مدینہ منورہ (ویب ڈیسک) سابق آرمی چیف جنرل ریٹائرڈ راحیل شریف نے دورہ سعودی عرب کے دوران مسجد نبوی میں نماز ادا کی ہے۔انہوں نے روضہ رسول پرحاضری دی۔ریٹائرمنٹ کے بعد سابق آرمی چیف جنرل ریٹائرڈ راحیل شریف سعودی عرب کی خصوصی دعوت پر وہاں موجود ہیں۔ انہوں نے مسجد نبوی کا دورہ کیا جہاں انہوں نے نماز ادا کی، سابق آرمی چیف نے ملک و قوم کی سلامتی کیلئے خصوصی دعا بھی کی۔راحیل شریف کو اس موقع پر سعودی حکام کی جانب سے خصوصی سکیورٹی فراہم کی گئی۔
