نئی دہلی (شوبزڈیسک)بھارتی انتہا پسندوں سے خود بھارتی بھی تنگ آگئے، پاکستان مخالف فلم ’فینٹم‘بنانے والے ساجد نڈیاڈ والا بھی پاکستانی فنکارکے حق میں بول پڑے۔ساجد نڈیاڈ والا نے فواد خان کی فلم ’اےدل ہے مشکل‘ کی مخالفت کو افسوسناک قراردے دیا،بالی وڈ اداکار ورن دھون نے بھی ساجد نڈیاڈ والا کے بیان کی حمایت کی ہے۔کانگریس رہنما دگ وجے سنگھ کہتے ہیں کہ بھارت میں پاکستانی فنکاروں کا جنونیت سے پیچھا کیاجارہا ہے،بی جے پی رہنما اور نامور اداکار پاریش راول نے بھی فلموں کی نمائش روکے جانے پر افسوس کا اظہار کیا ہے۔
