اسلام آباد (ویب ڈیسک) وفاقی وزیر داخلہ چوہدری نثار نے ملک بھر میں شیڈول فورتھ میں شامل افراد کے بلاک کیے گئے شناختی کارڈز بحال کرنے کا فیصلہ کیا ہے۔ذرائع کے مطابق یہ فیصلہ وزیرداخلہ چوہدری نثار سے دفاع پاکستان کونسل کے رہنماﺅں کی ملاقات کے دوران کیا گیا۔ذرائع کا کہنا ہے کہ بلاک کیے گئے پاسپورٹس بھی فوری طورپر بحال کیے جائیں گے، صوبائی سطح پر شیڈول فورتھ کی لسٹوں کا بھی از سر نو جائزہ لیا جائے گا۔واضح رہے کہ نادرا کی طرف سے لگ بھگ 2ہزار افراد کے شناختی کارڈز بلاک کیے گئے تھے، ان افراد کی شہریت بھی عارضی طور پر منسوخ کردی گئی تھی۔
