پیانگ یانگ (ویب ڈیسک) شمالی کوریا نے جاپان کے ساتھ مشترکہ فوجی مشقوں میں شریک ہونے والے امریکی بحری بیڑے کو سمندر میں ڈبونے کی دھمکی دے دی ہے۔غیرملکی خبررساں ادارے کے مطابق شمالی کوریا نے امریکا اور جاپان کی مشترکہ فوجی مشقوں پر شدید رد عمل کا اظہار کرتے ہوئے دھمکی دی ہے کہ شمالی کوریا امریکی بحری بیڑے کو سمندر میں غرق کرنے کےلئے پوری طرح سے تیار ہے۔شمالی کوریا کی حکمران جماعت ورکرز پارٹی کے رہنما روڈنگ کا کہنا ہے کہ ہم ایک ہی حملے میں امریکی طیارہ بردار بیڑے کو سمندر میں ڈبو سکتے ہیں اور امریکا کو اپنی فوجی طاقت دکھانے کےلئے تیار ہیں۔

پیانگ یانگ (ویب ڈیسک)مریکا اور جنوبی کوریا نے دعویٰ کیا ہے کہ شمالی کوریا کی جانب سے نئے بلیسٹک میزائل کا تجربہ بری طرح ناکام ہو گیا ہے۔ یہ نیا بلیسٹک میزائل لانچنگ کے صرف چند سیکنڈز بعد فضا میں تباہ ہو گیا۔ غیر ملکی خبر رساں ادارے کے مطابق شمالی کوریا کی جانب سے نئے بیلسٹک میزائل کا تجربہ ناکام ہو گیا ہے۔ فضا میں لانچ کیا گیا نیا میزائل صرف چند سیکنڈ بعد ہر پھٹ کر زمین پر آگرا۔ شمالی کوریا کی جانب سے یہ میزائل تجربہ بندرگاہی شہر سِنپو میں کیا گیا تھا۔ خیال رہے کہ گزشتہ روز شمالی کوریا میں بانی کِم اِل س±نگ کے 105 ویں یوم پیدائش کے موقع پر ایک بڑی فوجی پریڈ کا مظاہرہ مظاہرہ کیا گیا تھا جس میں اطلاعات کے مطابق اس بلیسٹک میزائل کی نمائش بھی کی گئی تھی۔ فوجی طاقت کے مظاہرے کے صرف ایک دن بعد ہی اس میزائل کو تجربے کیلئے آزمایا گیا جو بری طرح ناکام رہا۔