مسلم لیگ (ن) کے صدر شہبازشریف نے دعویٰ کیا ہے کہ الیکشن کمیشن کی تحقیقاتی کمیٹی نے کہا عمران نیازی صادق و امین نہیں ہیں۔ 

قومی اسمبلی میں قائد حزب  اختلاف شہبازشریف نے دعویٰ کیا ہے کہ الیکشن کمیشن کی تحقیقاتی کمیٹی نے کہا کہ عمران نیازی صادق ہیں نہ امین۔

شہبازشریف نے مطالبہ کیا کہ الزامات ثابت ہونے پروزیراعظم استعفی دیں۔

انہوں نے سوال کیا کہ نوازشریف جیسے مقبول عوامی وزیراعظم پر قانون لاگو ہوسکتا ہے تو عمران نیازی پر کیوں نہیں؟

شہباز شریف نے کہا کہ اسکروٹنی کمیٹی کی رپورٹ کے صفحہ 92 پر لکھا ہے کہ 2009 سے 2013 تک پی ٹی آئی نے 53 بینک اکاﺅنٹس چھپائے۔

ان ک کہنا تھا کہ نوازشریف کے خلاف پانامہ کی جے آئی ٹی بن سکتی ہے، سپریم کورٹ کے فاضل جج نگران ہو سکتے ہیں توعمران خان کے لئے ایسا کیوں نہیں ؟

شہبازشریف نے مطالبہ کیا عمران خان کے خلاف روزانہ بنیادوں پر سماعت کی جائے۔

ان کا دعوی تھا کہ ملک میں اس وقت کوئی وزیراعظم نہیں، ملک آئینی وقانونی خلا میں چل رہا ہے۔

یادر رہے اسکروٹنی کمیٹی کی رپورٹ میں پاکستان تحریک انصاف (پی ٹی آئی) کے خلاف اہم انکشافات سامنے آئے تھے۔

رپورٹ کے مطابق پی ٹی آئی نے الیکشن کمیشن کے سامنے 77 میں سے صرف 12 بینک اکاونٹس ظاہر کیے، جبکہ 53 بینک اکاونٹس اور 31 کروڑ روپے کی رقم چھپائی۔

رپورٹ میں انکشاف ہوا کہ پی ٹی آئی نے الیکشن کمیشن کے سامنے 53 پارٹی بینک اکاونٹس چھپائے جب کہ اسٹیٹ بینک نے انکشاف کیا کہ ریکارڈ کے مطابق پی ٹی آئی کے 65 بینک اکاونٹس ہیں۔

اسکروٹنی کمیٹی رپورٹ کے مطابق پی ٹی آئی کی جانب سے 2008 اور 2009 کے دو بینک اکاونٹس کے حوالے سے کچھ نہیں گیا۔

رپورٹ میں کہا گیا ہے کہ پی ٹی آئی نے نیوزی لینڈ اور کینیڈا کے اکاونٹس تک رسائی نہیں دی، غیر ظاہر شدہ فنڈز کے بارے میں اسٹیٹ بینک کی رپورٹ میں انکشاف ہوا۔

اسکروٹنی کمیٹی کے مطابق پی ٹی آئی کی جانب سے الیکشن کمیشن میں عطیات سے متعلق لغو معلومات فراہم کی گئیں۔

پی ٹی آئی نے 2008 سے 2013 تک 1 ارب 33 کروڑ 22 لاکھ کے فنڈز ظاہر کیے۔

رپورٹ میں مزید بتایا گیا کہ تحریک انصاف نے سال 09-2008 اور 13-2012 میں الیکشن کمیشن کے سامنے 1 ارب 33 کروڑ روپے کے عطیات ظاہر کیے۔

رپورٹ کے مطابق اسٹیٹ بینک کے بینک اسٹیٹمنٹ سے انکشاف ہوا کہ پی ٹی آئی کو 1 ارب 64 کروڑ روپے کے عطیات موصول ہوئے اور پی ٹی آئی نے 31 کروڑ روپے سے زائد رقم الیکشن کمیشن میں ظاہر نہیں کی۔

اسکروٹنی کمیٹی نے اپنی رپورٹ میں یہ بھی بتایا کہ سال 13-2012 کی آڈٹ رپورٹ پر کوئی تاریخ درج نہیں، آڈٹ فرم کی فراہم کردہ کیش رسیدیں بینک اکاونٹس سے مطابقت نہیں رکھتیں، آڈٹ رپورٹ پر تاریخ نہ ہونا اکاونٹنگ معیار کے خلاف ہے۔

