ٹیکنالوجی کا کمال ،گمشدہ اشیا سیکنڈوں میں آپکے سامنے

لاہور(خصوصی رپورٹ)اگر آپ کی گاڑی، پالتو جانور یا کوئی اور ضروری چیز گم ہوجائے تو پریشان ہونے کی ضرورت نہیں کیونکہ امریکہ کی کمپنی نے ایک ایسی ڈیوائس تیار کرلی ہے جسکی مدد سے آپکی آنکھوں سے اوجھل ہونیوالی چیز سیکنڈوں میں آپکے سامنے آجائیگی ۔امریکی ریاست کیلیفورنیا سے تعلق رکھنے والی کمپنی نے جدید ٹیکنالوجی کا استعال کرتے ہوئے چھوٹی سی ڈیوائس تیار کی ہے جس کا وزن چابی کے وزن کے برابر ہے ۔ کمپنی کا کہنا ہے کہ اس ڈیوائس کے استعمال کیلئے جی پی آر ایس کی ضرورت نہیں ہوگی بلکہ ایپلی کیشن کے ذریعے اس ڈیوائس کواستعمال میں لایا جاسکتا ہے ۔کمپنی حکام کا کہنا ہے کہ اس ڈیوائس کو صرف گاڑی کیلئے نہیں بنایا گیا بلکہ کسی بھی چیز کیساتھ اس کو منسلک کر کے چھوڑ دیں اور جب آپ کو اس کی ضرورت ہو تو موبائل ایپلی کیشن کا استعمال کرکے اس کی موجودگی کا پتہ لگا لیں۔