اسلام آباد (ویب ڈیسک) دارالحکومت اسلام آباد میں انٹرنیٹ پر تصویر آنے کے بعد راتوں رات مشہور ہونے والے 18 سالہ چائے والا ارشد خان پاکستان اور بھارت کے درمیان کشیدگی کے ماحول میں ایک امید کی کرن کے طور پر سامنے آیا ہے، جب دونوں ملکوں کے کشیدہ تعلقات میں ایک بھارتی اخبار نے سنڈریلا کہانی پر تبصرہ کرتے ہوئے ارشد خان کو ایٹم بم قرار دیا۔ ایک غیر ملکی خبر رساں ایجنسی کو انٹرویو دیتے ہوئے ارشد خان نے اپنے بھارتی پرستاروں کو مخاطب کرتے ہوئے کہا کہ انہیں امن کا پیغام دیتے ہیں۔ اسلام آباد کے چائے والے ارشاد کو دنیا بھر سے پیشکشیں موصول ہونا شرع ہوگئیں ہیں۔چائے والے نے ایک منیجر اور ایڈوائیزربھی رکھ لیا جو تمام معاملات دیکھ رہے ہیں۔ارشد چائے والے کے منیجر ملک فہیم نے بتایا ہے ارشد کو برطانیہ سمیت دنیا بھر سے مختلف برانڈز نے اپنے ساتھ کام کی پیشکش کی ہے جبکہ اسلام آباد میں امریکی سفارت خانے نے بھی انکے ساتھ کام کی پیشکش کی ہے،تاہم فی الحال کسی بھی ادارے کے ساتھ کسی قسم کا کوئی معاہدہ طے نہیں ہوا ہے۔ارشاد چائے والا ایک ادارے کے ساتھ میٹنگ کے سلسلے میں آئندہ چند روز میں کراچی بھی آئے گا۔
