لاہور( ویب ڈیسک)مسلم لیگ (ن)کے رکن پنجاب اسمبلی میاں عرفان دولتانہ نے کہا ہے کہ پاکستان کی معیشت میں حیرت انگیز طور پر بہتری آئی ہے اور پاکستانی معیشت روز بروز مستحکم ہو رہی ہے۔ انہوں نے کہا کہ ہر سال دنیا بھر میں ایک ملک معاشی طور پر سب سے زیادہ ابھرکر سامنے آتا ہے اور ماضی میں ان ممالک میں جرمنی، میکسیکو اور فلپائن شامل رہے ہیں، دنےا بھر کے معاشی ماہرےن کہہ رہے ہےں کہ یہ ایک مشکل ہدف ضرور ہے لیکن اس سال میں پاکستان کو یہ ہدف حاصل کرتا ہوا دیکھ رہے ہےں۔انہوں نے کہا کہ پاکستان کی معیشت میں استحکام حیران کن ہے، پاکستان کی اسٹاک مارکیٹ میں تیزی کا رجحان بھی اس بات کا عکاس ہے کہ یہاں اقتصادی سرگرمیوں میں اضافہ ہو رہا ہے جو معاشی استحکام کا باعث بن رہا ہے، پاکستان کی معیشت میں بڑھتے ہوئے رجحان سے یہ بات واضح ہوتی ہے کہ بلاشبہ پاکستان ایک ابھرتی معیشت ہے، ملکی نمو کی مجموعی شرح 4 فیصد تھی جو اب اضافے کے بعد 5 فیصد ہو گئی ہے جس نے ملکی معیشت کو درست سمت پر گامزن کر دیا ہے