کراچی (نیوز ڈیسک)کراچی کے علاقے گلستان جوہر میں قانون نافذ کرنے والے ادارے کے اہلکارپیپلز پارٹی کے سینئر رہنما مشتاق بھٹوکو اپنے ہمراہ لے گئے،مشتاق بھٹو شہید محترمہ بے نظیر بھٹو کے کزن بھی ہیں۔زرائع کے مطابق گزشتہ روز گلستان جوہر چورنگی کے قریب واقع رہائشی عمارت میں گزشتہ شام قانون نافذ کرنے والے ادارے نے کارروائی کی ،اس کارروائی میں سادہ لباس میں ملبوس اہلکاروں نے مشتاق بھٹو نامی شخص کو حراست میں لیکر تفتیش کے لئے نامعلوم مقام پر منتقل کردیا۔پولیس زرائع کے مطابق مشتاق بھٹو کو کرپشن سمیت دیگر معاملات پر تفتیش کے لئے حراست میں لیا گیا ہے۔ واقعے کے خلاف مشتاق بھٹو کے اہلخانہ شہراہ فیصل تھانے میں درخواست جمع کرادی ہے۔مشتاق بھٹو کا پیپلز پارٹی کے سینئر رہنماﺅ ں میں شمار ہوتا ہے، بے نظیر بھٹو کے وہ ایڈوائزر بھی رہ چکے ہیں،لندن میں میثاق جمہوریت کے وقت وہ محترمہ کے ہمراہ تھے جبکہ وہ بے نظیر بھٹو کے کزن بھی ہیں۔
