آﺅٹ ہیں اور ن لیگ اور پیپلز پارٹی کے امیدوار میدان میں ہیں۔ دونوں پارٹیاں ایک دوسرے پر ووٹ خریدنے کا الزام لگا رہے ہیں۔ یہ بات کس حد تک درست ہے۔ یہ تو شاید یہ ثابت نہ ہوسکے مگر ن لیگ کی جو ویڈیو سامنے آئی ہے۔ اس میں ایک مبینہ طور پر ایک انتخابی کیمپ میں کچھ لوگ ماسک پہنے خواتین وحضرات کو پیسے دے رہے ہیں باقاعدہ میز پر نوٹوں کی گٹھیاں بھی پڑی ہیں۔ سوال یہ ہے کہ کیا اس ضمن الیکشن میں ووٹ کو اس طرح عز ت دی گئی ہے۔ دوسری طرف پیپلز پارٹی ہی اس کوشش میں ہے ان کا امیدوار زیادہ سے زیادہ ووٹ لے جائے تاکہ یہ تاثر دیا جاسکے کہ پیپلز پارٹی پھر سے پنجاب میں اپنی ساکھ بحال کر رہی ہے۔ سوال یہ ہے کہ ہم دھاندلی کا رونا تو روتے ہیں مگر زمینی حقائق یہ ہیں ووٹ خریدنے سے باز نہیں آئے۔ پیپلز پارٹی اور ن لیگ کی سامنے آنے والی ویڈیو الیکشن کمیشن کا امتحان ہے۔

اسلام آباد(نامہ نگار خصوصی) وزیراعظم عمران خان نے سیالکوٹ واقعے پر سری لنکا کے صدر گوٹابایا راجاپاکسے سے رابطہ کیاہے۔سماجی رابطوں کی ویب سائٹ پر جاری بیان میں وزیراعظم عمران خان نے بتایا کہ انہوں نے سری لنکن صدر گوٹابایا راجا پاکسے سے بات کی اور بتایا کہ سیالکوٹ میں پریانتھا دیاودانا کے قتل پر پاکستانی قوم کو بھی غصہ ہے اور قوم سری لنکا سے شرمندہ ہے۔وزیراعظم کے مطابق انہوں نے سری لنکن صدر کو بتایا کہ اب تک 100سے زائد ملزم گرفتار ہوچکے ہیں۔عمران خان کے مطابق انہوں نے سری لنکن صدر کو یقین دلایا کہ مجرموں کو قانون کے مطابق سخت ترین سزا دی جائے گی۔ سری لنکن وزیر اعظم مہندا راجاپاکسے نے کہا ہے کہ انہیں اورسری لنکن عوام کو وزیر اعظم عمران خان پر اعتماد ہے وہ سیالکوٹ واقعہ میں ملوث افراد کو انصاف کے کٹہرے میں کھڑا کریں گے۔ہفتہ کے روز ٹوئٹر پر جاری اپنے پیغام میں سری لنکن وزیر اعظم مہندا راجا پاکسے نے کہاکہ پاکستان میں سری لنکن منیجر کا شدت پسند ہجوم کے ہاتھوںمہلک اور پر تشدد حملے میں مارا جانا تکلیف دہ عمل ہے، جسے دیکھ کر وہ ابھی تک صدمے میں ہیں۔ ا نہوں نے کہاکہ سری لنکن حکومت مقتول کی اہلیہ اور ان کے اہلخانہ کے دکھ میں برابر کے شریک ہیں۔ سری لنکن وزیر اعظم کا کہنا تھا کہ وہ اور سری لنکن عوام پر امید ہیں کہ وزیر اعظم عمران خان واقعہ میں ملوث تمام ذمہ داران کو انصاف کے کٹہرے میں لانے کے حوالہ سے وعدہ پورا کریں گے۔