خیال رہے کہ تحریک انصاف کے خلاف اسکروٹنی کمیٹی کی رپورٹ کے اہم نکات میں اسٹیٹ بینک کی جانب سے پی ٹی آئی کے بینک اکاؤنٹس، پاکستان میں ڈالر آپریٹڈ اکاؤنٹس کی تفصیلات بھی شامل ہے۔

اسکروٹنی کمیٹی کی رپورٹ میں ممنوعہ فنڈنگ سے متعلق بھارتی، فرانسیسی اور آسٹریلوی قوانین کا حوالہ بھی دیا گیا ہے۔

تفصیلات کے مطابق لاہور میں ایف بی آر کے ڈپٹی کمشنر پر فائرنگ کرنے والے شوٹرز اور سہولت کار گرفتار کرلیے گئے۔ترجمان پنجاب پولیس کا کہنا ہے کہ  شوٹرز نے ڈپٹی کمشنر سلمان بٹ پر فائرنگ چند روز قبل فائرنگ کی تھی.  شوٹرز اور سہولت کار کی شناخت سیف سٹیز اتھارٹی کے کیمروں سے کی گئی۔ شوٹرز اعجاز اور موسیٰ مسیح اور ان کو ہائر کرنے والے رانا تفسیر سے تفتیش جاری ہے۔

ترجمان پنجاب پولیس کا کہنا ہے کہ  واقعے کے مرکزی ملزم عثمان جاوید کی گرفتاری کیلئے چھاپے مارے جا رہے ہیں۔ وزیر اعلیٰ پنجاب اور آئی جی پنجاب نے فائرنگ کے واقعے کا نوٹس اور ملزمان کی گرفتاری کا حکم دیا تھا۔

ترجمان پنجاب پولیس نے مزید کہا کہ  سی سی پی او لاہور اور ڈی آئی جی انوسٹی گیشن کیس کی خود نگرانی کر رہے تھے۔ ملزموں کی شناخت اور گرفتاری میں پولیس.سیف سٹیز اتھارٹی اور تمام متعلقہ اداروں نے جوائنٹ آپریشن کیا۔

تفصیلات کے مطابق  18ارب کا فراڈ،ایف آئی اے نےکرپٹو ایکسچینج بائینانس سے وضاحت طلب کرلی ہے،  پاکستان میں کمپنی کے جنرل منیجر کو نوٹس جاری کردیا گیا ہے۔

ایف آئی اے کا کہنا ے کہ  ممکنہ طور پر کرپٹو کرنسی سے ٹیرر فنانسنگ اور منی لانڈرنگ بھی ہو رہی تھی، اربوں روپے کا فراڈ آن لائن ایپلی کیشنز کے ذریعے کیاگیا، آن لائن ایپلی کیشنزکرپٹو کرنسی کی عالمی ایکسچینج بائینانس سے جڑی تھیں۔

ڈائریکٹر ایف آئی اے کا کہنا ہے کہ   ان اسکیموں میں کلائنٹس کو زیادہ منافع کی لالچ دی جاتی ہے،  کمپنیز اس وقت غائب ہوجاتی ہیں جب اربوں روپے کاسرمایہ اکٹھا ہوجاتا ہے۔

ایف آئی اے کے مطابق پاکستان میں 11 موبائل فون ایپلیکشنز بائینانس سے رجسٹرڈ تھیں جن کے ذریعے فراڈ ہوا۔۔یہ ایپلیکیشنز دسمبر میں اچانک بند ہو گئیں، جن پر ہزاروں پاکستانی رجسٹرڈ تھے، جنہوں نے ان ایپلی کیشنز پر اربوں روپے لگا رکھے تھے۔

ایف آئی کا کہنا ہے کہ ایپلی کیشنز کے ذریعے ابتداء میں ورچوئل کرنسیز میں کاروبار کی سہولت دی جاتی تھی، بٹ کوائن، ایتھرام، ڈوج کوائن وغیرہ میں سرمایہ کاری بائینانس کے ذریعے ظاہر کی جاتی تھی، ، ایک ایپلی کیشن پر 5 سے 30 ہزار کسٹمر اور سرمایہ کاری 100 سے 80 ہزار ڈالر تھی، ایپلی کیشنز کے ذریعے عوام کو مزید افراد کو لانے پر بھاری منافع کا لالچ دیا جاتا تھا۔

ایف آئی اے پاکستان سے بائنانس کے ذریعے ہونے والی ٹرانزیکشن کی چھان بین کر رہی ہے، بائنانس ٹیرر فائنانسنگ اور منی لانڈرنگ کے لیے آسان راستہ ہے۔

