سرینگر (ویب ڈیسک) مقبوضہ کشمیر میں بھارتی فوج کی ریاستی دہشتگردی کی تازہ کارروائیوں میں ایک اور نوجوان شہید ہو گیا ں ضلع کپواڑہ کے علاقے چاگتبالا میں بھارتی فوجیوں نے تلاشی اور سرچ آپریشن کے دوران فائرنگ کر کے ایک نوجوان کو شہید کر دیاں دریں اثناءچھاپے کے دوران بھارتی فوجیوں نے لبریشن فرنٹ کے ضلعی صدر عبدالستار کو کلگام میں ان کے گھر سے گرفتار کر لیا ں

نئی دہلی (ویب ڈیسک)بھارتی وفد سند طاس معاہدے کے سلسلے میں ہونے والے اجلاس میں شرکت کے لیے رواں ماہ لاہور آئے گا ۔دو ماہ سے جاری سفارتی سطح پر بات چیت کے بعد بھارتی وفد نے پاکستان آنے کا فیصلہ کیا اور اس مذاکراتی عمل میں ورلڈ بینک نے بھی اپنا کردار ادا کیا ۔پاکستان اور بھارت انڈ س واٹر بیسن کا پانی آپس میں تقسیم کرتے ہیں جو کہ دونوں ملکوں کے لیے بہت اہمیت کا حامل ہے ۔دونوں ممالک کے درمیان سندھ طاس معاہدہ 1960میں ہوا تھا جس میں ورلڈ بینک نے ثالثی کا کردار ادا کیا تھا تاکہ دونوں ملکوں کے درمیان یہ مسئلہ ختم ہو سکے ۔مقبوضہ کشمیر میں حالیہ کشیدگی کے بعد بھارت کی جانب سے انڈس واٹر معاہدے کی خلاف ورزی کرنے کی کوشش کی گئی تھی ۔

واشنگٹن (خصوصی رپورٹ)امریکی نیشنل انٹیلی جنس کونسل نے دعوی کیا ہے کہ 2028میں پاکستان اور بھارت کے درمیان ایٹمی جنگ ہوسکتی ہے کیونکہ بھارت ا گلے پانچ سال کے دوران دنیا کی تیزی سے ترقی کرتی ہوئی معیشت بن جائےگا ،پاکستان روایتی حریف سے غیر موزوں طریقوں سے نمٹنے کی ضرورت محسوس کرےگا۔ امریکی نیشنل انٹیلی جنس کونسل کی طرف سے حال ہی میں جاری کی گئی ایک رپورٹ عالمی رجحانات بڑھتے تنازعات میں دعوی کیا گیا ہے کہ بھارت ا گلے پانچ سال کے دوران دنیا کی تیزی سے ترقی کرتی ہوئی معیشت بن جائے گا جبکہ چین کی معیشت بھی فروغ پائے گی جبکہ پاکستان بھارت کی معاشی ترقی اور روایتی فوجی صلاحیتوں سے غیر موزوں ذرائع سے نمٹنے کی ضرورت محسوس کرے گا۔ رپورٹ میں کہا گیا کہ پاکستان اپنے ایٹمی ہتھیاروں اور ڈیلیوری کے ذرائع کو بڑھائے گا جن میںمیدان جنگ میں ایٹمی ہتھیاروں اور سمندر پر مبنی آپشنز بھی شامل ہیں۔رپورٹ میں تین طرح کے حالات کی پیشگوئی کی گئی ہے جن میں قومی، علاقائی اور کمیونٹی کی سطح پر متبادل ردعمل سامنے آسکتا ہے اور ان تین طرح کے منظرنامے میں پاکستان اور بھارت کے درمیان ایٹمی جنگ بھی شامل ہے ۔ رپورٹ میں کہاگیا کہ پاکستان اور بھارت کے درمیان کشیدگی ایٹمی جنگ کی نوعیت اختیار کرسکتی ہے دونوں ملکوں کے درمیان سندھ طاس معاہدے پربھی کشیدگی موجود ہے جبکہ بھارت کی طرف سے یہ الزامات عائدکئے جارہے ہیں کہ ملک میں ہونے والے دھماکوں میں پاکستانی دہشت گرد گروپ ملوث ہیں اس بناپر دونوں ملکوں نے فوجوں کی نقل و حمل بھی کی۔ رپورٹ میں کہا گیا کہ مذکورہ بالا صورتحال کے پیش نظر 2028 میں جنوبی ایشیامیں ایٹمی جنگ کے خطرات پیدا ہوسکتے ہیں تاہم امریکن ایمپائر پراجیکٹ کے معاون بانی ٹام اینجل ہرد ا مریکی نیشنل انٹیلی جنس کونسل کے اس موقف سے اتفاق نہیں کرتے۔