اسلام آباد(ویب ڈیسک) پاکستان کو سعودی عرب سے 3ارب ڈالرموصول ہوگئے ،سعودی عرب سے 3 ارب ڈالر موصول ہونے کے بعدزرمبادلہ کے ذخائر میں اضافہ ہوگیا، مشیر خزانہ شوکت ترین نے سعودی قیادت سے اظہار تشکر کیا۔تفصیلات کے مطابق پاکستان کو سعودی عرب کی جانب سے3ارب ڈالرموصول ہوگئے،ذرائع کا کہنا ہے کہ سعودی ڈویلپمنٹ فنڈ کے اسٹیٹ بینک ذخائر میں 3ارب ڈالر کے ڈیپازٹس جمع کرائے گئے۔سعودی عرب نے پاکستان کو تیل ادھار دینے کا بھی اعلان کررکھاہے ، سعودی عرب ایک ارب 20 کروڑ ڈالر کاتیل ایک سال کی ادائیگی پر دے گا۔ذرائع کا کہنا تھا کہ سعودی عرب کاپیکیج معیشت کی بہتری اور روپے کے استحکام میں معاون ہوگا۔دوسری جانب مشیر خزانہ شوکت ترین نے سماجی رابطے کی ویب سائٹ ٹوئٹر پر تصدیق کی کہ سعودی عرب کی جانب سے3ارب ڈالر کے ڈیپازٹس اسٹیٹ بینک کوموصول ہوگئے ہیں ، ڈپازٹ کی رقم موصول ہونے پر سعودی مملکت اورولی عہدمحمدبن سلمان کے شکرگزارہیں۔یاد رہے اسٹیٹ بینک آف پاکستان اور سعودی فنڈ فار ڈیولپمنٹ کی جانب سے مشترکہ اعلامیہ جاری کیا گیا تھا ، جس میں کہا تھا کہ سعودی فنڈفارڈیولپمنٹ اور اسٹیٹ بینک میں ڈپازٹ معاہدے پر دستخط ہوگئے ، دستخط سعودی فنڈچیف ایگزیکٹوآفیسرہزایکسی لینسی سلطان بن عبدالرحمن المرشد نے کئے۔گورنر اسٹیٹ بینک رضا باقر نے بینک دولت پاکستان کراچی میں دستخط کئے تھے ، معاہدے کے تحت سعودی فنڈاسٹیٹ بینک کے پاس 3ارب ڈالر رکھوائے گا اور ڈپازٹ رقم اسٹیٹ بینک زرمبادلہ ذخائر کا حصہ بنے گی۔

لاہور (ویب ڈیسک) عدلیہ کا کوئی ذہن نہیں ہے بلکہ ہر جج قانون کے مطابق اپنا فیصلہ دیتا ہےچیف جسٹس آف پاکستان جسٹس گلزار احمد نے کہا ہے کہ عدلیہ کا کوئی ذہن نہیں ہے بلکہ ہر جج قانون کے مطابق اپنا فیصلہ دیتا ہے۔عدالتیں آزاد ہیں اور آزاد رہیں گی۔ہفتے کولاہور میں چیف جسٹس پاکستان جسٹس گلزار احمد نے پنجاب بار کونسل کی تقریب سے خطاب کیا۔ انھوں نے کہا کہ وکلا کا کام ججوں کی معاونت کرنا ہے اگر وکلا ججوں کی معاونت کی بجائے جج کے ساتھ بدتمیزی کریں تو یہ وکالت کے شعبہ کے خلاف ہے۔ وکلا کو معلوم ہونا چاہیے کہ عدالت میں کس طرح سے پیش آنا ہے اور بار کونسل کو چاہیے کہ نئے آنے والے وکلا کو قوانین کا اردو میں ترجمہ کروا کردیں۔چیف جسٹس نے کہا کہ نئے آنے والے وکلا کو علم ہونا چاہئے کہ انھیں کس کے ساتھ کیسے پیش آنا ہے۔ بار کونسل کی کمیٹی ہونی چاہیے جو وکیل کا لائسنس ملنے کے وقت اس وکیل سے سوالات پوچھے اور اس کا وژن جانے۔اگر کسی نئے وکیل کو علم نہ ہو تو بار کونسل کمیٹی فوری اس کو گائیڈ لائن فراہم کرے۔قانون سازی سے متعلق چیف جسٹس نے کہا کہ عدلیہ کا کوئی ذہن نہیں ہے بلکہ ہر جج قانون کے مطابق اپنا فیصلہ دیتا ہے۔