لاہور (کورٹ رپورٹر) انسدادِ دہشت گردی عدالت نے جناح ہائوس پولیس کی گاڑیاں جلانے کے کیس میں پی ٹی آئی رہنما شاہ محمود قریشی کی درخواست ضمانت پر ریکارڈ طلب کرلیا، وکیل رانا مدثر عمر نے موقف اپنایا کہ پرا سیکیوشن تاخیر کرنے کیلئے ریکارڈ پیش نہیں کر رہی ہے، عدالت نے ریکارڈ پیش نہ کرنے پر برہمی کا اظہار کیا، وکیل رانا مدثر عمر کی میڈیا سے گفتگو کرتے ہوئے کہنا ہے کہ شاہ محمود قریشی کی ضمانت کے کیس میں ہم متعدد بار دلائل مکمل کرچکے ہیں، تاریخ کی سب سے پرانی ضمانت بعد از گرفتاری زیر التواء ہے، ڈاکٹر یاسمین راشد کی ضمانت کی درخواستیں بھی سب سے پرانی درخواستیں التواء میں ہیں ہر بار ایک ہی بات سننے کو ملتی ہے آج پراسکیوٹر موجود نہیں، آج تفتیشی موجود نہیں تاریخ دی جائے، شاہ محمود قریشی دیگر 9 مئی کے مقدمات میں بری ہوچکے ہیں ان کو میرٹ پر ضمانت ملنی چاہیے علیمہ خانم کی نظر بندی کو آج 60 روز مکمل ہوچکے ہیں، علیمہ خانم کی درخواستیں سماعت کے لیے مقرر نہیں ہو رہی۔

