کوئٹہ(ویب ڈیسک)پاک سرزمین پارٹی کے سربراہ مصطفی کمال نے کہا ہے کہ عوام نے ایم کیو ایم کے دونوں دھڑوں کو پوچھنا چھوڑ دیا ہے، ہمارے پاس بھی اتنا وقت نہیں ہے کہ ان کے جھگڑوں کو دیکھیں،ساڈا حق ایتھے رکھ، تحریک کا مقصد عوام کے بنیادی حقوق کے لئے جدو جہد کرنا ہے،انہوں نے یہ بات کوئٹہ میں پاک سرزمین پارٹی کے مرکزی ڈپٹی جنرل سیکرٹری عطااللہ کرد کے والد کے انتقال پر تعزیت کے بعد پارٹی رہنما انیس قائم خانی کے ہمراہ میڈیا سے بات چیت کرتے ہوئے کہی ۔مصطفی کمال نے کہا کہ ہم علاقائی اور نسلی تعصبات سے بالا تر ہوکر ملک کی عوام کے لئے کام کررہے ہیں، ، مصطفی کمال نے کہا کہ پاکستان کے سوشل سیکٹر میں مسائل آفات کی شکل اختیار کررہے ہیں یہاں ہر سال ساڑے 3 لاکھ بچے خوراک اور پانی نہ ملنے کی وجہ سے مرتے ہیں،مصطفی کمال نے کہا کہ جب تک اختیارات نچھلی سطح پر منتقل نہیں ہونگے مسائل حل نہیں ہونگے،صوبوں میں این ایف سی طرز پر ضلعی فنانس کمیشن بنائے جانے چاہیے۔انہوں نے کہا کہ دنیا کے کئی ممالک پاکستان کو کمزور کرنے کے پیچھے پڑے ہوئے ہیں ،ہمیں اپنی خارجہ پالیسی اور دفاع کو مضبوط کرنا ہوگا،پاک سرزمین پارٹی کے سربراہ مصطفی کمال نے بتایا کہ وہ 23 دسمبر کو حیدرآباد میں منعقدہ جلسے میں ساڈا حق ایتھے رکھ،، تحریک کے حوالے سے آئندہ کا لائحہ عمل کا اعلان کریں گے۔