عدالتیں آزاد ہیں اور آزاد رہیں گی۔عدلیہ کا سب سے بڑا مسئلہ زیرِالتوا کیسز کا ہے۔ کرونا کے باعث عدالتیں میں کام کا بوجھ مزید بڑھا تاہم اب پاکستان میں کرونا کے حالات بہتر ہیں لیکن آنے والے دنوں کا علم نہیں کہ کیا ہوگا۔چیف جسٹس پاکستان نے مزید کہا کہ ملک میں ماتحت عدالتوں کا بہت برا حال ہے اور حکومت کو اس جانب توجہ دینے کی ضرورت ہے۔ متعلقہ چیف جسٹس صاحبان اس حوالے سے اقدامات کریں کیوں کہ ہر شہری کے بنیادی حقوق کو تحفظ ملنا چاہیے اوراس میں کوئی دوسری رائے نہیں ہے۔ چیف جسٹس پاکستان جسٹس گلزار احمد نے کہا ہے کہ وکلا اور ججوں کے درمیان جھگڑوں کا کوئی جواز نہیں۔ وکلا برادری کا کام ججز اور عدالت کی معاونت کرنا ہے، لیکن وہ اپنا کام کرنے کی بجائے جج سے بدتمیزی کرتے ہیں، یہ وکیل کے کام کے خلاف ہے کہ وہ جج سے بدتمیزی کریں، نازیبا زبان، اور ان پر تشدد کریں، وکلااورججوں کے درمیان جھگڑوں کا کوئی جوازنہیں، ہمارے وکیل صاحبان نے شاید دیکھنا پڑھنا چھوڑ دیا ہے۔چیف جسٹس نے کہا کہ بار کونسل جب وکیل کو انرول کرے تو اسے باقاعدہ کوڈ آف کنڈکٹ پڑھانا چاہیے، وکلا اور عدالت کا چولی دامن کا ساتھ ہے جو کبھی ایک دوسرے سے الگ نہیں ہو سکتے، وکلا نے عدالت کی حفاظت کا کام کرنا ہوتا ہے، جج کے فیصلے کے خلاف اپیل کی جا سکتی ہے ، فیصلے پر تبصرہ ہو سکتا ہے لیکن اس پر جھگڑا نہیں کر سکتے، وکیل اور جج کے درمیان ٹینشن نہیں سمجھ آتی کیسے ہوتی ہے ، یہ نہیں ہونی چاہیے۔چیف جسٹس نے کہا کہ عدلیہ کا کوئی رجحان نہیں ہوتا ،ایسا نہیں کہ سردی آئی تو ججز سردی والے فیصلے دے دیں، عدالتیں آزاد ہیں آزاد رہیں گی اور آزادی سے فیصلے دیں گی، اپنے ججز کو دیکھتا ہوں وہ بھی یہی کر رہے ہیں، میری دعا ہے سب ادارے ایسے ہی اچھی طرح چلتے رہیں۔ اللہ کرے کورونا سے جان چھوٹ جائے ،وبا کی وجہ سے مقدمات میں التوا بڑھا ہے ، اور بھی وجوہات ہیں جن کا ذکر کرنا مناسب نہیں ہے، ہماری خواہش ہے کہ التوا ختم ہو کیونکہ اس کا نقصان سائل کا ہوتا ہے۔چیف جسٹس کا کہنا تھا کہ ججز کی تعیناتی کے بارے میں آئین میں لکھا ہوا ہے، وہ دور بھی دیکھا ہے جب چیف جسٹس اپنے چیمبر میں بلا کر بتا دیتے تھے کہ اس اس کو جج بنانا ہے، مگر اب جوڈیشل کمیشن میں ہر ممبر کو اپنی رائے دینے کا حق ہے۔جسٹس گلزار احمد نے کہا کہ قانون کی حکمرانی اور بنیادی حقوق کا تحفظ ہمارا کام ہے اسے ہم چھوڑ نہیں سکتے، اگر ہم اسے چھوڑ دیتے ہیں تو ہم حلف کی خلاف ورزی کریں گے، ہر شخص کے بنیادی حقوق ہر صورت ملنے چاہئیں۔