بیجنگ (آئی این پی ) چین میں ہونے والا ڈبلیو ٹی اے ٹینس ٹورنامنٹ کا فائنل جمہوریہ چیک کی پلیئر کترینا نے جیت لیا ہے۔ چین میں ہونے والے ٹینس ٹورنامنٹ کے فائنل میں جمہوریہ چیک کی کترینا سینا کووا اور امریکا کی ایلیسن میں جوڑ پڑا۔ چیک ریپبلک کی کھلاڑی نے حریف کے خلاف زبردست پرفارمنس دی اور انہیں جم کر کھیلنے کا موقع نہ دیا۔ کترینا نے امریکی حریف کو پہلے سیٹ میں چھ تین سے شکست دی۔ دوسرے سیٹ میں بھی وہ اپنی حریف پر چھائی رہیں اور با آسانی چھ چار سے کامیابی سمیٹ کر ایونٹ کی ٹرافی پر قبضہ جما لیا۔ یہ ان کے کیریئر کا پہلا ڈبلیو ٹی اے ٹائٹل ہے۔