ڈی جی ایف آئی اے عمران ریاض کا کہنا ہے کہ  بائینانس کے فراڈ کی بات نہیں،ایپلی کیشنز کے ذریعے فراڈ کیا جا رہا تھا،  لوگوں کو ایپلی کیشنز  پر اکاؤنٹ بنانے کا کہا جاتا تھا، ایپلی کیشن کے ذریعے پیسے منتقل کروائے جاتے تھے، کسٹمرزکے پیسے کےساتھ   جوا کھیلا جاتا تھا اور فراڈ کیا جاتا تھا۔

 ڈی جی ایف آئی اے نے کہا ہے کہ  بلاک چین اکاؤنٹ کی نشاندہی کی گئی جہاں فراڈ کیا گیا،درخواست کی ہے کہ بلاک چین اکاؤنٹ کو سیل کیا جائے، بائینانس کو کہا ہے  بتایا جائے کہ اکاؤنٹ کہاں رجسٹرڈ تھے،  ہم نےکبھی نہیں کہا کہ  بائینانس  نے فراڈ کیا ہے،  کرپٹو کا لین دین لوگ اپنے زور بازو پر کر رہے ہیں، ابھی تک کرپٹو کرنسی اسٹیٹ بینک کے تحت ریگولیٹ نہیں،   کرپٹو کرنسی میں سرمایہ کاری کے لیے اسٹیٹ بینک سے ریگولیٹ ہونا ضروری ہے،  جب تک بائینانس سے جواب نہیں آتا مزید اس پر بات نہیں کر سکتے۔

قازقستان کے  صدر نے فوج کو بغیر خبردار کیے مظاہرین پر گولی چلانے کی اجازت دے دی۔

غیر ملکی خبر رساں ادارے کے مطابق  قازقستان  میں ایندھن کی قیمتوں کے خلاف ہونے والے حالیہ مظاہروں میں ہلاک ہونے والوں کی مجموعی تعداد 46 ہوگئی ہے۔

قازقستان  کے شہر  الماتی میں ایمرجنسی کے نفاذ اور رات کے کرفیو کے باوجود تاحال حالات کشیدہ ہیں۔ ان شہروں میں صدر قاسم جومارت توقایف نے فوج کو مظاہرین پر وارننگ دیئے بغیر گولی چلانے کا حکم  دے دیا ہے ۔

ازق صدر  نے مظاہرین کو  دہشت گرد قرار دیتے ہوئے  ان سے نمٹنے کے لیے گولی مارنے کے احکامات دیے ہیں اور خبردار کیا ہے کہ جو لوگ خود کو قانون کے حوالے نہیں کریں گے انہیں ختم کردیا جائےگا۔

ایندھن کی قیمتوں  میں اضافے کے نتیجے میں شروع ہونے والے احتجاج کے ایک ہفتے بعد قازق صدر نے قوم سے خطاب میں کہا کہ  20 ہزار لوگوں نے  سب سے بڑے شہر الماتی پر حملہ کر دیا تھا اور سرکاری املاک کو تباہ کر رہے تھے۔

قازق صدر نے کہا کہ  انسداد دہشت گردی آپریشن کے طور پر  انہوں نے قانون نافذ کرنے والے اداروں اور فوج کو  مظاہرین  کو انتباہ  کے بغیر گولی مارنے کا حکم دیا ہے۔

انہوں نے مظاہرین کے ساتھ مذاکرات  کے امکان کو یکسر مسترد کرتے ہوئے  کہا کہ ہم مجرموں اور قاتلوں سے کیسے بات چیت کر سکتے ہیں۔

قازق صدر نے روسی صدر ولادیمیر پیوٹن سمیت چین، ازبکستان اور ترکی کے رہنماؤں  کا مدد کرنے پر شکریہ  بھی ادا کیا۔

واضح رہے کہ  قازقستان میں ایندھن  کی قیمتیں بڑھنے کے بعد شروع ہونے والے پرتشدد احتجاج  کی لہر میں اب تک پولیس اہل کاروں  اور درجنوں مظاہرین کی ہلاکتوں کی اطلاعات ہیں، جبکہ 353 زخمی  ہوچکے ہیں۔

موجودہ صدر قاسم جومارت توقایف نے حکومت کو برطرف کر کے ملک بھر میں دو ہفتے کی ایمرجنسی کا اعلان کرتے ہوئے  سابق سوویت ریاستوں کے روسی سربراہی میں قائم فوجی اتحاد کے دستوں سے امن قائم کرنے میں مدد طلب کی تھی۔