فلاڈیلفیا (مانیٹرنگ ڈیسک) امریکہ میں صدارتی الیکشن کے نتائج کے خلاف احتجاج شروع ہو گیا، کئی شہروں میں مظاہرے۔ فلاڈیلفیا میں ڈونلڈ ٹرمپ کے صدر بننے پر سینکڑوں افراد کا سٹی ہال کے سامنے احتجاجی مظاہرہ۔ امریکی میڈیا کے مطابق سیاٹل میں ڈونلڈ ٹرمپ کے خلاف احتجاج کیا جا رہا ہے۔ احتجاج کرنے والوں نے کہا کہ ڈونلڈ ٹرمپ کی افتتاحی تقریب کا گھیراﺅ کریں گے۔ نیویارک مین ہیٹن میں بھی نومنتخب صدر کے خلاف احتجاج، مظاہرین نے نعرے لگاتے ہوئے کہا کہ ڈونلڈ ٹرمپ ہمارے صدر نہیں۔ واشنگٹن میں بھی ڈونلڈ ٹرمپ کے ہوٹل کے سامنے مظاہرین کا احتجاج، ریاست اور ریگن میں ڈونلڈ ٹرمپ کے خلاف مظاہرے اوریگن پورٹ لینڈ میں نومنتخب صدر ڈونلڈ ٹرمپ کے خلاف احتجاج۔ اوریگن میں پولیس نے احتجاج کرنے والے ایک شخص کو حراست میں لے لیا۔ نیویارک میں ٹرمپ ٹاور کی طرف مظاہرین کی پیشقدمی، پولیس نے رکاوٹیں کھڑی کردیں، مظاہرین ٹاور کے باہر جمع ہیں۔شکاگو میں انٹرنیشنل ہوٹل کے قریب احتجاج۔ کیلیفورنیا میں اساتذہ اور طلباءسڑکوں پر نکل آئے۔
