کوئٹہ(ویب ڈیسک) بلوچستان میں نون لیگ کی اتحادی حکومت کے خلاف بغاوت ہوگئی ہے اور سابق ڈپٹی اسپیکر قدوس بزنجو کی جانب سے تحریک عدم اعتماد جمع کروادی گئی ہے جس پر 14 اراکین کے دستخط ہیں۔نجی ٹی وی کے مطابق بلوچستان میں حکومتی اختلافات شدت اختیار کر گئے ہیں اور14 باغی ارکان نے وزیراعلیٰ ثنا اللہ زہری کے خلاف تحریک عدم اعتماد اسمبلی سیکرٹریٹ میں جمع کرا دی۔سابق ڈپٹی اسپیکر قدوس بزنجو کی جانب سے درخواست جمع کرائی گئی۔ درخواست پر مسلم لیگ (ق) سمیت 14 اراکین اسمبلی کے دستخط موجود ہیں۔ سابق ڈپٹی اسپیکرعبدالقدوس بزنجو نے الزام لگایا کہ بلوچستان میں وسائل صحیح معنوں میں استعمال نہیں ہو رہے۔ انہوں نے کہا تحریک عدم اعتماد کے پیچھے کوئی قوت نہیں ہے۔خیال رے بلوچستان کے 65 رکنی ایوان میں مسلم لیگ( ق) کی 5، پشتونخواءمیپ کی 14، نیشنل پارٹی کی 10 اور مسلم لیگ(ن) کی 23 نشستیں ہیں۔ مسلم لیگ (ن)، پشتونخوائ‘ نیشنل پارٹی اور مسلم لیگ (ق) اتحادی ہیں۔ ایوان میں مجلس وحدت المسلمین کی ایک نشست ہے۔ جمعیت 8 نشستوں کے ساتھ اپوزیشن کی بڑی جماعت ہے، اپوزیشن میں بلوچستان نیشنل پارٹی کی 2، نیشنل پارٹی عوامی کی 1 اور اے این پی کی ایک نشست ہے۔